من جرب يسافر المغرب وحدة نبي نعرف سلبيات والايجابيات ونستفيد من التجربة

العضو الرائع طلال في انتظار قراءة تقارير سفريتك المقبلة

حبيبي ابوخلود ،، ابشر بعزك من زمان عن التقارير لكن بأحاول ان شاء الله ..

تجارب ممتعه

انا اشهد. قبل اربع شهور سافرت مصر لحالي و نبسطت و تعرفت على ناس قدعان اهناك ولا الحين ننسق مع بعض سفريه مقبله و متواصلين مع بعض

وكما قلت الظروف و العمل ما يسمح لك و اخوياي ما يجيلهم وقت والي يخذ يجازه نادر ولا تجي مع اجازتك

لجل كذاء قررت اسويها مره ثانيه و اسافر لحالي والحين دوله المغرب باذن الله الوجهه مراكش الي اسمع فيها

وقت السفر 27 جون من الرياض ع كازا واكون سعيد اذا شفناك هناك و نسهر يوم مع بعض ابد كل واحد و حريته الوضع فريي

وسفرة سعيده و ممتعة

أهلا وسهلا بالجميع المغرب بلد الكرم كما يتوفر على أجواء معتدلة تمكن من قضاء سفر ممتع و مريح.

المغرب طلعت لها ثلاث مرات لوحدي
بالنسبه للمصاريف بالمغرب الشخص لوحده او مع اثنين مصاريفهم ما تفرق كثير الا في اثنين او ثلاث اشياء بس :

الاكل (( اذا ما تطبخ ))
ايجار السياره
السهر (( و على حسب مكان السهر ))

لان السكن في مراكش مثلا يحسبون بالعدد اثنين ثلاثه و كل ما زاد العدد يرتفع المبلغ الف او ١٢٠٠ درهم و كذالك الحال بغيرها من الاماكن.

"" السكن في غير مراكش بالغالب ارخص بحدود ٥٠٠ الى ١٥٠٠ درهم بالغالب "" و اثنين بيختلف الوضع عن واحد لحاله

يعني لو هي على الفلوس لوحدك او مع شخص تراها تقريبا نفس الميزانيه

اتوقع البعض ما يقدر يتحمل ما يكون عنده احد يكلمه طول الوقت او يخاف يصير له شئ لا قدر الله فما يسافر لوحده ولا من ناحيه الماده سفراتي لحالي و مع خوي ما اختلف المبلغ كثير و صراحه لحالي اقل تكلفه

السفر لوحدي حرية بلا قيود. اشفق على اللي اشوفهم ثلاثه او اكثر تحسبهم جميعا وقلوبهم شتى. ما ادري وش فايدة رد الصوت اذا اللي معك أصواتهم نشاز وسواليفهم خايسه ! لاحقيني في اجازتي سلاماااات

احذرو السفر خصوصا مع الاقارب لانه يبقى ملاحقك مهما غيرت مسار حياتك ويذكرك بالماضي وطاري السفر ماينساه
وزين اذا ما نشر غسيلك.
وحتى يمكن الصديق المقرب ينطبق عليه نفس الكلام.
سافر لحالك واستر نفسك.
وهذا اللي انا طبقته بعد ما انكويت ...

ترجع للشخص نفسه
وما تعرف شخصك الا بعد التجربة
جرب الطريقتين ونام على الجنب اللي يريحك

لحالك وريح راسك الا اذا احد مجربة بالسفر وعارف جوه