اقتباس:
المشاركة الأصلية كتبت بواسطة رافا
رفيقك الغالي اللي غاب له مده
لاتجرحه وانت ماتدري عن احواله
يمكن ظرفو الغيبه للزمن تحده
ويفضل انه يصد بهمه لـحـالـه
ياصاح ماكل غيبه تعتبر صده
لاعاد تشره على من راح في فاله
مناكب البيد للغياب ممتده
والعذر للمعتذر مانقصر حباله
يبقى على محزم الخوه من العده
مايطلق الوجه في الواجب اللي جاله
الايام مابه حد مابيحت سده
والوقت حمله ثقيل وميلته عاله
يومي بنا حلم ليله في نحر غده
وتحدنا حر شمسه نطرد ظلاله
وضاعت طموحاتنا في هاته ووده
ايلين عف العفيف وماتت آماله
ولو ان بعض العرب حلمه على قده
ماضيع الصالحين ابليس وعياله
الشاعر / سعيد بن محماس المري
السلام على الجميع
/
قصيده معبره بصدق .. وشاعرها شاعر متمكن بن محماس
لكن الشطر الأول من البيت الثاني ركيك ومنكسر
ولا يقوله ابن محماس بهالطريقه .. اضن هناك خطأ بالنقل سواء منك او منقولة قبلك خطأ
البيت هو :
(يمكن ظروف الغيبه للزمن تحده )
ويفضل إنه يصد بهمه لحاله
الصح كي يعتدل البيت تعديل بع المفردات كذا :
يمكن ظروف الزمن للغيبه تحده
ويفضل إنه يصد بهمه لحاله
:
وهذا ما اضن الشاعر كتبه ولكن المشكله من النقل
اضن الشاعر قطري