حجز الخطوط السعودية جدة اغادير

ياليت اذا في أي شخص جرب نفس الرحلة يشارك لأن الآراء اختلفت بين الخبراء

اللي حصل معنا انه لازم تختم من كازا وتنزل تحت تاخذ عفشك ثم تمر ع الجمارك للتفتيش وتروح كاونتر الطيران المغربي وتشحن عفشك للذهاب الى اقادير واذا وصلت مطار اقادير لاتمسك طابور عند الجوازات وبلغهم انك ختمت في كازا ويمشونك على طول وتتوجه لاستلام عفشك

اخوي فرزاتشي انت حجزت نفس الحجز اقصد من الخطوط السعودية كلها بتذكرة واحدة او حاجز جدة كازا منفصل عن كازا اغادير
لأني قبل كده انا حجزت جدة كازا ع السعودية وكازا اجادير ع المغربية وسويت نفس اللي صار معاكم وجاني الهم حتى طلعت على طيارة اجادير من قص بوردنق يدوي الى غيره

عشان كده في المرة هذه حجزت كل الحجز من الخطوط السعودية وكنت متوقع اني استلم العفش واختم دخول في اغادير

لا كنا جايين على طيران الامارات واتوقع الصالات والاجراءات وحده . ولاتعتمد على كلامي يمكن فيه شي تغير

يعني حجزكم على الامارتيه كان شامل كازا اغادير او منفصل؟؟
اقصد تذكرة وحدة كلها او حجزتوا على الامارتيه لوحدها والمغربية لوحدها

كلام غير صحيح وحالتكم الانثنين هو ان التذكره اللي انتم اشتريتوها من مكتب وليس عن طريق النت او موقع شركة الطيران واتحداكم انتم الاثنين اذا واحد فيكم استلم البوردنج حق كازا اغادير من الرياض انتم صاحب المكتب شاف انه يحجز لكم تذكرتين منفصلتين اوفر وارخص له كمكتب وتحقق عائد افضل له لما يبيعها عليك . فالتذكره اللي طرتوا عليها هي تذكره انت شاريها من مكتب وكالة اسفار وليس تذكره الكترونيه عن طريق النت او شركة الطيران نفسها فهنا طبيعي انك تختم بكازا لان رحلتك انتهت وما فيها مواصله بعد الوصول لكازا تختم تبدأ اجراءات الرحله الثانيه
اما اذا كانت تذكره واحده يعني لما تشحن من مطار الرياض يعطيك بوردينقين واحد الرياض -كازا والثاني كازا-اغادير
هذي رحله واحده تتبع الخطوط المرسومه علي ارضية المطار اعتقد الازرق الرحلات المواصله توصل صاله تخضع فيها للتفتيش ومن ثمه تعدي لبوابات الرحلات الداخليه بدون ما تمر علي الجوازات اما اذا في الرياض عطوك بوردنق واحد وقالو لك البوردنج الثاني تاخذه في كازا مافيه مشكله بعد التفتيش تلاقي مكتب صغير للمغربيه يقص لك البوردنج
شخصيا طالع رحله اطول من هذي انا طالع كويت مراكش علي الاتحاد تذكره وحده يعني كويت ابوظبي كازا مراكش
تذكره وحده عفشي استلمته في مراكش
اذا تبي تعرف تذكرتك خط سيرها شيكها علي موقع

www.checkmytrip.com
الموقع هذا يوضح لك وين تبدأ ووين تنتهي رحلتك
ارجو اني افدتكم

__________________
ان تكون مجنونا في ارض الجنون خير من ان تكون العاقل الاوحد

الله يريح بالك اخوي انجل لندن فعلا ريحتني دخلت ع الموقع واعطاني جدة اعادير
المشكلة فترة الانتظار في مطار كازا ساعة و خمسة واربعين دقيقة وربي قولت مستحيل الحق على طيارة اغادير اذا فيها ختم دخول و انتظار العفش وتفتيش ماراح تكفيني هذا الوقت( ١:٤٥ )

هذي تذكره وحده عفشك تستلمه باغادير وختمك بأغادير لما توصل كازا اتبع الرحلات المتابعه لا تروح الواصلين سوف يتم تحويلك علي بوابات الرحلات الداخليه

__________________
ان تكون مجنونا في ارض الجنون خير من ان تكون العاقل الاوحد

عزيزي حساس انت كل اللي عندك برقم حجز واحد يعني راح تستلم في اغادير مالها علاقة اذا اتغير الطيران وضحت لك قبل و اخوي انجل شرح لك بالتفيصل اذا حاب استفسر لك زيادة ارسل رقم الحجز عالخاص و ان شالله امورك طيبه

ماتقصر اخوي كنج طلال
خلاص وصلت المعلومة بس مشاركة الاخوان قلقتني ، اما انت ماقصرت من البداية وضحت .
الف شكر لكم جمبعا