|
مصر حلوه في هذا الوقت زرتها قبل شهرين
افضل مما كانت عليه في السابق خاصة اهل التكاسي تعاملهم جميل جدا افضل من الاول يفضل البعد عن اصحاب التكاسي الخصوصي الذي ياتي اليك رقمة من المسافرين مرة واحد اعطاني رقم سواق في مصر واخذ يوزع رقمه على الاعضاء في احدى المنتديات اكتشفت ان صاحبه الذي يوزع رقمة اكبر نصاب علما انه ينشر رقمه بين الاعضاء ويزكيه ليس شرط اذا لم ينصب عليك لا ينصب على غيرك لذا الحرص واجب في السفر |
اقتباس:
هلا والله بالشامخ انا من الناس اللي لازم سنويا اروح لمصر اخر وحده قبل خمس وعشرين يوم مصر حلوه واهله احلا بس لاتتحسس من موضوع النصب وانهم يلعبون عليك وابد تبي تعجبك بس اذا تبي تقارنها بقبل اقولك قبل احسن بمية مره الا اكوام الزبايل الفضلات في كل مكان حتي في الطرق الرئيسيه يعني اذا جاي تدور نظافه اقولك لاتقرب مصر واذا جاي تبحث عن سعة الصدر وطيبة اهلها حياك وهالمقوله دايم اقوله للي رايح لمصر |
كنت اجمع معلومات عن مصر بس جد ضاق صدري وهونت عن مصر
|
اقتباس:
والله ي الربع اني بديت افكر مثل صقر معقوله مصر فيها كل السلبيات هاذي ، طيب و الناس الي تروح لها بالسنه اكثر من مره و اكثرهم فلاويه !!!! انا حاجز بعد يومين و ابي اشوف بعيني مع اني بديت اتردد و اراجع حساباتي اذا فيه خبير بالقاهره ممكن يفيدني يراسلني خاص عشان احدد اروح ولا لا مع العلم اني ابغى اخذ اجازه من المغرب لاني حسيت اني بديت اتعلق بشكل زائد عن المعقول [emoji41] |
مصر في الخمسينات والستينات والسبعينات كانت تسبق دول العرب في التطور والسياحة..الان تخلفت كثير واختل الأمن وكثر النصب .للناس فيما يعشقون مذاهب
|
اقتباس:
طيب المغرب متخلفه عن حضور سباق السياحه اصلاً و مع ذلك تعشقها كل المذاهب |
وبعد معشوقتي أگادير... أول مره إلى القاهرة ، استفسارات
والله ياخوي من واقع خبره قديييييمه في مصر
اقولك توكل على الله وروح واسكن في فندق من الفنادق الخمس نجوم محد له شي عندك انت وطيورك الوضع عادي وكل سفراتي لها من زماااان وانا بالفنادق ماعمري اخذت شقه بمصر لان الامان لك عليه حبتين من ناحية الفندق عندك كونراد سميراميس ماريوت الخيام الفورسيزن ميريديان هذول عطيتك افضل الفنادق بالقاهره اللي عن تجربه شخصيه السيارات عندك من الفندق نفسه تاخذ سياره بسواق واذا حبيت تكون حر اكثر بدون قيود ورسميات عندك التاكسي (الابيض) هو الافضل بالتعامل من اصحاب التاكسي الاسود وعندك بالنت تقدر تحجز سياره بسواق من اي مكتب سيارات واعمل حسابك ان فترة وقوف السواق ينتظرك بمواقف الفندق هذي محسوبه على غرفتك وبعض الفنادق المواقف مجانيه شريحة الجوال والانترنت انصحك شركة (اتصالات) (فودافون) هم الافضل من ناحية الخدمات والجودة والاسعار الاكل عندك جميع المطاعم من خمس نجوم الى الشعبي طبعا انصحك وبشده جدا جدا جدا انك تزور مطاعم تعتبر معلم من معالم مصر (فرحات) (كشري ابوطارق) (كشري التحرير) المقاهي طبعا من اجمل مايمكن والجلسات الجميله عندك روح الحسين / مقهى الفيشاوي ٰ وبالنهاية من ناحية التعامل ياخوي ماعليك من المبالغات بالوصف موضوع الشحاتين والنصابين موجود بكل دول العالم بمافيهم مصر ايضا يعني ماهو شي جديد توكل على الله وروح بالسلامه وامورك طيبه باذن الله الوضع حاليا افضل من ماكان بالسابق شويتين لان السياحه ابتدت تندثر في مصر بعد الاحداث لذلك الكل صار يرحب ويهلي بالسياح الان عشان ترجع زي ماكانت لان حياتهم بعد الاحداث وانقطاع السياحه اصبحت جحيم نسبياً بالتوفيق ان شاءالله وسفره سعيده |
اقتباس:
|
اقتباس:
اخي العزيز ماحب اني اتطرف بامور اخرى غير محتوى الموضوع ولكن حبيت بس اوضح لك شغله بسيطه يابعد راسي من ناحية التطور / ف القاهره تعتبر متطوره نسبياً اكثر من مراكش نتكلم بأمور كبيره كـ شبكات الاتصالات اللاسلكيه والانترنت من ناحية التسوق والمولات والتجاره والاقتصاد والمحلات من ناحية المطاعم والكوفي شوب وغيرها النظام المروري مختلف تماماً لايوجد مايسمى الدرك وكل شوي يوقفك واحد ويفتش لااايوجد قصة انك تطلع مع طيرك بالسياره او تتمشى لايوجد احد يكلمك النظام الامني ايضا يتبخشش ولكن ليس كما هو في مراكش حسب ماتفضلت ان مراكش ترتيب عالي في (ترب ادفايزر) او اي المواقع الاخرى هذا الشي يكون بدليل كثره الزيارات وكثره الحجز على الدوله هذي يعني (حجوزات) مش معناها (خدمات) يعني مب شرط لما تكون بالترتيب رقم واحد معناها هي فعلا رقم واحد هو المقصد من الترتيب انه لها زيارات كثيره وهكذا على سبيل المثال بالرغم من وجود سلبيات كثيره بمراكش وبالرغم من عدم توافر وسائل تسليه وترفيه غير اوقات الليل الى اننا نسافر وبنتردد على مراكش كثير كثير ولكن الخدمه غير مرضيه الى اننا نسافر لها بشكل دايم تقبلو تحياتي والسموحه عالاطاله |
اقتباس:
البرنامج اصبح مؤشر لقياس افضل الوجهات السياحيه .مراكش يوجد بها خيارات سكن كثيرة جدا ويكفي ان تضع مراكش في بوكنق وستجد ان خيارات السكن 5 اضعاف القاهرة.. مراكش تقريبا 1250 خيار للسكن..القاهره 230..وايضا الترفيه موجود بمراكش اما بخصوص المولات فالثقافة المغربية متأثرة بفرنسا ويتضح ذالك بالمتاجر المتناثره هنا وهناك..المولات ثقافة دخيلة على المغرب وصلت متأخره ممكن قبل 10 سنوات..المطاعم والمقاهي عدد لايحصى بمراكش من كثرته..السهر اعتقد انها ان لم تكن افضل مدينة عربية في السهر فهي اكيد الثانية..جمال الطبيعه والتاريخ ايضا حاضر بداخل المدينة مثل ساحة الفنا والقصور التاريخية او بنواحي مراكش مثل اوريكا وستي فاطمه وامليل وامنفري .. اعتقد ان ابرز عامل يحدد اختيار السائح للمدينة هو (الراحه النفسية) وللأسف هذا العامل مغيب في المقارنات..الراحه النفسية خلتك تفضل القاهره وانا الرباط وغيري يعشق البر والصيد .. |
| الساعة الآن 02:08 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط