للأمانه موقف لن أنساه ماحييت

المشاركة الأصلية كتبت بواسطة مخربها

السلام عليكم
عشان نكون منصفين في كل بلد فيها الطيب والبطال
واتكلم عني انا
عاشرت الشعب المغربي عن قرب وعندي اصدقاء مغاربة
والله ماعمري شفت من احد شي
اذا زرته في بيته اكرمك حتى تخجل من كرمه لك
واذا خاويته في سفر حسيت انه يخاف عليك اكثر من خوفك على نفسك
بعت وشريت معهم
مع الشلح ومع الريفي ومع العربي
مااذكر ان فيه احد حاول ينصب علي او يفكر يضرني
نختلف نعم ولكن نرجع للقانون وكل واحد ياخذ حقه
ولكن فيه نقطة مهمة
لازم نفرق بين الناس اللي شغالين في السياحة والناس العاديين