في عز ما كنت اهوجس فيك وافتح لك
ابواب قلبي خذتنـي رجلـي لبابـك
وجيتك وانا ما اذكر اني كنت رايح لك
بس اذكر اني كـذا لاطـول غيابـك
ياما ترددت مـدري كيـف اشرح لـك
اجيك وارجع ابيك تقول وش جابـك
يابـن الاوادم تـرى مليـت المح لـك
انا اعزك واحبـك واعشـق ترابـك
لا ضقت اضيق ومتى ما تفرح افرح لك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك
لكن قبل تنجـرف حبيـت اوضح لـك
مستقبلي في ايدينك واعمل حسابـك
لو ضاع مستقبلي مانـيب سامح لـك
يكفيني الماضي اللي ضاع بأسبابـك
فهد المساعد
__________________
لاتسمع كل ما يقال ولا تقول كل ما تسمع.