سلام والمركب عليه اثنين والساعه

هذا الخوي اللي تحطه على يمناك
في الانتظار

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

موفقين خير .. رحلة سعيدة و إجازه هانيه

واصل يابطل شوقتنا ،،

السلام وصلنا للرياض فجر الجمعه
والنفسيه مش ولا بد لكن تحملوونا هههههه .
السكن والسياره

حاجز عن طريق صاحب لي له معرفه بالمغرب
اتصلت عليه استشيره قال اذا تسمع النصيحه
لا تسكنو الا فالنخيل الدرقاوي ومشروط في بوابه 10 او 2 قلت اجل ضبطني بالحجز كلمهم وحجز غرفتين وصاله مع الشغاله 2150 درهم وضرببه لشخصين 30 درهم في بوابه 2 . وسائق خاص من نفس الدرقاوي يوميته ب600 نوع السياره اكسنت 2015 .
السكن محجوز لثلاث ايام من يوم الخميس والسائق يبدا معي من يوم الجمعه لمدة 6 ايام وسائق يستقبلني فالامطار من نفس مجمع النخيل ويرجعني للمطار في يوم المغادره 2400 درهم .

القطه من 8500 ريال للشخص الواحد .

اقلعنا من مطار الملك خالد الساعه 2 ونص الظهر ومن حظنا كانت الطائره ثلث المقاعد فاضيه على طول توجهنا للمقاعد الخلفيه عشان الواحد ياخذ راحته .
جونا شيبان اثنين بشكنا سوا وسوالف معهم وصارو من المخضرمين في المغرب وخذينا منهم بعض النصايح الثمينه الي ماتطري في بالنا ومن اهم النصايح قالو وانت هناك لا تسوي نفسك غني او بالاصح امورك الماديه تمام ثاني شي سو نفسك اغبى شخص امام رجال الامن من الشرطه او رجال الجوازات ثالث شي من توصل المطار تشتري شريحه جديده وانت راجع للمطار في عودتك للسعوديه تحذف الشريحه ومعها تسوي سفت وير للجوال ولقلبك وعقلك وتنسى وش صارلك فالمغرب .

نكمممل باقي التقرير
وصلنا المطار اتوقع والله العالم الساعه 9 مساء بتوقيت المغرب والله اني ناسي باي وقت لكن خلصان اجراءات الجوازات وفعلنا مشينا ع حقين الجوازت ان حنا ادلوخ ونجحت الخطه 100% لدرجه انه ارتفع ضغطه منا ههههههههه تعدينا الجوزات وصلنا نستلم الشنط تاخرت ممكن حددود الساعه استلمنا الشنط وع طول اخذنا شرايح مغربيه في المطار مجانا وانا علي الشحن بعدين توجهنا للصرافه معا اصحابنا الشيبان وكان الشيبان مستانسين من الصرف اتوقع كان بحدود 2.75اتوقع او 2.65 واستاجرو سياره من المطار لانهم ناوين يجلس في طنجه 3 ايام بعدين بيتوجهو للمراكش 7 ايام اما انا وصاحبي اتصلنا ع السائق قال انا موجود اما الباب وسيارتي فان اسود وفعلأ طلعنا وحصلنا اسمه سعيد كان شاب محترم جدآ ركبنا معه واول ماطلعنا من المطار سفط امام سوبر ماركت وجاب لنا اكواب و......و......... وقالو حذو راحتكم لان الخط زحمه بسبب عيد العلم المعربي وراح تكون الاجازه الجمعه والسبت والاحد وطريق زحمه من كازا الى مراكش .

وصلنا المجمع بحدود الساعه 2 ونص للمجمع وكان في استقبالنا موظف اسمه كريم كان استقباله جميل ورايق وشكيت فالاسقبال ان وراه شي طلعنا فوق لمكتب الاداره وترحيب ومن هالكلام قلنا الزبده سكنا جاهز قالو لنا ان سكنكم غرفتين وصاله ولكن مش متوفره حاليآ لكن راح نعطيكم شقه من 3 غرف بنفس السعر الى غدا وبعدها نسلمكم الغرفتين قلت ماعندي مشكله لكن بشششششششرط قالو وش شرطكم قلت ماتجيني بكره الساعه 3 وانا نايم وتقولي يالله اطلعو من الشقه وروح لسكن الجديد وتخرب نومي وجدولي قال ماعندك مشكله معاك حتى الساعه 7 مساء قلت اوك وانا اصلن عارف نفسي اني راح اصحى من الساعه 11 الصباح لكن ماابغى الخبط جدولي عشاانه .سوينا العقد ووقعنا عليه واليوم الاول الثلاث غرف بنفس السعر وبعد ورقة العقد جاب لي ورقه مكتوبه بالانجليزي مادري والله وش هي وفيها فرغات ماتعبت وقالي وقع في اسفل الورقه قلت وش هالورقه قال هذي انظمت المجمع وشروطه قلت ماعندي مشكله جبها لي مترجمه او خلها عندك الى بكره واجي اوقعها قال ماينفع لزم توقع هالورقه قبل تسليمك المفتاح قلت حتا انا ماينفع معي اوقع على ورقه مااعرف وش مكتوب فيها تبني اوقع لك يا تترجمها بالعربي هالحين او اجي بكره اوقعها او بطلع من عندك اروح ادور سكن ثاني قال شكلك زعلت علينا قلت هذا نظامي تبي كان بها ماتبي سلام عليكم وفالاخير سلمونا المقتاح ورحنا للسكن وكان في بوابه 2 وشقه من ثلاث غرف وحصلنا الخادمه موجوده تكينا فالشقه وسواليف معا الخادمه وتعرفنا عليها كان اسمها ام سليمان خادمه ماااتتعوض ماتتكلم حتى تسئلها والمكان كان نضيف جدآ وكان وجها بششوش عكس باقي الخادمات الي شفتهم في طريقي .

تقرير جميل لكن كمله

وانت اجمل من عيوني بس خل اللياقه ترجع
فيني تعب شديدددددددد

هههههههههه موفق حبيبي

اسلم اسلم