سلام والمركب عليه اثنين والساعه

باقي الايام كلها سهر في الشقه معا نفس القروووب
شوووي وطبخ وفلت احجااج ولا طلعنا منها الا مره او مرتين طلعنا العصر لساحة الفنا ومره شارع جليزي
اتمشينا في الاسواق وشيشنا في مقهى بشارع اجليز مقهى صغير وبعدها احلى سهره بالششقه . حتى موعد سفرنا سوينا التشك اوت يوم الخميس من المجمع بدون تاخير جانا مندوب من المكتب الساعه 2 الظهر وحنا جاهزين واخذ اغراضنا معه بالسياره طلعت للاداره وقعت ع المغادره عطونا الاجوازات نزلت لمكتب الايجار حصلت ساقنا صادم ومتمشكل معا المكتب دخلت ع المدير ع طول قلت انا عندي رحله وطلع لي سواق حالن قال مافيه مشكله نطلعلك سائق جابو لي سائق معه اكسنت رايحه فيها قلت ابي سياره ثانيه قالي انتظر ربع ساعه بتجي سياره نظيفه انتظرنا وجانا السواق وسيارته نظيفه وطلعنا ع طول للمطار وصلنا المطار ع حدود الساعه 6 مساء دخلنا المطار واول تفتيش عن البوابه الاولى نشب لنا الموظف دخل الشطنه رجع الشطنه احنا شاكين بحاجه . هنا عطيتهم وضعيت انا اغبى واحد قلت ماعندك مشكله تبغى تفتش الشنطه فكيتها لك لان حنا ناس نحب النظام قال جيب الشطنه وفكها قلت مافيه مشكله جبت الشنطه وفكها له ويفتش ويدور وهو يلمح باصابعه يبغى .وانا اقول والله ان تبي عظم تاحذ درهم واحد وبعد تاخير حدود ربع ساعه قال خلاص اوك الله معاك . قفضت شنطتي وتجهنا للمكتب الخطوط السعوديه الا هذاك الغرنوووق الي يحبه قلبكم عطينا رقم الحجز قال رحلتكم الساعه 9 البوابه 6 عطينا جميع شناطنا بالطائره وطلعنا انا وخوي من عندهم ماندري وين نروح وميتين جوع ونلقا شباب كويتين مسافرين قلنا نبي مطعم اوك قال اذا دخلتو داخل بعد تختيم الجواز بتحصلو في مطعم على اليسار اخر الصاله قلنا بسم الله جينا الجوزات عطونا كرت المغرب نفس الكرت وحنا نازلين للمغرب اسم العائله واسمك قبل الزواج خلصنا الكرت وجينا عند حقين الجوازت انا عند مكتب وصاحبي عند مكتب ويلمح ويحاول وانا النفسيه قدهي ضاربه ابي اكل شي ميت جوع قلنا يالله هالامره بنخرب الخطه ودفيناه 50 درهم وخلصنا وعطاني الجواز الا صاحبي باقي ويكلمني قال الرجال ناشب قلت يالله وهذي 50 درهم بس خلصونا نبي ناكل خلصنا دخلنا الصاله وعلى طول المطعم في اخر الصاله وقريب من البوابه 6 طلبنا بوفيه مفتوح 185 درهم للشخص معا مشروب واحلى كسكسي ومقبلات حتى تجدد نشاطنا التفت لي خوي قال وش فيك تخدرت قلت باقي الدخان وين ادخن الا فيه حقين النظافه من المطعم يغمزلي بعينه قلت اوك طلع من المطعم ولحق وراه ونروح لدورات المياه ويكلم وحده من حقين نظافة دورات المياه قالت مافيه مشكله 10 درهم والتفت عليه قلت لو تقولي بلاش ومعها تذكرها مجانيه للمغرب مادخنت في حمام فيه مكان غيره قال ماراح تتدخن في المطار الا هنا قلت هذا عليك وارجع لخوي قال ها بشر قلت يارجال الامور في انحدار تكفى يبو ..... قال وش فيه قلت ابي ادخن اخلص علي قال مشينا طلعنا من المطعم وحصلنا كفي شوب على بار قريب من المطعم وفيه ناس سعودين وندخل ونطلب ...... و.......... وناخذ طلبنا ونروح في الزاويه قال ولعها هنا والله مايجيك احد مايمديني اولع بالولاعه الا الزكرت الي معنا كلن يولع فتحت درب لهم ولتفت ع خوي واقول الله يستر الزبده بشكنا في الكفي وكان اغلبه سعودين وخليجين وكان جنبنا طاوله فيها اثنين سعودين اقسم بالله ياهم احثل ناس واقذر ناس شفتهم خارج السعوديه على ان اعمارهم كبيره بغى يقوم البقس معهم لكن ربكم ستر تحرشو في وحده جالسه ترضع طفله واتوقع انها افريقيه اقسم بالله شي مخزي لبعد درجه المهم انتظرنا حتى فتحت البوابه ع الساعه 8.45 وطلعنا انا وصاحبي وعطيناها الوادعيه ماقلنا ع الله نجلس في مقاعدنا ومن شين الحظ كانت الطائره فل لكن حصلنا عسكري من امن الطائرات لنا معرفه سابقه معه قلنا وش الوضع قال اجلسو في مقاعدكم حتى نقلع وبعدها نشوف قلنا اوك جلسنا في مقاعدنا حتى اقلعنا لحضات الا الذيب محظر عندنا قال لو سمحتو تفضلو معانا طلعنا واحلى درجه اولى جابو لنا عصيرات قلنا مانبي شي نبي ننام فقط واحلى نوووومه حتى ارض الووووطن .وسلامتكم

باقي اخر تقرير السلبيات والايجابيات والمصروف انتظرونا .

بصراحة تقرير ممتع يشدك ويخليك تتابع الأحداث

أشكرك انك كملت تقريرك
وكذلك قصة الشايب اللي ما نسيتها ،،
لكن نبغى منك الايجابيات والسلبيات اللي شفتها هناك

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

بانتظار السلبيات والإيجابيات :)

المصروفات .
القطه 8500 ريال للشخص الواحد
5000 ريال للشخص للمصاريف الشخصيه .

السكن :
الي اذكرها اني دفعت اخر 4 ايام 9599 درهم
اول ثلاث ايام مادري بالضبظ لكن اول يوم محسوب بقيمة غرفتين وصاله .
السائق : 3000 درهم* لمدة 5 ايام
سائق المطار الذهاب والعودده 2400درهم
ذبيحه :1000 درهم
جميع المصروفات للشخص الواحد :13500 ريال .

الخادمه :
عطينانها من عندنا 2000درهم على اني وصاحبي طبخنا اكثر من انها تطبخ لنا .
والخادمه اهم شي بعد السكن بتقولون ليه الخادمه هي اهم شي بعد السكن لان كنا نسهر واذا كنا مودعين نعطيها مفتاح الغرفه الثالثه وباب الشقه ونقول لها لاتعطينه احد وسوينا لها اختبار سويت نفسي اني مكثر وجيتها ابي مفتاح الغرفه والله ماعطتني سوت نفسها نايمه وفيه واحد من ...... يبغى يطلع مره العصر لان كان عنده شغل وبلغنا قال العصر راح اطلع عندي شلغه لزم اروح اخلصها قلنا اوك نسينا نبلغ الخادمه وجتها تبي تطلع العصروحنا نايمين* قالت المفتاح مش معاي ورجعت وصحتني وطلعت للخادمه وخذيت المفتاح منها وفتح لها .

السهرات :
كلها الثلاث بالديوان الطاوله بست 3200 درهم .
الي بيقول جوهم مش اوك وفيه شيلات واهداءات
اقوله هذي اجوواء اغلب اماكن السهر* اهداءات وبتقولي شيلات اقوولك يااخوي سهرنا معا الطبقه المخمليه الي Tob الtob* يحبون يسمعون طرب وشيلات . بس اتقولي فيه رش ومجاكر اقولك هذي انا معك فيه عقليات الحمد لله والشكر يعني مره من السهرات جالسين ممكن نص ساعه كلها مجاكر بين طاولتين واحد يهدي لعيون الشرقيه والثاني يهدي لعيون الغربيه وخذلك رش فلوووس واحد تعطيه عمر 23 سنه والثاني اتوقع عمره فوق 40 سنه مسكت مجااكر بينهم .
وكلن له جوه فانا وصاحبي حصلنا اجواءنا في الديوان .


السلبيات :
نظرات (البعض)* لك تحسسك انك مسوي جريمه .

كثرت طلب البخشيش يعني حتى القلم فالمطار لزم تبخشش عشان قلم .

السائق :
السائق هو الي يضبط جوك بعد السكن وسائقنا Ok لكن فيه عيب انه يستدلخ ويستعبط فكذا خليت **صاحبي يحذف الميانه ويفلها معه وانا معه رسمي**
*اذا بغينا شي انا الي اكلمه فصار بيني وبينه حاااجز .
طلعنا من الشقه مره للديوان ثاني سهره فلما نزلنا انا وصاحبي طلعت ناسي الفلوس اتصلت عليه قلت ابي 4000 درهم واذا رجعنا اعطيكيها قال ربع ساعه وفعلآ ربع ساعه وهو محظر ال 4000 درهم عندي ومره نقص علينا عصير الساع 8 الصباح اتصل عليه صاحبي اكثر من مره مارد خليته نص واتصلت عليه رد قلت الوضع مزري ونبغى قال المجمع الي عندكم فاتح هالحين روح ع رجولك قلت وانا دافع 600 درهم لك ليه معك ربع ساعه اذا ماجيت اعتبر اني جايب سايق ثاني وسكر منه وفعلأ دقايق الا وهو يتتصل قال انا في المحل وش عايزين اجيبه بالفاتوره وتحاسبوني .
*من خططط الشيبان للمعلوميه *
الخبره لها دور .
*
الايجابيات :

المغرب اول زياره لي فيه راحه نفسيه غير
*قد سافرت لمصر ودول الخليج وسهرت لكن الراحه النفسيه والسهر غيرررر .
وان شااء الله لي رجعه قريبه .
الي بينتقد جدولنا اقوله ياخوك السعوديه من شمالها الى جنوبها ومن شرقها الى غربها قد جيتها مقناص ولا مكشات يعني اماكن السياحيه ماهي من اولوياتي في المغرب جدولي انا وصاحبي كان السهر والسهر والسهر فقط .

نصايح *
*طبق مقولت ياغريب كون اديب .
**يجب ان تكون حليم وصبور وتكون ردة فعلك ثقيله وموزونه لانك بتحصل من يسبك ويتحرش بك ولدرجت انه يحذف العلبه امامك لكن كانت ردتي فعلي اني لا اسمع لا ارى انا وصااحبي .
***الورقه الي كتبت عنها اول التقرير الي بالانجليزي الي يبوني اوقع عليها ورفضت جيت اليوم الثاني واتفقت معهم على الشقه وكل حاجه ولم يطرو الورقه وانا لم اذكرهم فالى يومكم هذا ماعرف وش كان مضمون الورقه فيجب على كل واحد التاكد قبل توقيع اي حاجه مثل عقد السكن او عقد الايجار حتى لو كانت بالانجليزي وانت ماتعرف لا توقع خله يترجمها او ترجمها بجوالك .
**** لا تبين نفسك انك غني او ماديتك جيده و السائق اذا كنتم مجموعه او اقل شي اثنين واحد يكون رسمي معا السايق والثاني لا يكون فلااوي معه عشان تضمنه وتريح راسك من بعض الامور .
***** وانت فالامطار احذف الشريحه وسو فرمته للجوال ولعقلك وقلبك .....


نهاية التقرير الي عنده سؤال او استفسار انا تحت امركم ...


البراااق .......... اه اه اه يامراكش .

للتصحيح في ثاني تقرير او ثالث تقرير في بدايته ذكرت حجزنا في المرجان والصحيح في الديوان *******
لكن ماعرفت اعدل على التقرير وشكرا.

تقرير في غاية الروعه والحمدلله على سلامتك
اخوي ابغى الشقه ثلاث غرف في اي منتجع
وكم سعرها وياليت تزودني ب رقم صاحب الشقه وشاكر لك

الله يسلمك سكني كامل الرحله في النخيل الدرقاوي والسعر 2400 معا الخادمه والضريبه
الرقم تواصل معي ع الخاص وراح ارسلك الرقم .

ارسلت مدري عاد هو خاص ولا المهم اذا ماجاك شيء ارسلي خاص انت

الحمد لله على السلامه وسلمت اناملك على هالتقرير ..
بسألك عن الدراهم حولتها كلها مباشره من المطار ولا كل مابغيت شيء نصيت الصرافه..
وتشكراتي خيي البراق