أخوي سبق وكنت أروح أنا والشباب لبالي في اندونيسيا ومعانا أصحابنا من المغرب وكان نقطة اللقاء مطار حمد الدولي بالدوحة ومن بعدها نركب بطياره وحده لبالي .
تبي الفله روح لبالي وخل عنك بونشاك وجاكرتا ماينفعن بريال لأن في بونشاك بلد كئيب مافيه إلا طبيعه وأماكن تمشي وبعد المغرب اقضب أرضك بالفيلا أو تروح تسهر في مطعم جايبين حضارم عايشين هناك يغنون ومسوين فنانين أما جاكرتا إذا جوك عربي مافيها إلا مكانين دي ليلا والثري هورسس بالنسبة لدي ليلا جوه أوكي وحلو لكن مشكلته يقفل الساعه ٤ وكل اللي شفتهم فيه بتسوفهم في الثري هورسس لأنه يقفل الساعه ٦ بس عيب الثري هورسس صغير وفيه مجموعة عراقيين دايم يسوون مشاكل مع السعوديين ودايم مضاربات فممكن وانت ترقص بالبست جايك بطل شاطف راسك وآذا جوك غربي عندك stadium , sky bar , lexus, millies, cj's وكل الخمسة هذولي ممتازه وفيه غيرهم كثير غربي بس هذولي التوب.
أما بالي وش أقول لك فهي جنة الله في أرضه طبيعة وسياحها أستراليين وغربيين وفيها شارع legian في شاطىء كوتا هذا بالليل تعال وتمشى فيه وشوف يمينك ويسارك البارات والنايت كلوبات تخير اللي تبيه وأطلقهم bounty clup ممتاز
وفيها منطقة jimbara ممتازه وفيها مطاعم سي فود وجلساتها ع البحر حلوة تجيها وقت الغروب.
سعر التذكره من كازا الى بالي أتذكر كان يتراوح مابين ال ٧٠٠٠ الى ال ١٠٠٠٠ درهم مغربي ع القطريه ع حسب الفتره اللي مسافر فيها
وأتذكر كان يحتاجون أخويانا بالمغرب عشان يمشون بمطار محمد الخامس حجز فندق حتى لو وهمي يعني سوي حجز بأساميهم وارسلها لهم بالإيميل او الفاكس وعلى طول ألغي الحجز و٣٠٠ دولار أو ٢٥٠ يورو تكون عندهم لكل شخص بس الفلوس هم يدبرونها لاتحول لهم ههههههههههه
2015-11-14, 10:33 PM
المواضيع المتشابهه للموضوع: السلام عليكم
العرض العادي
الدرهم المغربي مقابل عملات الخليج