الحذر من وكالة مراكش المنارة..ومن صاحبها محمد ابن جدو

الحمد لله على السلامة والله يعوضك خير
أغلبنا مرت عليه دروس مثل هذي وليس في المغرب خاصه وللأسف في بعض الدول العربية و يجب ان نتعلم منها ونحذر اخوتنا
المثل يقول حرَص ولا تخوَن

__________________
اللهم صل على محمد وعلى آله وصحبه أجمعين

بالفعل في بعض الدول العربية وشرق اسياء كذلك وهو درس يستفاد منه ويتعلم. والتحذير مطلوب وفقكم الله

معوض خير إن شاء الله

سأبدأ بمثل أعجبني يقول (زينة الرجل في عقله وهيبته في حكمته وفطنته في حنكته وجماله في فكره)

نصيحه للجميع لاتخبر من تستأجر منه سواء المالك أو السمسار بعدد الايام التي ستقضيها

أفضل حل لموضوع دفع كامل المده إذا أعجبك السكن هو تحديد فترة من 3 الى 5 أيام مبدئياً للسكن وإخبار من أجرك بأنك لو ارتحت ستلغي رحلتك (المفترضة) بعد الـ 5 أيام لمدينة اخرى وستجدد معه إذا وجدت الراحة في السكن وعدم المضايقة من جميع النواحي
ولاتهتم بمقولة يجب أن تحدد المدة وتدفع كامل المبلغ لأن الكثير من الزبائن ينتظرون لأن هذه المقوله في الغالب غير صحيحة ولو افترضنا أنها صحيحة وعجبك السكن فأطلب التجديد قبل الخروج بيومين وإن رفضوا التمديد فعندك الوقت للبحث عن سكن أفضل وأريح وفلوسك تخدمك والأماكن الحلوة والأمينة ماهي محصورة عند أشخاص معينين

دائماً عند الحجز حدد مدة السكن من 3 الى 5 أيام قابلة للتجديد بشرط الراحة وإذا عجبك السكن مدد في كل مره 3 أيام وبهذه الطريقة المستأجر لن يتجاهلك أو يضايقك ولن يتجاهل طلباتك و أي مشكلة في السكن سيحلها لك وسيوفر لك الراحة ويحرص على إرضائك حتى يضمن بقائك مستأجر عنده مدة أطول

أنجح سياسية للتعامل مع السماسرة وملاك السكن هي سياسة التقطير والدفعات لأنها أفضل طريقة لضمان عدم تغير التعامل منهم , أما دفع كامل المبلغ فهو من أكبر الأسباب لتغير الكثير منهم واستخدام أساليب التطفيش مع الزبائن لخروجهم قبل قضاء كامل مدتهم للإستفادة من تأجير زبائن غيرهم وهذا للأسف يحصل مع الكثير بسبب الثقة في السماسرة وهي ثقة في غير محلها

لو فكرنا وحسبناها قبل لانستأجر وندفع كامل المبلغ ونتورط
مثلاً:
تستأجر شقة لمدة 10 أيام وتدفع كامل المدة
في هالحالة عندك فرضيتين
الأولى : ممكن اللي أجرك إبن حلال ومزيان وماتلاقي معه مشاكل
الثانية : ممكن يكون نصاب وحرامي ويضايقك وينكد عليك
في الحالتين لو خرب شي في الشقة هل تضمن انه يجيك ويصلح اللي خربان في الشقة خاصة وهو أخذ منك كامل مبلغ الإيجار
وهل تضمن لو حصلت مشكله بيكون بصفك ويساعدك
هذا غير إنه ممكن يكون هو اللي مسوي المشاكل لك وحصل هذا الشي كثير وقصص بعض الأعضاء دليل ومنهم أخونا صاحب الموضوع

مثال أخر :
تستأجر شقة لمدة 10 أيام وتدفع جزء من الإيجار وكل يومين أو ثلاثة تدفع جزء
هل من أجرك يستطيع التلاعب معك أو يتأخر عنك لو حصل مشكلة أو خرب شي في الشقة؟
الجواب ببساطة لن يتأخر عنك في كل ماتطلبه ولن يستطيع التلاعب معك لأن راحتك معناها استمرارك عنده لأنه مازال باقي له مبالغ عندك ولن يغامر بمضايقتك وخسارتك

الزبدة راح أستعير جملة الأخ الحساوي الطيب ( نقط له على خفيف )

__________________

كلامك سليم ميه بالميه وعين العقل

يا عزيزي الكلام ماينفع لان شباب في اول العمر يثق بسرعه وعنده خوف ويتصور ان مافي خيار اخر
مليون مره نبهنا هني للاخوه وفائدت المزاعيط اذا الواحد مو حاجز عن طريق موقع عالمي مثل
Booking.com
Travelstay.com
Last minute
لاتثق بأي شخص حاسب يومين بيومين الطرف المقابل قوله بطاقت البنك هذا حدها للسحب في بلدكم وراح يرضى فالامر الواقع وإذا ما رضا زيدهم حبتين خمس ايام واليوم الرابع جدد وهكذا الواحد مايسلم لحيته لسمسار

كلامك صحيح والله يعطيك الصحه والعافيه

__________________

"سلام كليم" قصدي "كلام سليم" بس الحياة لا تخير الانسان بين السيء والجيد بل تخير الانسان بين السيء والأسوأ..
خذ عندك
لو قلت لصاحب الشقة انا بستاجر عندك خمس ايام قال لك الايجار اليوم بـ(1500)دينار أموي،ولكن لو تبي تسأجر مدة طويلة اخفّض لك،لو مثلا تبي تستأجر 15 يوم راح أحسب لك اليوم بـ(1000)دينار أموي !!
شفت المساومة كيف؟؟
اما لو ايجار اليوم الواحد مثل ايجار الخمسين يوم انا راح استاجر خمس ايام واجس نبض المكان وصاحب المكان وجيران المكان ومدى ارتفاع ترمومتر هرمون السعادة في المكان !! وان اعجبني؟؟ في اليوم الثالث قلت له بعد ابي لي خمس ايام اخرى عندك وهكذا..!!
لكن لو الايجار يفرق بحسب المدة(وهذا غالبا في كل شقق العالم)..فهنا طبعا أي سمسار او صاحب شقة لازم يلعب ويبي يقول لك خلها عشر ايام لان جايني الان تأجيرة عشر ايام شباب جالسين في الفندق ينتظرون الشقة تفضى ..وانت وشطارتك،ان صممت على الخمس ايام فالايجار ما ينقص عن الخمس اأول،وان قلت له تدري يا مان؟انا اخذت خمسة وانبسطت عطني عشر ايام على شان يكون المجموع خمسطعش والان واصلك منها (7500)دينار اموي وبكمل لك الباقي بحيث اليوم الواحد بألف كما وعدتني لما اخذ خمسطعش يوم..
قال لك:"هأأو" لا وألف لا يا روح روح امك، انا قلت لك لو تبي خمسطعش السعر بألف وانت عييت واخذت خمسة،والان تبي عشرة،انا انزل السعر لو انت اخذت دفعة واحدة خمسطعش يوم !!
وتعال اقنعه ان مجموع ما جلسته هو خمسطعش وانك اشغلت له شقته خمسطعش يوم ..الخ الخ
لن يقتنع ولن يقبل وهكذا هم السماسرة واصحاب الشقق أي نعم يقول المثل:"كفى بالمرء جهلاً أن يعمم" ولكن هذا المثل لا يقبل الاسقاط على السماسرة واصحاب الشقق في كوكب الارض والكواكب المجاورة ولا اعلم هل يقبل الاسقاط على سكان الكواكب البعيدة؟الله اعلم !!

__________________

الله يعوضك خير. وزين انك شهرت فيه.

من الغباء ان يتعامل اي كان في التجارة بمبدأ الاستغلال والنصب فالربح وان كان وقتي على المدى الطويل خساارة.

مثل ماتفضلت انت اقررت انك اخطأت بدفع مبلغ25 يوم مره وحده.مؤجر لم يسبق لك التعامل معه يفضل دائما ماتعطيه حق اكثر من 3 ايام.

الأمر الثالث المنتدى هنا اشبه بسلطة الصحافة يعني لو حصل ان تعاملت مع نصاب ورفض يرجع لك حقك فما راح يقدر يسوي لك المنتدى شي فهو بعيد تماما عن( السلطة التنفيذيه) وكل مايحصل هو التشهير وحذف الاعلان ان كان معلن.

انت بحكم طول فترة الايجار تعتبر ماسك زمام الامور وتتحكم فيهم
غريبه وافقت بسرعه ورضخت لطلبه بدفع كامل المبلغ
انا مثلك استأجر تقريبا 21 يوم لكن اتواصل معاهم بالواتس عشان صور السكن وبعدها قبل الرحله بأسبوع اتصل عليهم وشرطي ادفع حق يومين او 3 عشان لا يتضايقوا مني او يضايقوني ويعكروا مزاجي ووقتها فلوسي في جيبي
ناسبهم شرطي اتوكلت ع الله ماناسبهم في غيرهم يدور رزقه

بصراحة زين ماسويت فيه ......يستاهل التشهير والتحذير منه .......والطرد من المنتدى