من جرب يسافر المغرب وحدة نبي نعرف سلبيات والايجابيات ونستفيد من التجربة

مشاري حبيب قلبي اختلف معك انت شفتني
توني جاي منها قبل اسبوع وشكلنا بنخاويك بعد اسبوع ههههههههههههه
اسبوع مع اخوياي ورجعوا والاسبوع الثاني بالحالي
والله انبسطت والحمدلله
وحتى يوم كنت مع اخوياي موب راعين تمشيه نوم لين المغرب ههههه انا اروح اتمشى بالحالي
طبعاً غير مسكة الخطوط الي راح يومين على قولتك من السفره ههههه
والسفر لحالي جربته كم مره
و السفر بالحالك له طعم خاص لمن جربه ومواقف لاتنسى
وطبعاً في الغالب يكون سفر الشخص لوحده اذا مالقى اخويا على نفس جوه
اروح بالحالي ولا اروح مع ناس يفككون الجو واجاملهم طول السفره
الا اروح بالحالي وابسط نفسي

هلا وغلا أبو علي هلا بالززين

انا اتفق معك بحال انو مافيه احد على جوّك اكيد راح اسافر لحالي
وانا من الاشخاص الي كل دول العالم اسافر بلحالي ماعندي مشكلة

ماعدا المغرب ، المغرب يبيلها عالاقل معاك شخص عشان ماتمل وتستاحش ويكون فيه استشارات بينكم بخصوص السعر الفلاني او العلاني


بالنهاية السفر تعرف فيه نفسك ومعدن خوّيك
والمغرب خصوصاً مو اي شخص تسافر معاه حتى لو كان أقرب واعز شخص

لان السفر بيصدمك باشياء في اصحابك


وسفره هانيه جميعاً

__________________
اشتقت للمغــرب وانــا تونــي جــاي ==== الله يصبرني علـى نار شوقي

ياللي تريد ادواي في المغرب ادواي ==== رح بـي لعله ينطلق فيه عوقي

لـي صـافحت مجـهـول يمنـاه يمـناي ==== ينساق تيار الهوى في عروقي

و اسمــع حـديثه نـاعــم كــنه النــاي ==== علـى يمينه ينتثر الدمع مــوقي

و مع الشـكـر واقـول له انت مـولاي ==== احكـم و دبرني على ما يروقي

فـي سيرة الأشــواق ممشاي ممشاي ==== و في خاتمتنا ما نراهـا يعـوقي

سافرت كثير لحالي ,, وايضا مع اخوياي السفر مع الأصحاب له متعه اكثر من السفر وحداني
خاصة اذا كان جوهم من جوك

لحالك الزين فيها تاخذ راحتك في كل شي بس لازم تكون مصحصح في كل شي حتى مع الطيور و عارف الديره اللي رايحلها ، يعيبها الصرفيه ولا قدر الله يصير حادث او ظرف صحي او ... محد معك . بالنسبة لي أفضل السفر لحالي شفت المغرب اكثر لما اكون مع الشباب بسطه و وساعة صدر بس النظام معروف روتين ( نوم ، جليز ، سهر ) بس لحالي رحت مناطق في المغرب وشفت اماكن في مراكش ما نعرفها زينه و تفتح النفس و ناس نظيفه

أحلى شي تسافر لوحدك وأنت حافظ البلد كل شي تسويه على رواقه وعلى مزاجك وقت ماتحب ماترتبط بأحد يرجك ويصدعك ويزن عليك ويخرب جوك المبرمج

تم الحجز بعد اقل من شهر ان شاء الله والتوكل ع الله والسفر لوحدي . مده الرحله 10 ايام مابين ( مراكش — كازا )

بصراحة الرفقه أفضل من الوحدة ولكن اذا كانوا رفقاءك سيئين ومهايطيه وتصرفاتهم غبيه وتخطيطهم فاشل هذا والله مشكله كبيرة
لأنك تفوت بالحيط معهم
أنا جربت الرفقه وجربت وحداني
كلاهما ممتازة لان الرفيق وقت الضيق لو مرضت أو صار لك حادث أو امر طاري اَي كان بالمغرب أو امر طاري على ربعك واهلك في السعودية وانت بالسفر يقوم رفيقك بالحل والمعاونة وتدبير مايلزم
الوحدة لها حرية الرأي واللي برأسك تسويه محد يقرر أو يختار لك وين تروح وين تجي وايش تسوي وتتحكم بميزانيتك وفلوسك كم تصرف وكم تدفع وعلى كيفك تحدد ماتريد
(واهم شي)اذا تريد رفقة
( اعرف من ترافق بالسفر)
——————————
بعض الرفاقه ماتعرف الصداقة فـ احذر

__________________
ليت لي من عناء البعد راحه
يابهجة الخاطر وكثر الأمنيات

احسن سفر هو يوم تسافر بروحك

أعيد وأكرر
مافي افضل من السفر لحالك
خصوصاً اذا تعرفت لك على ناس هناك ️

__________________
الشجر يموت واقف

الصدف جميله اصاحبي

__________________
كل ما جيت أبسلى عن غرامك وأتوب ... جددت جرح قلبي كل نسمة هبوب...