موضوع نقاش عن اللي مايبغى يرشي ويعطي قهوه وش الحل ؟

السلام عليكم
الكتاب باين من عنوانه يا اخوان
فبلاد المغرب كل شي ماشي بالرشوه للاسف طيب اللي مايدفعون رشوه دايم تتعكر امورهم وش الحلول لهم يا اخوان ؟

انا اتكلم من جميع النواحي واولها السكن

القانون فبلاد المغرب يسمح بالتجول مع الصديقه ولا حلال عالاوربي وحرام عالخليجي ؟
لمن توصل الامور للدرك والسفاره وش اللي يتعرضله الواحد وتتعرضله الصديقه ؟

يعني ياليت اهل الخيره يتكلمو بهالامور بالمنتدى ويوضحو للمزاعيط اللي له واللي عليه .

وشاركونا ارائكم

امشي عدل عدوك يحتار فيك...عندي تعقيب بس فيما يخص التجول مع الصديقة. ..ترى عادي أهم شيء تلبس عدل وشكلها محترم وبدون شغل هشك بشك وماكياج الافراح . ...

ماشين عدل العدل والدليل على كلامي ( كلامك ) كيف عادي تتمشو ولا شافك واحد من هالدرك وغيره يقلك هذي مو زوجتك ومشاكل وعويصه !

غير استفزاز المطار اذا قلتله ماكنش دايا نفضلك الشنطه نفض واخرك وحاسك.

او فندق يكون مسموح للضيوف ولا جيت بالليل بتدخل غثك وعل قلبك الحارس الين تدق عالمسئول يجي يتفاهم معاه

وتقوليلي امش عدل الله يسعدك !!

الوضع مخجل ومؤسف للخليجي بالمغرب
لو الواحد معاه جواز اوروبي مايصيرله شي من هالامور وهالاستفزاز وهالشحده .

وجهة نظر شخصية
بالنسبة للدعوة في المطار أو غيره انا شخصيا احب ادفعها لوجه الله لأنه بالنهاية مسكين وابو عيال وما ترزز لها إلا من فقر. ولو احس اني بدفعها عشان امشي اموري بس ما دفعتها.
بالنسبة الصديقة والخروج والدخول. هذي مواقف انت حطيت نفسك فيها ما احد جبرك.. والخطأ مو منهم. الخطأ منك انت وقوانين بلدك. لأنه الدرك يدري انها مشكلة بالنسبة لك لو وصلت سفارة بلدك فيعتبرها صيغة. انا الخواجة لو وصلت سفارة بلده فالموضوع عادي. عرفت الفرق.
اللي يزعل ما هو هالشيء. اللي يزعل يوم يسكنونك في مزبلة سعرها أضعاف سعر شقة يستاجرها الأوروبي.

__________________
إذا لم تزد على الدنيا ... فأنت زائد عليها

اذا بتدفعها لوجه الله ياعزيزي تدفعها بعد مايختم جوازك وبعد ماتعدي بشنطك ترجع وتعطيهم
ثانيا اذا بتعطي فيه حريم ورجال كبار سن يعملو بالكوفيهات والمطاعم هم احوج مليون مره من الدرك واي واحد بالسلك البوليسي اللي حياتهم كلها استفزاز ورشاوي حتى على اهل البلد

^ هذي وجهة نظر ^

اما من ناحية الصديق طيب انا حاب نسافر بسياره وحده لكذا مدينه وش الحل هنا ؟ هل قانون البلد يسمح ؟ اذا يسمح ماتوقفله اصلاً وتقوله كلمتين ان قانون بلدك يسمح وتعطيه ظهرك

بس عندنا سفاره ناااايمه وتلقى يمكن بعض موظفينها اخس والعن مننا بالف مره .

اقول فكونا من هالسواليف تفقع المرارة

البلد كذا ماشي عليك وعلى المغربي ماعدى الاوربي فقط

بمعنى ان الرشوه تدفع حتى من المغربي حتى يخلص اموره سواء استخراج جواز او غيره ..

والخليجي هو الي يحط نفسه بمواقف بايخه انت عارف قوانين البلد

فراح تطبق عليك فقط ولاكن الاوربي عنده حصانه ..

وشكرا ً

نعتذر كل الاعتذار لجميع اللي قراء وانفقعت مرارته

اعطيني قوانين البلد ياسواح
وياحبذا لو فيه صفحه عالنت تعطيني رابطها لجل اقراها واعرف اللي لي واللي علي

لاني بيني وبينكم انا اخرج من المغرب اقول ماعاد ابرجع
ست شهور بالكثير الا انا حاجز ورايحلها

ياخي بلد جميل تشتاقله غصب ❤️

ايش لك في القوانين. ....احترم تحترم.....ويا تتقبل البلد بعلاته. ..يا ترفضه ولا عاد تزوره