الحذر من وكالة مراكش المنارة..ومن صاحبها محمد ابن جدو

سلام عليكم يا اخوان
الحذر من وكاله مناره للاستثمار ومن شخص يدعى محمد بن جدو ولقبه محمد سيمو
ارسلت لهم عربون ليلتين في شقه في منتجع برستيجا
والحجز موكده في قسم الحجوزات
وكنت متفق معاهم بحريه دخول الضيوف وغيره
ولما وصلت مراكش قال لازم تدفع المده كامله ولا راح نزيد السعر
قلت كيف ادفعها كامله اخاف مايدخلون الضيوف او يصير شي يضايقني
قال انا اضمن لك واذا جاك مضايقه او منعو ضيوفك راح ارجع فلوسك كامله
اتكلت على الله وحاسبته حق ٢٥ ليله وهذا غلط مني
ولما سهرت وجبت ضيوفي منعوني بحجه ان فيه واحد ساكن جنبي وومنوع دخول الضيوف
اتصلت عليه مارد وقلت مالي الا روز قاردن لانها قفلت معاي
ورحت الروز وكان استقابلهم قمه الروعه والاخت سكينه ماقصرت معاي وفرت لي فيلا غرفتين
المهم نمت وصحيت اليوم الثاني ودقيت على المدعو سيمو
قلت رجع فلوسي انا معاد بسكن عندك
حاول يقنعني ان هذا المنع بس يوم والايام الباقيه عادي
قلت حبيبي مادام ذا اوله ينعاف تاليه انا ابي حقي وانا كنت متفق معك بحريه دخول الضيوف وانت قلت اذا حصل مضايقه ارجع فلوسك
قال الفلوس ماترجع كلها راح نخصم حق ثمان ايام
قلت باي حق تخصمها قال لانك قلتي بتجلس ٢٥ يوم وقام يصرف
المهم انا كان كل همي انه ماياخذ الفلوس وحاولت فيه وقال بعطيك 26 الف درهم والباقي اجيبه لك
والمبلغ كله 38 الف درهم
قلت اوكي ابي اضمن شي على الاقل
المهم رجعلي 26 الف وباقي حوالي 13 الف سرقها مني
واتصلت فيه دايم يصرف واحيان مايرد
انا اعتب على المنتدى لانهم مخلين هالشركه وكاله معتمده
وترا كل شي موثق عندي صوره العقد وبرضو عندي صوره بطاقه الهويه الوطنيه حقته
وصوره من التحويل
الحذر من هالوكاله وارجو من الاداره تحذف وكالتهم

تواصلت معه حسب التفاهم مع ادارة المزاعيط لحل الموضوع
وجلس يماطل فيني لاسابيع وبالاخير قال ماعندي لك شي ولا هميتني لا انت ولا المنتدى

هذي صورتة




وهذي ارقامه

00212608136566

00212669660144

للتحذير منه وان مايقع فيه احد غيري

السلام عليكم
صباح الخير اخوي تمون

حمدلله على سلامة الاسفار


موضوعك من اهتمامنا وانا نقلته في قسم التواصل مع الادارة حتى ينظر فيه الكل الادارة ووكالة المناره وانت فقط .

راح ننظر في الموضوع قريب إن شاء الله

__________________
G I N
! ! . . . ♥ . . . ! !

في البدايه...نأسف ياغالي على ماحصل لك..

حاولنا بقصار جهدنا لحل الموضوع وارجاع حقك...لكن للاسف امثال هذا المعتوه الهمجي اللي انصدمنا من تعامله معك لا يقبل ولا يشرف بان يكون واجهه سياحيه امنه للاعضاء..

تم نقل موضوعك لقسم البلاك ليست لاطلاع الاعضاء عليه والحذر منه..

وتم طرده من الموقع...

__________________
إدارة منتديات مزاعيط المغرب

تسلم اخوي البرنس
وانا اشهد شهاده حق انك ماقصرت معي وكفييت ووفيت
انا الله يعوض علي والحمد لله يوم كنت هناك كنت حاسب لمثل هالمواقف حساب واخذ احتياطاتي
بس المقصد من هذا ان اخواني الاعضاء ينتبهون من هالاشكال
ويكونون على بينه
ومابي اللي صار معي يصير معهم
بالاخص اخواني الاعضاء اللي اول مره يروحون ويمكن مع كذا موقف مايعرف يتصرف
شاكر لكم

عفواً أخوي جالس تتشكر وتقول كفيت ووفيت من الاخ ؟!
هل تم ارجاع المبلغ لك ؟!
هل تم اتخاذ اجراءات قانونية من الادارة حيال ذلك النصاب ؟!

نحن نرى هذا المنتدى مرجعية لنا، واكاد اجزم ان من يتابع
المنتدى من غير المشتركين عدد يفوق المشتركين به ..
لذلك كان يجب حماية المزعوط خصوصا وانه وضع الحجز هنا بالمنتدى
وتم التأكيد ،، اما مسألة حاولنا نكلمه ونقلنا موضوعك حتى يطلع الاعضاء
ويتحذرو منه ، فهدا الاجراء لا يغني ولا يسمن من جوع
ارجو ان تتقبلو وجهة نظري بصدر رحب وشكراً

عنّي .. ارى المنتدى نوعاً من المتنفس ومرجع لبعض المعلومات ولا عمري فكرت ارجع لهم بشكوى أو اعتمد عليهم في حجز او الاخذ بحقي ..

اكتفي بهذا القدر

__________________
وتستمر الحيااااااه

بالضبط هو متنفس والاطلاع لما هو جديد
واتفق معك بذلك ..!

لا يبه
المنتدى مهوب متنفس
الناس تقرأ قصتك وقصة غيرك ولا تسكن في المكان اللي جرى لك فيه مشكلة ولا تتعامل مع الشخص اللي عمل معك مشكلة
قصتك وقصة غيرك لها من يستفيد منها

__________________

يا سااااتر و كويس انك كنت حاط الحجز في قسم الحجوزات

الله يعوضك .... متي أنخلص من موضوع الاستغلال هذا !! صار قلق مو تغيير جوو وراحه !!!!!