تبغى سكن حياك ..

المشاركة الأصلية كتبت بواسطة متعلق

تدعون الطيبه ويقولون مالايفعلون حسستني انك مسوي حفله لرابح صقر خذها قاعده يا ابني كل مزعوط يسافر للمغرب له جوه الخاص وصعب يدخل احد فيه الا اذا كان خفيف هذا شي ثاني

المشاركة الأصلية كتبت بواسطة sultan21

وعليكم السلام ونعم فيك وفي خويك انا اشهد انك راعي طيب ..... الله يوفقك برجل شرواك

المشاركة الأصلية كتبت بواسطة البرررنس

السلام عليكم ورحمة الله وبركاته
احنا اثنين شباب أجرنا فله خاصه
ثلاث غرف بمراكش رحلتنا في منتصف شهر يناير لمدة
عشرين يوم
كنا ثلاثه وواحد لم تسمح له ظروف العمل في
اخر لحظة واحنا قد حجزنا والفيلا مغرية ثلاث غرف وثلاث صالونات
وحديقة ومسبح وأربع حمامات كرمكم الله
الفيلا حجزناها ب٢٢٠٠درهم ولو بنقسمها على ثلاثة
تطلع ٧٠٠درهم واحنا طبعاً من أهل الرياض أول غرامي
الله يبغى يشاركنا حياه الله نتقابل في كوفي والا نعزمه عندنا
اذا عجبه الوضع خوينا ومرحباً مليون وموفر على نفسه وموفر علينا
وفيه ناس نفسيات بيقول وش تبي بغريب ماتعرفه
بقوله انا يهمني الرجال اللي قدامي واعرف اقيم
والدعوى سهلة محد مأكل أحد وغير كذا المدة طويلة
بسكن عشرين يوم يعني اوفر على نفسي واوفر على غيري
بدال مايأخذ غرفه وصالة كانها قوطي بالف وخمس
يسكن بفله وينبسط معنا جمعه وفله وننبسط معه
وعلى فكره يقط في الفله بس اللي غيره مجهز
من اكل وشرب وغيره مايحتاج يدفع فلس
يعني الزبدة حنا نبي فله وسهره في الفله وعددنا اكبر
ومنها نستفيد نوفر حق غرفة فاضية وبس
وتكفون اذا واحد بيعلق تعليق يغث ويسوي فاهم
لايشارك يجيك مسوي فاهم ويقول انت مطفر وتبي توفر
ليش مسافر واشتر راحتك وكلام هياط مدري وش
يبي بقوله الحمد لله ميزانية مفتوحه بس ليش اهايط
والا يقولك غريب وش تبي فيه بيخرب سفرتكم
من الحين اقوله بنتقابل ونسولف وماراح يجي معنا
الا واحد مرتاحين له ومرتاح لنا اسف على الاطالة
ومشكورين اللي يبغى خاص

المشاركة الأصلية كتبت بواسطة كآزآوي مزعوط ~

والله انك كفووو ،

يعجبني فيك شفافيتك في الحوار ،

الا ان بعض الردود تغضبك ،

لكن ع قولة اخواننا اللبنانيين ،

روء حالك والدنيا تحلالك

المشاركة الأصلية كتبت بواسطة ahmadhlayel

بالعكس انتم عملتم خير ليش نعلق بغير كلام الشكر لك ولخويك وهذا يدل انكم اهل نخوه

المشاركة الأصلية كتبت بواسطة تركي13

معرفة الرجال كنز وذا من طيب اصلك