بعض النصائح والملاحظات من سفرتى الاخيره للمغرب
السلام عليكم ياعيال الديره
هذه بعض النصائح والملاحظات من سفرتى الاخيره للمغرب
***الى يبي ياخذ كوكنت انترنيت للابتوب من المطار او برع اول مايوصل يتاكد انه اول شي بيشتغل فى جهاز انا خذت واحد من اتصالات المغرب وماشتغل عندى وجربته فى اكثر من جهاز ونفس المشكله والوندوز عندى 7
***الى يبي يشغل البلاك بيري عندهم شركه انوى تقدم الخدمه بس يتاكد اعداد تلفونه بيشتغل فى هناك انا تلفونى مضبط على اتصالات الامارات وما اشتغل هناك لانهم ماعرفو يفكو الشفره
***الملاحظ ان فرق السعر فى ايجار الشقق والفلل للغريب سعرها يكون اكثر من الضعف حاول تعمل علاقات مع الناس انا كنت اخذ الشقق عن طريق مغاربه واعطونى اياها باسعار قليله ماتقارن بالاسعار الى يضحكو علينا فيها مثلا شقه فى مراكش غرفتين فى جليز اختها 600 درهم فى اليوم والصويره والجديده واغادير 400 درهم يابلاش !!!
***الرجاء من الاخوة المتعودين على السفر هناك دائما انهم ياجرو سياره اريح واحسن لهم لانك اذا اخذتها مع سائق بتتعب معه ومرات ينصيب عليك بدون ماتدري ومايجيك فى الوقت الى تبغيه
***فيه مثل يقلك داوى النار بالنار )) حاول تعرف كيف تتصرف مع الموظفين الى يطلبو منك رشوة مثلا وانت نازل فى المطار ضروري تعبي بطاقه الدخول في الكرت اكتب وظيفتك فى بلادك مثلا مفتش جمارك فى مطار كذا ولما تقدمها بيستحى منك الموظف هناك ويمكن يسالك كيف الشغل عندكم وبيستحى يسالك عن رشوة وبخصوص الدرك لما يوقفك فى السياره او عملت مخالفه اول مايجيك انزل له على طول قبل مايتكلم وقله انا اسف ادري انا غلطان ومن حقك تخالفنى لانى انا بعد شرطي مرور في بلادي واعرف الاجراءات
وصدقنى بيستحى على وجهه وهذه الطرق مجربه ونفعن اكثر من مرة
***بخصوص الشحاتين والى يعملو لك افلام لاتعطيهم وجه ولا تحاول تكلمهم خلى قلبك قوى سواءكانو اطفال او اكبار طنشهم اول مايجوك ولا تحاول تكلمهم وامشي على طول ولا حتى تشوف لهم او تكلمهم وصدقنى بيجي لهم الياس لان اكثرهم كذابين وكنت اشوف وحده كل يوم تجى عند فندق صحاري الساعه 3 وتنزل تتحجب استعدادا للخرفنه
***انتبه من الاولاد الشحاتين بعد ماتخرج من سهره البلاك هاوس في كازا يقربو منك يشحتو ويمدو ايدهم على جيبك يحاولو يسرقوك
***الشحاتين الى تحت الدرج فى التوين سنتر اول ماتوصل او تنزل امشي بسرعه وطنشهم ولا تحتك فيهم من سنوات فى نفس المكان ماتغيرو خاصه العجوز الى كل يوم تكون هناك تحمل ولد صغير نائم على ظهرها هذه كبيرتهم : (618):
****في ساحه الفنا خليك بعيد او شوف الى يعرضو الثعابين من مسافه ولا تحاول تقرب منهم لانهم كلهم يتجمعو عليك يدور فلوس ومايرضو باقل من 100
***مقهى تروبيكا فى عين الدياب لما تخلص منه اطلب الفاتورة ولا تخلى النادل يعطيك الحساب شفوى ترى فيه منهم حراميه