من جرب يسافر المغرب وحدة نبي نعرف سلبيات والايجابيات ونستفيد من التجربة

السفر لوحدك يكون حلو في حاله انك تكون متعود على السفر لوحدك . يعني اذا اول مره تسافر لا تروح لوحدك لانها بتكون مغامره يمكن تنبسط ويمكن لا . اذا حبيت تغامر وتجرب فحاول تبدء بدوله قريبه منك . يعني انت ابخص بنفسك . والسفر لوحدك يكون حلو على حسب جوك ، بمعنى هل جوك متنوع . بحر تسوق رياضه وغيرها ، لانه بيكون عندك وقت طويل فلازم انت تستفيد من هالوقت عشان ما تمل وتشعر بالوحده . ولما تسافر لوحدك فيه نقطه بتلاحظها وهي مهمه جدا . لما تدخل مثلا مطعم او كوفي وتلقى غيرك كل واحد مع خويه تستحي تحس مثلا انك معقد وتحب الوحده ههههههههه وهذا طبعا غير صحيح . مو شرط ان اللي يسافر لحاله معناته شخص انطوائي لانه على حسب الشخص المناسب اللي بيسافر معك وهل ميزانيته جاهزه و عنده استعداد يسافر بنفس فتره سفرك يعني كل واحد وظروفه . والاهم من هذا كله هل صديقك اللي بيسافر معاك ايجابياته كثيره وجوه مقارب لجوك ؟ . والخلاصه، اسافر لوحدي واخذ راحتي 100 بالمئه افضل مليون مره من انه اروح مع شخص سلبياته كثيره بحجه اني ما اكون وحيد و يسليني . انت لما تاخذ معاك واحد لازم تقيد من حريتك ومن رغبتك عشانه او بالاصح تضحي وهذا شيء طبيعي وشيء حلو بس المشكله ان هالشيء يفترض يكون مع واحد طبيعي مو واحد جوه بعيد عني وشاطح
وتقبلو تحياتي