دقت ساعة العمل .. تعالوا جاوبوا

انشالله الاسبوع الجاي اكون هناك :)
عندي شوية استفسارات عن كازا ومراكش (هي السفره الثانيه لي)

_ رحت على طيران الاتحاد وكان حلو وخط سيره لاباس به دمام_ابوظبي_كازا والانتظار في ابوظبي اقل من ساعتين لكن فيه مشكلتين :
الوصول الى كازا يكون 8 مساءا تقريبا يعني لما تروح تدور على شقه او فندق يادوب تلاقيها ويقولون لك التشيك اوت بكره الساعه 12 :Abu Ahmed (175): يعني راح عليك نص يوم هباءا منثورا ... والمشكله الثانيه ان اقلاعها من كازا للعوده يكون 8 صباحا يعني لازم تكون في المطار من 6 الصبح .. انا جربتها وتعذبت ، توي حطيت راسي ابي انام بعد السهره ويادوب غفيت دقيقتين وقمت بعدها ارتب الشنطه وادور تاكسي على المطار الفجر !

هذي مشكلة طيران الاتحاد .. كيف وضع الاماراتيه من ناحية الترانزيت واوقات الوصول والمغادره ؟

_ اذا استأجرت شقه الساعه 8 مساءا متى يكون وقت التشيك اوت ؟ وهل ممكن يحسب لي يوم كامل الى ال8 مساءا من بكره ؟

_اغلب الاراء تقول ان حي معاريف هو افضل مكان للسكن في شقه .. هل يوجد حي اخر يكون في قلب المدينه بحيث لا احتاج الى تاكسي للتنقل والتجول ؟ كم السعر المتعارف عليه للشقه الفخمه او النظيفه ؟

_يوجد فندق في التوين تاور نسيت اسمه .. احد سكن فيه اوسمع عنه ؟وكيف وضعه ؟ افكر اقضي فيه ليلة الوصول ..

_ وقت الظهريه والملل الشديد الذي يصاحبه في المغرب كيف اتغلب عليه ؟ وين اروح الظهر ؟ انا شخص قليل النوم وكثير الحركه ما اقدر اجلس في الفندق طول الوقت:Abu Ahmed (778): لازم الف وادور طول الوقت .

_ مكتبه كبيره في كازا بجكم اني من هواة القراءه الادبيه .

_افضل مكان اشتري منه الاواني المغربيه والفضيات والنحاسيات وماشابه بس تكون اصليه ومش مغشوشه زي اللي اشتريها من قبل .

_اذا كان معي اغراض كثير (براريد وطواجين الخ الخ ) هل يوجد مكتب للشحن كي اشحنها الى السعوديه وافك نفسي من وجع الدماغ ؟

_هل توجد اماكن طبيعيه للتنزه مثل الحدائق العامه ؟ عشان يجلس فيها الواحد وقت العصر ..

_مطاعم نظيفه لتناول وجبة الافطار ..

مونت كريستو مكان ممتع وجميل ، هل يوجد مكان مشابه ؟

_بلاك هاوس ، سيزار ... خيارات اخرى طيب ؟؟ بس يكو الجو غربي (يعني ديسكو)

هذي الدفعه الاولى .. الباقي في الطريق :Abu Ahmed (714):

-طيران الامارات توقيته حلو يعني توصل كازا ساعه 11 الصباح وتقلع ساعه 1320 يعني تكون بالمطار ساعه 1030.
-الشقة حسب صاحب الشقة بس الاغلب اذا نمت في الشقة فيحسبوا عليك يوم.
-المعاريف هو الانسب لطلبك
-الاواني تحصلها في الحبوس عندهم اواني جميلة وباسعار مناسبة
-مكان للتنزه: عين دياب
- المطاعم متوفرة بشكل مقبول ومعظمها مناسبة جدا

سفرة موفقة

__________________
سبحان الله العظيم وبحمده

الاماراتيه رحلتها يومياً ثابته .. الإقلاع من مطار دبي الساعه 8.20 صباحاً .. والوصول الساعه12 بتوقيت الدار البيضاء تقريباً ..

الإقلاع من مطار محمد الخامس الساعه 1.30 ظهراً والوصول لمطار دبي الساعه 7 مساءاً تقريباً ..

بالنسبه لي اشوف اوقاتها انسب من الاتحاد بكثير ..

والله على حسب علاقتك بصاحب \ ـة الشقه .. ممكن يحسب لك هالوقت وممكن يخلي بداية الحساب من بكرا .. على العموم سعر يوم ما اعتقد انه يفرق كثير ..

المعاريف مناسب لرغباتك .. تقدر تتجول على رجولك بدون تكاسي .. والسعر يتراوح بين 700 إلى 1200 درهم ..

ما عرفت أي فندق تقصد .. لكن كنزي بسمه خيار مناسب لك ..

وقت الظهر عندك خيارات متعدده .. اطلع لعين دياب .. رح لطماريس تغد هناك .. اطلع رحلة صيد سمك ( فيه نوادي على شاطئ عين دياب خاصه فيها ) .. هذا الي ببالي حالياً ..

للأسف ما أعرف مكتبه أدبيه بكازا ..

سوق باب مراكش مقابل حياة ريجنسي .. تلقى فيه كل طلباتك ..

يوجد مكاتب لشركة فيديكس .. بس الله يعينك على اسعارهم غاليه حبتين ..

موجوده بس ما انصحك تروح لها .. أبعد عن الشر وغنيله ..

والله ماعمري أفطرت بمطعم فطوري يكون بالشقه .. خل الشغاله تسوي لك فطور وراح تدعي لي ..

فيه مقهى الديوان .. قريب من التوين سنتر وجوه حلو للفتره من 9 بالليل إلى 12 ..

إذا منيب غلطان فيه بحياة ريجنسي ديسكو غربي .. لكن ترا ماعليه اقبال كبير .. ان شاء الله يجي احد الاعضاء له خبره بالاجواء الغربيه ويفيدك ..

أبد لا تخلي براسك شيء ما تسأل عنه ..

__________________
نلتقي .. لنرتقي ..

ماقصرو الاخوان

موفق

ما عقب كلام اخواني كلام

وفوا وكفوا

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

شكرا جزيلا اخوي:icon30:

ومتى تقلع من الدمام ؟
انا عندي مشكله كبيره في القومه بدري والروحه للمطارات قبل طلوع الشمس ..
تخيل الارهاق من قلة النوم+تعب الرحله الطويله ؟

واعذرني على القصور لانو الان لاتحضرني الذاكرة

مكتبه كبيره في كازا بحكم اني من هواة القراءه الادبيه
1_ المكتبة الحالية 84 شارع مولاي أدريس الاول رواق النهضة
2_مكتبة لبلا 34 زنقة ابن خلدون ساحة المسجد
مطاعم نظيفه لتناول وجبة الافطار
مقهى فينيزيا ايس عين ذياب او مقهى ميشل انج شارع انفا او لا بريوش دوغية قرب مسحد الحسن الثاني.

وين مقهى كان يا ماكان ؟
ايش نظامه مطعم ولا شيشه وكوفي ؟

شكله حلو .. والمونت مثل ما تفضلت مشبوه نوعا ما