تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

جييتك على الموعد ولا جييت .. ثاني زيارة للمغرب الحبيب

Secret 9 · 2016-01-25T10:44:09+00:00

اهلن بالمزاعيط كيفكم ان شالله طيبين جيت من ثاني سفرة للمغرب واول سفرة كانت بموضوع ثاني للي حاب يشوفها عموما الرحلة هذي بما اني جربت ثلاث اماكن من كازا على مراكش على اغادير وفضلت مراكش الحمرا عليهم السكن طبعا كان في الروز قاردن فيلا خمس غرف واحنا اربع اشخاص بس ماحسبو علينا الغرفة الخامسة لان ماعندهم اربع غرف الفيلا جميلة نوعا ما وقريبة من الريسبشن بس صالتها صغيره جدا ماحبيتها .. وبما انهم منكحو بي المرة اللي راحت كنا ثلاث اشخاص ولفقو لي فيلا 7 غرف ثلاث مع صالة لوحدها وبينا وبين الفيلا الثانيه باب يعني كل واحد يتحدى الثاني بالازعاج وحاولت معهم يغيروها لكن تصريفات المغاربه ماتنبلع الزم ماعليهم اللي بجيبك وصافي .. المرة هذي اتوقع قالو هذا زبون عندنا لازم منكح جديد نطلع منه قيمة الغرفة الخامسه وتفوو عليهم من منتجع المقلب الجديد طال عمركم هو اني طلعت الساعة 2 وطلبو من 2500 درهم حق نص يوم مع اني طلعت منه نفس الوقت المرة اللي فاتت بس عشانهم شابكيني مع فله قالو ماناخذ شي .. قلت اوكي انا تاخرت وهذا حقكم مع ان اغلب الفنادق تمشي الحال لكن هذول مسوي صارمين هالمرة والمنتجع كان شبه فاضي في شهر يناير ماحولك احد .. والظاهر 2500 ماكفتهم قالو في اكواب مكسرينها انتو والطاولة مكسورة وهي مكسورة من زمان لكن الاكواب ماذكر ان فيه شي انكسر يوم قلت لهم وروني الاكواب المكسورة تلعثمو ولطعوني ساعة عند الريسبشن كل شوي يقولو جايا ومعها الاكواب وخذلك 1200 درهم سرقة جديدة حسبي الله عليهم يعني مطلعين منك حق الغرفة الخامسة مطلعينها عموما طلعت منهم ورحت السكن الثاني بجلس فيه 7 ليالي وهو سيكرت قاردن اللي يبي فخامة ودلع من الاخر ويحس نفسه ملك يسكن فيه وهذا موقعهم [url=https://www.palmeraiemarrakech.com/en/hotel/secretgarden/]Secret Garden in Marrakesh, Morocco - Book a luxury Residence in la Palmeraie[/url] ياناااس صفقت الروز بالحيط عن اي دلع تتكلم طبعا الفيلا 3 غرف رئيسية وغرفتين للسائق والخادمة ومكانها تحت بالقبو مع المطبخ نبذه بسيطه عن الصالة [url=https://www.up-00.com/][img]https://store1.up-00.com/2016-01/145371595721471.jpg[/img][/url][URL="https://www.up-00.com/"][/URL] نبذة بسيطة عن منظر خارج الفيلا [url=https://www.up-00.com/][img]https://store1.up-00.com/2016-01/145371595861152.jpg[/img][/url][URL="https://www.up-00.com/"][/URL] طبعا هذا ممنوع السباحة فيه مجرد منظر جميل ولا فيه احد يجلس او شي لان زي مانتو عارفين الجو بارد نوعا ما بس اتوقع راح يكون المنظر صاخب في الصيف بالنسبة للاسعار 4000 درهم لليلة وهذا مجرد سعر ترويجي لان السعر الاساسي فوق طاقة الاغلبية ولازم تاخذ 7 ليالي مو ليلة او ليليتين وتحولها لهم من بلدك ومسموح للضيوف ماعدا الضيف المراكشي يعني بطاقته مراكشية لايقبل عنده الوضع فيه نوع من المغامرة من ناحية تحويل المبلغ لكن الحمدلله انبسطنا احلى هيصة وطبعا مو كل الوقت بالفيلا سهرت بكاش كم مرة يعني تغيير جو وصراحة مرة عجبني مع ان الطيور يسهرو في الديوان المعفن لان طاولته ارخص هذا هو موجز زيارتي الثانية للمغرب الحبيب جيتها لكن بزرفة اقل وسرقة اقل وكل يوم نتعلم وطبعا لايهون المطار والملعنه اللي تصير فيه بس الحمدلله مرت بسلام هذا غير الشحاتين اللي تجمعو علي عند كارفور اخذو مني مبالغ اعطيت واحد يجونك كلهم عشان كذا لاتعطي احد وتتعلق برجلك بنت صغيرة ماتدري وين تولي ياهووووه فكوونا تكفون واخيرا ليس اخيرا اتمنى مايكون موضوعي فيه نوع من الغلط والتجريح وشكرا .. لكم المايك

مسجون مراكش

مزعوط نشيط

المشاركات: 50

تاريخ التسجيل: Dec 2013

2016-01-28, 02:21 PM

المشاركه #10

قبل سنتين كانت لنا زيارة فيه
روعه وفخامة ولكن يجب أن يكون العدد الاشخاص أكثر من 4
أن شاء الله لنا زياره فيه بعد شهر

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: جييتك على الموعد ولا جييت .. ثاني زيارة للمغرب الحبيب
الموضوع	آخر مشاركة
مسافر للمغرب ثاني مرة	2023-01-14 06:01 PM
اول زيارة للمغرب	2019-08-11 06:34 PM
ثاني سفرة للمغرب	2016-01-08 12:57 AM
رجعت من المغرب وسوف تكون اخر زيارة للمغريب الحبيب	2012-08-20 10:16 PM
زيارة للمغرب	2011-04-09 12:40 PM

الساعة الآن 11:29 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

جييتك على الموعد ولا جييت .. ثاني زيارة للمغرب الحبيب

روابط سريعه