السكن في مراكش

ممكن ارقام منتجع بليميري لو تكرمت ع الخاص

سبحان مغير الاحوال هذا المنتجع كان عبارة عن كهف
ماحد يجيه ولاثاني يوم طالع منه
والسبب ادارته طبعا وثانياً كثرة الملاك فيه
سبق لي سكنت فيه يومين بس كانت يومين عجاف
نتمنى التغيير للافضل طبعا وان شالله يستمرون على هذا النهج
وموفق اخ عبدالمحسن

__________________
memo al marrakechi

اخي هل اروح له مباشر
وهل يوجد مكتب استقبال بحيث اخذ اللى يناسبني منهم

ابشر باللى يسرك بس نسافر ونرجع بالسلامة

الغريب ان الكل يذم ويحذر منه

كلن يذكر ما واجه بالنسبه للسكن سواء بالمدح والا بالذم لكن اغلب المدح للروز قاردن لانه يلبي رغبات ربعنا بحسن التعامل وراحته بالنسبه لدخول الضيوف والصوت والامان وعدم الازعاج وعدم طلب البخشيش من الساكن في البوابه الا اذا طلع من خاطر الشخص علي حسب الخدمه وصراحه الروز بالنسبه لي شهادتي مجروحه فيه لانه من افضل الاماكن اللي يرتاح فيها الواحد وايجابياته الكثيره تغطي علي بعض السلبيات القليله اللتي لا تذكر والزين انه اي نقص او شي غلط ابو ادم موجود دايما تقدر تنقل له الصوره ويحل لك اي مشكله وتحياتي للجميع

رحله موفقه اخوي تساهيل .. لكن كيف نتواصل مع ابوأدم للحجز ارجو الإفاده . ولك تحياتي

عندهم اعلان بالممنتدى وفيه جميع وسائل التواصل معهم

__________________
memo al marrakechi

الروز قاردن اختيار موفق جدا
ويكفي تعاملهم والخصم لأعضاء المنتدى والله انا كنت ساكن فيه قبل 5 ايام تقريبا وبصراحه شهادتي فيه مجروحه

بالنسبة لمنتجع بليمري فيلاج سبق وان كان لي تجربه معهم ويشهد الله اني امس عملت تشك اوت كنت فيه اربعة ايام ونزلت تقرير عنه بالشي اللي شفته من ناحية نظافه واثات وتعامل البوابين وغيره
لكن لما رحت اعمل تشك اوت ع اساس كنت مسافر
وطالع ع كازا وباقي ع الرحله اقل من اربع ساعات بدت الحركات حقتهم وشغل النصب
انا يوم سكنت عندهم دفعت حساب اربع ايام
ملاحظه شامله الشغاله والطباخة والضريبه
ويوم جيتهم قالوا معليش في لخبطه
الأخ اللي انا تعاملت معه اسمه ياسين بداية كان خلوق جدا ومتعاون معي وهذا اللي خلاني ادفع المبلغ كامل
المهم يوم جيتهم كان في وحده اعتقد اسمها حنان قلت لها انا خارج اعطيني الجوازات قالت باقي عليك حساب
قلت حساب ايش انا دافع المبلغ كامل قالت حساب الضريبه والشغاله يعني يبغون ياخذوها مرتين
المهم دخلنا بسين وجيم واكلم الاخ ياسين وقلب علي مو هو اللي كان قبل يومين ويقولي معليش مالي علاقه بالحسابات
معنى كلامه والزبده انه قال للمحاسبه خذي الفلوس منه وبس يعني انصبي بطريقتك
وانا والله العظيم مو خوف ولا قليل ولا كثير بس لاني مسافر واصحابي معي ولاابي الرحله تفوت
دفعتها وحسبي الله عليه
نصيحه يااخون ابتعدوا عنه
والله اني ندمت لاني كنت بالروز وبعدين رحت ل هالمنتجع النصابين
انتبهوا وخاصة يااااااااسين !