بدايه موفقه مع تذاكر الطيران

كيفني معاك ؟؟؟ طالب نجيب وملم ههههههههه

عليكم السلام و رحمة الله و بركاته
القطار تغيير محطه وانتظار وضياع وقت وفي شوي مرمطه الأفضل سياره تستلمها من المطار وتطلع بها انت تسوق الي مراكش والمسافة قريبه 3 ساعات فقط .
المنتجعات الأغلب فيهم البشاشه ما عدا الدرقاوي طبعا الدرقاوي يختلف التعامل على حسب اللي انت مستأجر منه لأنه يوجد عدة مكاتب
بالنسبه للمنتجعات في منطقه النخيل عندك باليمري فيلاج أو نخيل الأطلس او الدرقاوي ويوجد هناك أعلى مستوى وأسعارها أغلى
ورحلة سعيده

بحسبه بسيطه انتم اربع اشخاص السياره اوفر لكم من القطار اللي راح يكلف كل واحد فيكم 220 درهم الي مراكش 60 من المطار الي كازا المسافرين و 160 من كازا المسافرين الي مراكش يعني تقريبا 1000 درهم تقدر تاخذ اي سياره ببالك بهذا المبلغ والطريق سهل ما يحتاج غير جوجل ماب

__________________
ان تكون مجنونا في ارض الجنون خير من ان تكون العاقل الاوحد

السياره اهم عندي من السكن

مهما كانت المده قصيره وحتى لو كنت بتقضيها في كازا لازم يكون معك سياره في الاول والاخير انت جاي سياحه يعني فيه مشاوير وتماشي وروحه وجيه

فمابالك اللي وراه مشوار لمراكش والا اغادير والا طنجه

عموما اربعه اشخاص مع اغراضكم وعفشكم يبي لكم جيب عندك من الداستر اللي يوميته بحدود ٣٠٠ درهم الى الطوارق اللي يوميته بحدود ٨٠٠ درهم.. وانت وميزانيتك

مادام ان هالسفره اول سفره لك انصحك يكون معاك سواق وياحبذا لو يكون من اهل الديره اللي بتروحها لان مو كل شي بتلقاه على خريطه قوقل ومو كل شي تبغاه تقدر تحطه في البحث .. وان عرفت اسم المحل مانتب عارف متى الوقت اللي تجيه


حلو انك حددت وجهتك لمراكش كمدينه وحده يعني بحثك راح يكون مركز على مراكش من ناحيه سكن واماكن سهر و اماكن سياحه


انصحك تحرث المنتدى وتشوف المواضيع والتقارير اللي كتبوها المزاعيط عن مراكش والمناطق الطبيعيه والسياحيه اللي تستاهل الزياره في مراكش وحولها


والسكن اتمنى ان الواحد يدور خارج دائره الدرقاوي والروز.. الفلل الخاصه موجوده والمنتجعات الثانيه موجوده..


وفالك الزعطه

تسلم يالاسود وباين ان القطار متعب ومرمطه .. وهل تنصح بمكتب معين لأستاجار السياره او عن طريق النت

هلا بابو محمد وزي ما قلت وقال اخوي بلاك السياره افضل بس هل اخلي السياره معي بعد ما اوصل مراكش او اسلمها بمراكش واخذ سائق باليوميه
وبالنسبه للروز كلمت احد الاخوان واعطاني مبلغ احس مبالغ فيه شوي مع العلم اني ما اعرف طبيعت الاجارات هناك والاسعار يقول 5000 لفله اربع غرف
وتسلم وراح اخذ كلامك بعين الاعتبار وماتقصر يابعدي

اهلين وسهلين بنور العين .. ابشرك كنسلت موضوع القطار بحسب توصيات نابعه من خبره ونبغي نستاجر سياره وابي اربط الحزام وامشي 80 .. وراح اكلمك بخصوص منتجعات النخيل واخذ معلومات اكثر .. والله يسعد ايامك

بسم الله الرحمن الرحيم ..

مراكش مايبي لها سايق عندك قوقل ماب و انتهينا و خلك على سيارتك اريح لك و اذا وضعكم بعد السهره مش اوك خلك مع سايق باليوميه بس بسيارته مو سيارتك عشان اذا حادث هو يتحمله ..

الروز هذي اسعاره و خلك فيه لا تبعد عنه لانك اول مره .. ماودك تطلع تسكن بمكان ثاني و تبتلش فيهم .. الروز اي شي كلم ابو ادم و يضبطكم ان شاءالله .. الاغاني اخذ راحتك و الضيوف اخذ راحتك ..

و اهم نصيحه لا تثق باحد نهائيا و تعامل مع الكل بحذر و سفره سعيده و اي شي انا حاضر و على بعد رساله ..

توصلون بالسلامه ياعزيزي

تسلم يابعدي وصادق بكلامك لان على حسب مافهمت انه راح تكون اريح واسرع بالسياره واوفر من القطار زي ما قلت بس هل العداد للكيلو متر مفتوح او يحسب علي زي نظامنا هنا

وفعلن انك ترتاح اذا معك سياره خاصه بك وهذا اللي يبي يصير ان شاء الله ... واللي فهمته مراكش هي الانسب بما ان اجازتنا اسبوع واحد وراح تكون اول 6 ايام مراكش واخر يوم كازا ... وبالنسبه للسكن من اسبوع وانا اقراء عن السكن في مراكش وصاير زي المسرحيه لاني لاحظة انحياز لبعض الاماكن لانها توفر جو أمن مع انها بمستوى متدني بالاثاث والراحه والاسعار مبالغ فيه وتوصل الى دبل السعر وصاير السكن بمراكش شي مبهم واللي كنت ناوي اسويه اني اروح هناك واحجز بنفسي الشي اللي يعجبني بس الشباب اللي معي مايبغو دوخة اول يوم فمحتار الى الان وين اسكن اول يومين وخلال اليومين راح اكون لقيت السكن اللي يعجبني

وليتك تجي معنا ننزعط سوا