|
مبدع يارؤوف
|
ياما عطينا وما حسبنا عطانا
ويا مـا اخـذنا من الزمـان التجاريب واللي بيدينا مـا يطـول معانا واللي يدش الجيب يطلع من الجيب قل للضعوف اللي تفتش ورانا تبطـون / مـا تلقـون فينا ولا عيب ياللي تعذربنا وتبحث خفانا راجــع حسـاباتك وتلقـا العـذاريب وان كان تنشد عقبها وش بلانا .. ؟ حنا بـلانا الطيب ونمـوت بالطيب الطيب خير من الردى في هوانا واللي هـوا له شـي فيما هـوا يشيب نفتل شـواربنا ونكـرم لـحـانـا ان كـانهــا فـي حــق والا مـواجيب ونحمي عوايدنا وسـتر قصرانا ونفـزع ليا منه عـوا الـذيب للذيب ونلبي المـحتاج لامـن نصـانـا ونعــاونـه ولا نــدور مــكــاسـيب وما نسـال المحتاج وشهو جزانا الله يـجـازينا وهـو عـالـم الغـيب ونقـدر الـداعـي ليامـن دعـانا وفـي مشـينا هيبه وعـز وتراحيب والشـر نقصر عنْه والله كفانا لـكـن لاثـارت يـديـنا مـخـاضـيب ما اقول محد ٍ واصـل ٍ مسـتوانا كـل ٍ لـه فعـوله وله قسم بالطيب محمد الصواغ. |
كذبٍ يزوِدني مع الناس..نقصان ومدحٍ مهو بمستحقه مذلّه
لأن اللسان حصان ولساني حصان ولأني من اللي زلته بألف زلّه شاعر واسخرها على كل الاوزان مثل السحاب يهمل ما ينهمل له اكتب واعز فلان واقدر فلان ولا امدح الطيب عشان استغلّه اليا مدحت امدح فعايل كحيلان المدح ودك ينذكر في محلّه حامد زيد |
الأصدقاء الحقيقون يتميزون بثلاث صفات :
يصعب إيجادهم يصعب تركهم ويستحيل نسيانهم |
يقال ان الفتاة قد تبكي لعجزها
عن تسريح شعرها كما تريد ! فكيف بغياب وهجران من يعني لها الحياه 'رفقا ب الاناث فقد اوصى بهم اطهر الخلق' |
اقتباس:
وتسلم ايدك يالغالي ذوق راقي تقبل تحياتي وودي الاخوي |
أسامح .... ﻷرتاح.
وأتناسى .....ﻷبتسم. وأصمت ...ﻷني لا أريد أن أجادل. وأتغاضى .....ﻷن لاشي يستحق. وأصبر .........ﻷن ثقتي بالله ليس لها حدود. هذا أنا . |
توحشتك....
يامعذبني وناسيني... توحشتك ...... يافرحة ايامي وسنيني .. ذكرياتي الحلوه...... ذكرياتي المره........ ضحكتي معاك تبكي تناديني... صرت أشوفك في السما قمرا..... واشوفك بين نفسي وبيني .... زاد الحنين لشوفتك ..... وكثرت آهاتي وأنيني...... لا صبر مصبرني ... عن برد الغياب..... ماغير..... قربك يدفيني. |
يقول: بركات الشريف /
يالله يامجري تصاريف الأفلاك يارب يامحيي الديار المحيله أنت الكريم وكل خلقك ترجاك نطلبك جودك يامنجي دخيله يافارج الشدات بالضيق ننصاك عليك تخفيف الحمول الثقيله ماخاب مخلوق لجا لك وناداك من لا رحمته ياالولي عزتي له ياالعبد لاتشكي على غير مولاك مايجدي المخلوق لو تشتكي له لو تشتكي للعبد ماثاب شكواك ماله على حل المصاعب وسيله لاصار ماتقضي لزومك بيمناك مقسوم رزقك ماتحوشه بحيله لاتحتمل معروف هذا ولا ذاك لو قل مالك والموارد قليله لاشك نفسك عزها عن دناياك والرزق خلاق الخلايق كفيله ولا تلتهي بالمال والموت يقفاك العمر يفنا بين يومٍ وليله تسير بك سمر الليالي لمثواك ومن طول المنزل لزومٍ رحيله لابد من يومٍ عذاراك تنعاك ولابد ما ينقال هيا نشيله مافيه بالدنيا مواطن وملاك كلاً يسير وعابرٍ في سبيله وكانك تحسب انك مخلد بدنياك فكر وناظر وين جدك وجيله واسمع كلام اللي على الخير وصاك قوله يحثك للشرف والفضيله يرشدك لدروب المكارم وينهاك عن موقعٍ فيه الدنس والرذيله وعن صحبة الهلباج واللاش حذراك من صاحب الخايب يحطه زميله قرين سو ابليس مغويه وأغواك عميل شر ولا يربح عميله عزاه لك من خوته كان خاواك يرميك بدروب الردا والفشيله عليك باللي للشرابيك فكاك قرم ليا حدك لزومك تجي له لا جيب علم الطيب ينقال شرواك يرقا درج ممشا الخصال النبيله والا الردي لوهو ولد عم يجفاك ورايه بعد مايستشير الحليله وش عاد لو تقضي لزومه ليا جاك تجهد عليه وفوق راسك تشيله اليا قضى بك حاجته راح يشناك وغيرك عمل به طيب وانكر جميله اليا بداله لازم جاك ينخاك وان صار عنده حاجتك بان ميله مدحك يغيضه كان به جيب طرياك وعليك يفرح بالخزا والخذيله ضميره اسود والحسد سم فتاك اليا سمع مدحك تزاود غليله قصده يغار ولايسوي سواياك كبه وتلقا لك رفيق بديله تراه مهما جدت له خاب مسعاك ومن تاه فكره مايفيد الدليله عليك باللي دوم يحرص على رضاك قريب لك لو هو بعيد القبيله احرص عليه وسامك العرش ياقاك يروف بك عن كل عيله وميله واليا مشيت اجعل على الحق ممشاك مايرتفع راع الدجل والختيله وصلوا على اللي بالهدى زال الاشراك شفيعنا عن حر جمر المليله |
صمتگ عن الزلآت طيب وشجآعة تگبر بعين إلي على الطيب ربآگ خلگ سوآت الضلع عزم و منآعة لآ يــزعلگ هرج الردي لو تقفآگ |
| الساعة الآن 04:40 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط