عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


تقرير رحلتي الاولى لبلد الحب المغرب

إضافة رد
 الصورة الرمزية الكنج11
الكنج11
مزعوط جديد
المشاركات: 17
تاريخ التسجيل: Mar 2016
الكنج11 غير متواجد حالياً  
قديم 2016-03-26, 02:14 PM
  المشاركه #1
Talking تقرير رحلتي الاولى لبلد الحب المغرب

تحيه عطرة للجميع
اول مشاركة وتقرير لهذا المنتدى الرائع
يعتبر تقريري الاول بالمنتدى علما اني من المتابعين فقط
فالبدايه كان تخطيط الرحلة من السعوديه الى للمغرب مراكش عدد المسافرين 2 مدة الاقامة 15 يوم السكن والترتيب الروز جاردن الميزانية 20 الف
لكل شخص بدون التذاكر وفي اخر لحظة تم تعديل المسار وهو كالتالي ، راح تستقبلنا بالمطار صديقة احد الشباب اسمها ( ن ) مع السائق وتم حجز
شقة عن طريقها على اساس انها امان ونظيفة
نبدا التقرير
تم الاتفاق بيني وبين رفيق السفر على الرحلة بالصدفة لوجود عدة خيارات ودول اخرى ، لكن المغرب تصدرت على الجميع ، تم تحديد الموعد والسفر
وكان الاقلاع من مدينه الرياض والوصول الى الدار البيضاء
اولا المطار ،، وما ادراك مالمطار تم الهبوط ولله الحمد ، والحين بدينا بهالسعودين ههههه صراحة ما عندهم وقت واقفين على باب الطيارة ومنتظرين
ساعة الحكم ، يفتح باب الطيارة ونزلت انا وصديقي نشوف الشنط يالله وش ذا زحمة قلت لخوي ها يالذيب وش العلم هههه انا قلت هالكلمة وحسيت
اني ندمت يعني وبملامحة وش نسوي قلت تعال بس وزاحم بهالعالم لين السير والوقت يمر عشر دقائق ربع نص ياولد وش السالفة لا يكون الشنط
بالسعوديه افزع يا ولد في هذا الوقت قلت اشوف من الموظفين بالمطار ولقيت واحد ومسكت فيه قلتله اسمع هذي ارقام الشنط وانتظرك ،
ويروح الحبيب ورجع قال ما جت عالسير قلت لو جت كان ليش اعطيك ارقامهم ، شاف اني زعلان هههه وهو يدخل بمدخل السير يا راجل يا جراندايزر
على هذيك الدخله قلت لا والله راحت شنطنا ومافي شوي ولا الحبيب جاي وجايب الشنط خشمك ياللحبيب
واعطيه المقسوم والحمدلله ما صادفني شي بالمطار الا عند الخروج وقفني موظف للتفتيش قال الشنطة صراحة فالبدايه سويت اني غشيم ايش
نعم قال حطها هنا قلت ماشي بس حط يدة عالشنطة قلت حبيبي الملابس نظيفة ومرتبة اوك ، ويعطيني ذيك النظرة اللي ما ادري وش تبي ،
ناظر بالشنطة يمين يسار وقفلهياهوووو ليش العطله طيب ماشي وقفل الشنطة
تم الاتصال على ( ن) الو وينك قال انا بالمواقف اجل تعالي حدي تعبان جات الاخت ومعها السواق ، وش هالبنت سبحان الله طاط طاط طاط
زحلطن ما شالله ، وش هالبنت وش هالزين بس رفيق السفر صابه شلل جزئي من المنظر قال وش هالزين قلت اركد تراها خوية صاحبنا سلمت
عليها لا وسحبتني وحبيتين هالخذ الله يرجك ،وجات وجات على خويي الله لا يبلانا بس حسيت قلبة يدق عندي عشان سلمت عليه المهم انه
متوتر المهم وهي ماجابت خبر وهي تبوسة ههههههه تشوف الرجال صار اشارة مرور
المهم قلت مشينا وصلنا عند السيارة وناس تطلب فلوس ما ادري هم شحاتين ولا ايش المهم مشينا تقريبا كم متر ولا يطلع مشروع جديد
ما ادري ظابط ولا شرطي ولا ايش المهم وقف السواق وقال الاوراق ونزل السواق قلت اجل بدينا الفلم الهندي قلت لخويي لا اسمع صوتك
ماشي المهم طول السواق نزلت اشوف السالفة طلع ظابط من الحرس الملكي حسب كلامه او شي كذا المهم قلت يا اخي تعابين من الرحلة
وشوف وش طلباتك قال اخويا ارجع للسيارة اوك رجعت للسيارة قلت للبنت انزلي وشوفي وش يبي المهم راحت وبعد دقيقة جت قالت اوراق
السواق منتهيه يالليل المعنى والمطلوب جانا السواق وقال انا في مشكله قلت اسمع هذي مشكلتك حلها ولا بنزل وناخذ تاكسي ثاني المهم
قالت البنت انا راح اساعد السواق واعطيه كم درهم عشان نمشي ههههه قال رفيق السفر افا لا ما يدفع الا انا طلع انه خاق على البنت ههه
المهم اعطاها مبلغ ونادت السواق واعطاها الضابط جاء وقال نعتذر عن التاخير ولازم السواق يجدد اوراقه قلت ابشر حركنا شوي ولا الظابط ينادي
اوقف قال للبنت انزلي وجلس يتكلم معاها وقت طويل لمى جات وحركنا قلت وش يبي الظابط قالت انه يتحرى عني وانتي ليش راكبه معاهم .... الخ
قلت وبعدين قالت الظابط طلب رقمي ورفضت ايوة
المهم طلعنا من المطار اخيرا وكان التخطيط مراكش لكن الفرحة ماتمت قالت المستضيفة ( ن ) في خبر ما راح يعجبك قلت هلت بركاتك وش بعد
قالت الشقة ماهي متوفرة لان المستاجر مدد المده نعم وش قلتي قالت لا تزعل راح اجيب لكم احسن منها قلت ماشي قالت بس اليوم راح تجلسو
في الدار البيضاء وبكرا نروح مراكش صراحة من التعب والارهاق واللي شفته بالمطار قلت مشينا يا دلوعة
التقرير يتبع
اذا حابين نكمل
تحياتي
رد مع اقتباس
 الصورة الرمزية مشغول
مشغول
مزعوط فضي
المشاركات: 943
تاريخ التسجيل: Mar 2016
مشغول غير متواجد حالياً  
قديم 2016-03-26, 02:23 PM
  المشاركه #2
استمر كنق

اسلوبك شعبي ومتسلسل ،،،


روح،،،،،،
رد مع اقتباس
sufiani
مزعوط جديد
المشاركات: 13
تاريخ التسجيل: Mar 2016
sufiani غير متواجد حالياً  
قديم 2016-03-26, 02:58 PM
  المشاركه #3
كمل تقرير رحلتي الاولى لبلد الحب المغربتقرير رحلتي الاولى لبلد الحب المغرب
رد مع اقتباس
اهلا 1984
مزعوط مميز
المشاركات: 489
تاريخ التسجيل: Aug 2012
اهلا 1984 غير متواجد حالياً  
قديم 2016-03-26, 05:39 PM
  المشاركه #4
الحمدلله على السلامة بداية تقرير مشوق
سجل متابع بقووووة
رد مع اقتباس
 الصورة الرمزية بو بدران
بو بدران
مزعوط قدير
المشاركات: 239
تاريخ التسجيل: Mar 2016
بو بدران غير متواجد حالياً  
قديم 2016-03-26, 05:45 PM
  المشاركه #5
دربك خضر ... كملً ناطرينك !
رد مع اقتباس
yasir
مزعوط جديد
المشاركات: 12
تاريخ التسجيل: Sep 2015
yasir غير متواجد حالياً  
قديم 2016-03-26, 06:33 PM
  المشاركه #6
شباب صحيح الشيشه ممنوعه بالمغرب
رد مع اقتباس
اهلا 1984
مزعوط مميز
المشاركات: 489
تاريخ التسجيل: Aug 2012
اهلا 1984 غير متواجد حالياً  
قديم 2016-03-26, 06:36 PM
  المشاركه #7
لا مش ممنوعة اللي انت سمعت عنة هذا طلب من احد
البرلمانيين وبالتاكيد لن يؤخذ بة
رد مع اقتباس
yasir
مزعوط جديد
المشاركات: 12
تاريخ التسجيل: Sep 2015
yasir غير متواجد حالياً  
قديم 2016-03-26, 06:37 PM
  المشاركه #8
رد مع اقتباس
 الصورة الرمزية بيضاوي
بيضاوي

تقرير رحلتي الاولى لبلد الحب المغرب

المشاركات: 1,568
تاريخ التسجيل: Mar 2016
بيضاوي غير متواجد حالياً  
قديم 2016-03-26, 06:37 PM
  المشاركه #9
اقتباس:
المشاركة الأصلية كتبت بواسطة yasir مشاهدة المشاركة
شباب صحيح الشيشه ممنوعه بالمغرب
غير صحيح
مطالبات بس وماصدر شي رسمي من الحكومة المغربية
__________________
الحياة ليست عدو لنا بل صديق مشاكس
رد مع اقتباس
yasir
مزعوط جديد
المشاركات: 12
تاريخ التسجيل: Sep 2015
yasir غير متواجد حالياً  
قديم 2016-03-26, 06:45 PM
  المشاركه #10
مشكورين
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: تقرير رحلتي الاولى لبلد الحب المغرب
الموضوع آخر مشاركة
تقرير رحلتنا إلى المغرب للمرة الاولى (وأتمنى ان لاتكون الاخيره) . 2021-02-01 02:51 PM
رحلتي الثانية الي المغرب (الاولى كانت جنون) 2019-11-03 11:17 PM
رحلتي للمغرب الاولى والمصيبه الاولى في الطائره 2019-05-03 05:22 AM
تقرير رحلتي الى محبوبتي المغرب 2016-01-10 12:24 AM


الساعة الآن 12:38 AM