مقتطفات

فـي بـنـوك الـحـظ ماعـنـدي رصـيـد
مفـلـس وحـتــى الـحـديـدة بعـتـهـا

وفي عيون النـاس لـي بـاس ٍشديـد لــوجـيـوش الـجـن جتـنـي رعـتـهـا

دارعٍ فـــي ثـــوب رجـــالٍ عـنـيـد مـعـتـلـي والـنــفــس مـاخـوعـتـهـا

شايـفٍ عمـري مـع طـويـق العتـيـد وصورتـي مـن كثـرمـالمعتـهـا..؟

صرت أصدق بان راسي مـن حديـد!!
وصـرت أقـول:ان دنيتـي طوعتـهـا

وصرت أشوف الناس من حولي تزيد
تسـتـمـع لـــي كــــل ماجمـعـتـهـا

صرت أنا اللـي شاغـل قلـوب العبيـد ومـالــي الـدنـيــاوأنــــا قنّـعـتـهـا

بهمهماتـي..قبـل مـابـدا بالقصـيـد
وصفـقـت لــي قـبـل ماسمّعتـهـا!!

ويــوم شبـيـت القصـايـد والنـشـيـد
كـــل نــفــس ٍجـايـعــة شبّـعـتـهـا

وصارفي إيـدي حربـة ٍلابـن الوليـد
كــم فـتـاةٍ فــي هــوايا فجعـتـهـا

مـادريــت الـحــب صـــرام الـوريــد
لين شفت اللي شبعت...وجعتهـا!

الهنـوف اللـي خــذت فـكـري بعـيـد وردّتــنــي للهلاك...وطـعـتـهــا!!

القـوام الأكعـبـي ،الـحـس الفـريـد
الـعـيـون الـســود لاطالـعـتـهـا..؟

تنكسرعيني..وأنـاطبعـي جليـد!!
وتصـبـح الدنـيـا خـطــاوي ضعـتـهـا

يـوم قالـت لـي أحبـك ماتفـيـد
كـذبــة باول زماني شعتها

كنت أشوف الحب مع(عذرالبليـد)
لعـبـةٍبـإيــدي وأنــــاشـرّعـتـهـا

بــس جـانـي الـجـد والعـلـم الأكـيـد عــلــةالـعــشّــاق..وتـجـ رّعـتـهـا

قالت:ان الحب قيد .وقلت:قيـد!
وراودتـنـي بقيـدهـا..وطاوعتـهـا!

ورحـت أسابقهـا ولـي بلـعـون جـيـد قـاضــب ٍيـدهــاعــقــب رثـعّـتـهـا

وهي تضحكلي.. وتحلـف بالمجيـد
انــي لأخلـيـهـاتـــراي..آجعـتـه ـا

ويــوم أهلـهـا عـزّمـوا نـيـة شـديـد
كــــن فـيـنــي جــمــرة ٍولّـعـتـهـا

وأقـفـتت سـيـر الـركـايـب ماتـحـيـد
وفـي ذهــول أقفـيـت..ماودعتـهـا

يانديمـي كـل غـصـن.. وكــل حـيـد يشـهـدان لـــي قـصــة ٍماذعـتـهـا

على نقاحبـي.. علـى ذاك الصعيـد
لـيـتـنـي مــيـــت..ولاضـيـعـتـهـا

ودنيتي ساحة مزاد ومن يزيد
اللـي معـي قيمـة حديـدة بعتـهـا!!





الشاعر .... محمد بن مهنا .

__________________
لاتسمع كل ما يقال ولا تقول كل ما تسمع.