تامنار والشلوح (الامازيق)

قنيش الناجي · 2016-02-15T09:09:17+00:00

اعزائي المزاعيط تحية طيبة عسى موضوعي او رحلتي الي راح اسردها تعجبكم سافرت للمغرب عام 2013 وجلست ثلاث شهور من اخر شهر اثنين حتى اخر شهر خمسة كنت مسافر انا وحدي وفي نص السفرة بعد مالفيت ربوع الديار الحبيبة قلت خلني اخلص بعض الطلبات كان طالبينها علي الشباب ومنها زيت الارجان معروف في جنوب المغرب بكثرة تذكرت رجال اعرفة من زمان كبير في السن بس كان عندة قطعة ارض من الارجان كلمتة قلتلة راح اجي عندك وكانت النية اجيهه واطلع اغادير عن طريق اغادير القديم المهم المنطقة الي هي تامنار اعتقد انها بين اقليم حاحا واقليم اغادير والوقت كان مناسب بالنسبة للجو بين شهر ثلاثة واربعة المهم اول ماوصلت تامنار كلمت الرجال قالي تعدا تامنار بخمسة كيلو بتلاقيني واقف على الشارع لقيت الرجال فعلا واقف بس الي لفت انتباهي المكان يمين ويسار كلة غابات مافية ابيوت ولي صدمني اكثر مافية طريق يعني اذا بغيت توصل حق بيت الرجال الله يعزكم لازم على حمير لازم تدخل او سيارة فور ويل (كات كات) ولحسن الحظ انا كان عندي طوارق مستأجرها ومن حرص الرجال عشان الامور تمشي كان شايل الحجر عن الطريق قبل لااجي يعني مسويلي طريق المهم وصصلنا بعد طريق صعب جيت بيت الرجال واكرمني وذبحلي ودخلت انا في عالم ثاني عالم من الطبيعة على اصولها كل شي طبيعي حتى الماي تخيلو نشرب من ماي المطر طبعا هم يخزنون المياة تحت بيوتهم في غرفة صغيرة يسمونها المطفية المهم حسيت فكري تغير انفاسي تغيرت اشتغل معاي شي في داخلي خلاني انسى كل شي اللحين وصلنا يمكن قريب المساء والرجال قالي اليوم مافية ممشى اليوم بتنام عندي امسيت عند الرجال تخيلو النومة الي نمتها اقسم بالله كني وانا قايم الصباح ابي اطير من الاكسجين النقي والجو النظيف قمنا وافطرنا الصباح ذا الريوق الي ماعمري تريقت منة الخبز مخبوز في الدار وكل شي طبيعي شقولكم بس المهم جابلي الرجال زيت الارجان ووصلني لين لفة امسوان ونت طالع على اغادير رسالة اوجهها من هينا حق ناس الشلوح البربر صراحة اكرمتوني واستقبلتوني بكل حفاوة وهذا الشي مو غريب على الشعب المغربي

بندر وافي 2

مزعوط برونزي

المشاركات: 658

تاريخ التسجيل: Jan 2016

2016-02-15, 07:42 PM

المشاركه #1

هذي الروحات اللي تفتح النفس
اتمني احصل ناس كذا متعه بصراحه
شكرا لتعبك علي سرد هذه الزياره قنيش الناجي
دمت بود..

قنيش الناجي

مزعوط مميز

المشاركات: 319

تاريخ التسجيل: Feb 2016

2016-02-16, 10:48 AM

المشاركه #2

اخوي بندر شكرا لمرورك وانشالله راح نعيش الاجواء الزينة مع الطيبين امثالك

__________________
الي بقالي من حناياي ضلعين

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

الانتقال السريع

المواضيع المتشابهه للموضوع: تامنار والشلوح (الامازيق)
الموضوع	آخر مشاركة
هذي بخاطر اخويا بزناس والشلوح كاملين	2011-10-30 02:39 AM

الساعة الآن 01:04 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

تامنار والشلوح (الامازيق)

روابط سريعه