مختصر مفيد لرحلتى الى مراكش

حمد لله على السلامه
ومتابعك

الشعب كله متابعك

نعود انكمل واسف للتأخير
ريحنا تقريبا ساعتين او اقل شوى وعلى طول الحلاق بجانب قصر النخيل وحجزنا حمام مغربى لليوم التالى

قارب الوقت الساعه العاشره والنصف ليلا
وبعد المشاورات قلنا الليله محنا رايحين بعيد دخلنا قصر النخيل ....واذا بالجو مولع حماس وطرب واذا بكل مايخطر على البال موجود
اخذنا طاوله بالسنتر ..ومن الزحمه انت صاير على طاوله الى يمك . كداير كيف الحال لاباس ...حمدالله على السلامه كلمات ترحيب من بعض العاملين ..طبعا الرادارات شغاله عليك ..طلبنا المشاريب والشيشه ..وشده النفس غير مادرى من الوضع ولا من بدايه الزعطه

واستغربت من الاغانى بصراحه ..السمر والبيض ..وخلقت فى الدنيا ..واشياء مثلها
وفجأه بنص المعمعه ويبتداء التنقيط ...بس اشوى كان خفيف لان ماكو تجاوب .الساعه الواحده ليلا تنتهى جلسه قصر النخيل ..يا عيال قالوا مانبى نطول تعبانين واخذ طاوله فى وناسه على الطلبات موقع يعتبر جيد ..1500 درهم مع عشر طلبات المهم جوالاتنا بدت ترن وكلن يرد بصوب قررنا الانسحاب التكتيكى للفله وقد كان ..البواب شاف البطاقات وسجلها ودخلنا بجو سهر الفله والى اعتبره احلا مليون مره من المراقص وما حسينا الا الساعه 6 الصباح ...وباعلى الصوت يا فطيمه حطى الاكل ..بعدها استسلمنا للنوم
من شده التعب ...

اشكر الجميع واتمنى ان اكون خفيف الظل غير ممل

الساعه 2 الظهر اخوكم قاعد ..والشباب نوم ..كلمت السواق يجينى ..واحلا فطور ..وحان وقت التعبئه الاستراتيجه للفله بما لذ وطاب ..والمرجان والفين درهم ..وبعده السوق الشعبى يابلاش جميع انواع الخضار والفواكه تقريبا ..ودجاج البروكلى (دجاج صغير الحجم بالزاف) الحبه 15 درهم وعلى الفله يا صاحبى ..لقيت الشباب لسه نايمين ..واطلع لسيدى عثمان علشان الحولى ..واخذ واحد دمه يقطر 11.5 كيلو وزنه 800 درهم ..واخذ معاليق الحبه 100 درهم ...لازم اليوم شوى ..واشترى الفاخر الى هو الفحم وعلى الفيلا ...وولع الفحم مو للشوى لا للشيشه وهو فحم جوز الهند جايبه من الكويت ولا احلا منه ..قاموا الحلوين وافطروا ....وانا اشيش وامزمز واصدر الاوامر بتوليع الفحم للشوى ...واحلا شوى يحبه القلب صار ...ياعيال موعد الحمام المغربى ....طبعا متفرجين طول الرحله بس ياكلون ويغسلون ..طبعا عسل على قلبى ...بعد الحمام الواحد يحس نفسه صار خفيف ...

طبعا انا سمعت بستاربكس فتح بس ما جيته قبل ...وعلى جليز نشوف شنو تغير بالديره ..تذكرون القهوه بقليز اليت او شى قريب منه ابشركم يكش ذباب يدورن الى يجى ...الشعب كله ستاربكس وقهاوى شارع محمد الخامس ...وفيه مولين فتحوا حلوين وفيهم قهاوى بس المهم وصلنا ستاربكس ..طاوله ندور انسى من كثر الناس ..المهم حارس الامن ناديته ودبر الامور بطاوله وجلسنا ....الاشكال غير ....متغيره العالم .....وسولف مع الى تبى وساعتين وما ملينا بس الوقت ..قرب على العشر بالليل وتبداء الهجره لمكان اخر ...

هلا

هلا بالجميع