نهاية الجزء الختامي
الشغلات !!!!!!!!!

اول يوم وصلنا فالليل كانت موجوده شغاله قالت انا معاكم الى بكره المغرب وبطلع اجازه 10أيام وبتجي شغاله ثانيه اسمه ام خديجه قلنا اوك سهرنا اول لليله في الشقه ونمنا بدري صحينا ومتفقين معا السايق يجي الساعه 11 الصباح عشان نطلع لوريكا قبل مانطلع من الشقه اخذ فلوس مصروفنا من السفت بوكس الموجود وطلعنا ورحنا لوريكا ورجعنا بحدود المغرب للشقه لانه مرينا مرجان اشترينا بعض النواقص ورجعنا للشقه اقسم بالله ثم اقسم بالله ثم اقسم بالله والله شاهد علي اني دخلت اول اصحابي الغرفه الي موجود فيها السفتي بوكس حصلت صاحبنا قبل مانطلع الصباح لوريكا ناسي يقفلها وحاط على الرف مبلغ انه لا يقل عن 9000 ريال سعودي وفالسفتي بوكس مبلغ لا يقل 14000 الف ريال سعودي والشغاله داخله ومرتبه الغرفه انوه مانقص منها ريال واحد والله على ماقول شهيد
عطوها قبل ماتمشي عطيناه المقسوم وشكرناها وجت الخادمه الثانيه وكانت خفيفت نفس ومرحه والشباب ماقصرو معها طلبو منها الثياب القفطان والصابون المغربي وعطوها المقسوم اكراميه قبل مانطلع .

السايق !!!!
الي كان معنا اعرفه من سفريتي السابقه هو الي وصلني من مراكش لاكازا فالعوده وحتفضت برقمه قبل سفري ب4 ايام من السعوديه اتصلت عليه وقال فاضي وراح للمكتب الي بنفس الدرقاوي لانه هو متعاقد معاهم وحجز سياره اكسنت 2016 يومين لانو كنا ناوين ناخذ السايق يومين لين نتذكر الاماكن بعدين بنسووق حنا بنفسنا لكن شفنا الوضع ماينفع في كل نقطه درك وتفاتيش لان لما وصلنا مراكش كان فيه بلاغ عن بنت مغربيه معاه جيب رنج مطلوبه في قضية هروين على حسب كلام اصحابنا الي يسهرو معنا وثاني شي كان جو السايق رايق ومحترم صحيح انه يطلب فلوس لكن يستاهل يعني كل يومين ندفه ب100 درهم ومره قال لنا الليله عيد ميلاد زوجتي عطيناه 400 درهم لكن والله انه يستاهل كل درهم ياخذه منا اي وقت اتصل عليه يقول 10 دقايق وانا عندك والله اقل من 10 دقايق وهو عندي.
!!!!!!!!!!!!!
الى هنا وانتهى موضوع السفره واسمحوناا اذا قصرنا في حاجه واي سؤال او استفسار انا حاضر لعيون المزاعيط وان شاء الله نعود لكم بتقرير سفريه اخرى برعايةالفنان محمد عبده

ودع اليأس و سافر و اغربِ
و اجتلى الحسن بأرض المغربِ
و اغتنمها فرصةً يا صاحبي
و امتع القلب بنيل المطلبِ

جُمّعت في غيدها كل المنى
فتنة الغرب و نطق العربِ
دارها البيضاء فردوس الدنا
هي مهوى الغيد للمستعذبِ

كم على الأطلس في عالي الضراء
قد لهونا باصطياد الشهبِ
و أريج الزهر في ساحاتها
مزج المسك بطيب العُشُبِ

و بمكناسٍ لنا فيها رؤى
سهرُ الليل و شطح اللعبِ
و بفاس العز في آثارها
عشتُ بالتاريخ عبر الحقبِ

وعلى طنجةِ غازلنا الهوى
في أصيلٍ كانسكاب الذهبِ
و تجلى الفجر في فيروزها
فتنادوا ورقها للطربِ

يا لنفسي قد لقت صبوتها
في رباط الحُسن قيد الطلبِ
و صفاء العيش في خلجانها
قد تعدى وصف ما بالكتبِ

إن في المغرب إخوانٌ لنا
قد تحلوا بسمات الأدبِ
و تَعالوا بمليكٍ قدرهُ
و تسامى بشريف النسبِ

طيب ايش صار معاك في كاش تراك نسيت

كنت معاك في تقريرك وفي الواتس الحمدالله ع السلامة والقادم اجمل

طيب ايش صار معاك في كاش تراك نسيت
تقرير براااااق يبرق بروق يابطل

سالفت كااش ***********

اول شي اعترف بخطاي لكن الواحد مايخلي فزعته او غيرته على اي سعودي ان كان يستاهل او مايستاهل لكن لو يرجع بي الزمن ماسويت الي سويته لكن نقول لوجه الله والانسان في حياته اشياء يندم عليها وهذي من الاشياء الي ندمت عليها .

السالفه *****

سهرنا في كاش وكانت اجواء كااش ماعجبتنا انا واصحابي لكن وش نسوي وصرنا نضحك معا بعض ومطنشين ام البست وسوالف بينا وضحك الطاوله الي قريبه منا فيها شباب قطرين اربعة وكانو نعم الرجال وهم من اعضاء المنتدى خشو معنا بالاجواء وضحك وتعارف بين بعض لين اخر السهره انتهت السهرت طلعنا برى سوا وكنا نضحك في اللفت وحنا طالعين لما صرنا بنتوادع سمعنا صياح ولجه جهت التكاسي وصوت واحد سعودي خمتنا الحميه والطنخه لقينا ولد شباب اقسم بالله عمره مايتعداء 21 سنه وولد ماشاء الله عليه مزيون مزيون وكان بحال يرثى لها ولا يدري وش يقول وكل التكااسي متجمعين عليه كلن يبي ياخذه معه والولد مهو في وعيه جينا حنا واصحابي والاربعه القطرين فكينها منهم وصار بينا سوء نقاش معا حقين التكاسي وكانو القطرين معنا كان الدعوه كلها صووت في صووت تجمع العالم علينا دخل من بينهم السواق صاحبنا يا البراق الي تعملونه غلط قدامنا تفاتيش قلت اقول قرب السياره انا وخوياي اخلص جاب السياره وركبناه معنا وطلعنا وطلعو ورانا الشباب القطرين بمسافه اشرو لنا بالنور وقفنا قالو عرفتو مكانه وين ساكن او عرفتو جوال اخوه لانه كان يصيح ويقول اخوي اخوي قلنا الى هالحين ما فهمنا منه شي قالو في بنات يعرفونه ويقولون انه ساكن خلف المرجان في شارع الازهر قال السواق العماير واجد في المنطقه الي هناك بنروح ونشوف مشينا والله العظيم يالربع انه يمكن نقطتين يوقونا ويقولون انتم مسوين مشكله في كاش مبلغين عنا التكاسي قلنا مافيه ولا شي وهذي 400درهم والنقطه الثانيه نفس الحكايه والقطرين ورانا ولانهم على رنج ايفوك يحلفون انهم دافعين اكثر منا مالكم بالطويله وصلنا شارع الازهر غسلنا الولد وجلسنا معه حول نص ساعه حتى صحصح قال انا ساكن قريب من هنا حول مغسله ملابس اذا وصلتو للمغسله بدل وهو باقي في خبر كان لفينا لفينا حتى حصلنا المغسله ها ياولد هذي قال ايه المهم بعد تضيع حول نص ساعه وصلنا للعماره دق الباب فتح لنا بواب سئلته تعرف هذا قال ايه هو ساكن في شقه فالدور الثالث والله اتوقع قال 208 قلت اخوه موجود قال ايه موجود طلعت انا معه وصاحبي واثنين من القطرين نبي نتاكد وصلنا للشقه دقينا الباب يمكن ربع ساعه يالله رد فتح البااب لنا انا قلت اتوقع ان اخوه يعني في سنه او اكبر شوي لانه مايسوي هذي الحركه الا واحد جاهل او مايعرف المغرب زين اقسم بالله العضيم الي فتح الباب لنا والله العضيم اذا مابالاغت 35 سنه رجال طول عرض انا انصدمت قلت ان صاحي انت تعرف انك فالمغرب ولا ماتعرف قال ياخي ازعجني واقلق والديني وبط كبدي ومشيت انصدددمت اول شي برده قلت عالعموم ماصار شي بس نصيحه لوجه الله انتبه لخوك وان طعتني اقرب رحله للسعوديه تراه افضلكم قال اوك اوك ماصار الا كل خير قلت تامر بشي قال ايه دقيه لحضه انتضرنوني قلت طيب راح ممكن ابو عشر دقاايق وجانا الا معه فلوس حدود 800 درهم او 1000درهم ويمدها علينا انا والي معي صاحبي واثنين القطرين ويقول والله ماهي حقكم لكن سامحونا .
والله ياعيال ودي الارض انشقت وبلعتني
الزبده جاه ماجاه منا ومن القطرين ومشينا .
هذذذذي سالفت كااااش وسلاااامتكم ...

ماقصرتم وبيض الله وجيهكم هذا فعل طيب ومافيه شي شهامة رجال وماعليك من اخوه

بيض الله وجيهكم والنخوه ماهي مستغربه من السعوديين وانتم سويتم الواجب وزود لكن الشرهه على اخوه اللي سحب عليه وخلاه لحاله .. والله يكثر من امثالك انت وخوياك والقطريين [emoji173]️

ما شاء الله تبارك الله
تقرير رائع ومشوق
اشكرك اخي البراق
لا تندم على فعل الخير مهما صغر

جزاك الله خير

لاحول ولاقوة الا بالله ،، حال بعض الناس يرثى له ،، موقف بطولي اهنيكم عليه ..

بيض الله وجيهكم وماقصرتوا

الشرهة على أخوه المرم