كانت النية طنجة وبين عشية وضحاها أتجهت ألى مراكش

اشوفك كل يوم

اشوفك كل يوم وأروح
وأقول نظره تردَّ الرَّوح
أعيش فيها عشان بكرا
عشان ليلي الِّلي كله جروح
صحيح النَّظره ما تِكفي
من الآلام ما تِشفي
ولكن عذرنا الحاضر
نراعي الوقت والخاطر
وما دام النَّظر مسموح
أشوفك كل يوم وأروح
عسى النَّظره تردَّ الرَّوح


ياااااااه على صوتك يا أبو نوره مع الصباح في أجواء مغربية مراكشية حمراء .. صحيت الساعة 11 صباحاً وأحنا نايمين تقريباً 5 الفجر ، في المغرب ما يجيني نوم من جد ، كل أحلامك الحلوه وأنت في المغرب هي وأنت صاحي لا تنام كثير هههههه فلسفه دايخه .
المووهم ..
وأنا أفطر على ذيك السفرة الي تفتح النفس مما لذ وطاب كبدة بشغل مغربي ونواشف والخبز حقهم الي يجرح ويداوي المهم سفره عامره عامره بالزاف ، والمشكله أني بالحالي الجماعة كلهم نايمين وأنا مع أنغام أبو نوره شوي وتجيني خويت خويي مدرعمه تبي تفطر ههههههه قلت زين أحد بيفطر معي .. صباح الخير صباح النور جلست تجذابنا الحكي والمواقف المضحكة حقت البارح شوي إلا والمدرعمه الثانية جايه البطله حقتي ههههههه الشوشه ماخذه وضع الأستعداد تقول طالعة من هوشه ههههه
المهم صباح الخير صباح النور على فالك يا دريه وتقعد ونكمل الحكي والسوالف والضحك عن ليلة البارح ..
المهم خويي نعنبو بليسه ما صحى هههههه شكله أغماء ما هو نوم ...
قلت للأبطال مشينا نصحيه ونطب عليه بالغرفة كلنا وهاتك هبد في هالضخم لين صحى كانت لحظات حلوه ضحك وسعة صدر .. قام أبو الشباب وكمل الفطور معنا وجلسه على سفرة الفطور يمكن ساعتين ضحك ووناسه ..
جات خديجة وضبة الجلسه أيش تبون غدا ؟ قلنا داخله مشروع تسمين يا خديجة تونا مفطرين ، المهم أتفق الجميع على غدا متأخر كبسة سعودية .. بعدها قلت لأبو الخل يا الطيب نبي حمام مغربي ومساج وشغل تنضيف والعربان يجلسون ف الشقة أو يبون يروحون أي مكان بكيفهم أتفقوا يجلسون في الشقة وأحنا نروح نسوي حمام مغربي وف العشيه نروح لساحة الفنا .. قلنا أوكي قالوا أوكي ..
وأتصل على على عبد الرزاق السواق قلت تعال قال طيارة ...
ونروح لحمام مغربي مسكت قريب ساحة الفنا لكن للأسف قالوا لازم حجز قبلها ب 3 أيام قلت بدفع أكثر قالوا ما نقدر
وتقفل
قلت يا عبد الرزاق دور غيره وأحسن منه ، وسمع الكلام ما شاء الله عليه ودانا لحمام مغربي أبو كلب هههههه
المهم وندخل هالحمام الي مش حالك وهات يا فرك وهات يا فرك من قوة الفرك أحس أشوي والمس الرئتين هههههههههههه لكن من جد طلع أشياء الله مو طبيعية وأنا أحسب أني صابونه تمشي على الأرض ههههههه وخوويي ماخذ وضعيت الساكت المغلوب على أمره ما يدري وش السالفة أنا راعي الفكرة وتعابير وجهه تقول ليتك خليتني في الشقة مع طيري
الموووهم خلصنا وسوينا مساج أبو كلب بعد يطقطقون علينا والله لا مساج ولا شي يعلقونك ..
ونطلع وعلى الشقة إلا والغرانيق على قناة وناسة وجوهم فوووق ونور خفيف خاشين جوهم ، وأنا وأبو الشباب ريحت الزيت والفكس تعج من فوق روسنا هههههههههه أبو المزاج الي حنا فيه
المهم دخلنا الصالة ويحطون الربع يديهم على خشومهم فهمناها هههههههههه وعلى الورا در وتسبيحه على كيف كيفك ولبس رايق ونتفق ونطلع على الفنا ساحة الفنا حلوه جيتها من قبل لكن خويي أول مرة لعبنا ألعاب اللحظ يا نصيب وضحكنا كثير وشربنا عصير البرتقال وفرفره وضح ووناسه ثم عدنا إلى جليز .. وخليت عبد الرزاق ينزلنا في قليز وعلى ستار بكس كلنا ويا شين ستار بكس ومعك طيرك ههههههههه لا تقدر تفرفر الرقبة ولا طلطل على البشرية ومسوي حالك المخلص الأمين ومالي في ذاك الوقت إلا أغني وأرفع الصوت وعيني بعينها وعيني فيها خبث
عمرك سمعت بطير يحب سجانه
إن شافك إنته نسى وش تعني جنحانه
أنا تراني طيرك اللي يحبك موت
لو حب قلبي غيرك بدعي عليه يموت


المهموم والله كان جو حلو ومسكت بعدها رجعنا ع الشقة مشي على الأقدام

وسلامتكم
ولنا عودة

__________________


ضع الماوس على التوقيع

ننتظرك مره اخرى

اعتب عليك بنقطة

بخصوص المساج ليتك ماحاولت بزيادة المبلغ ،، هذولا ربعنا يبي كل شي حار بحار لو بزيادة بالمبلغ ..

متابع

الله يسعدكم جميع


أخوي ميلاني ..
والله أني من ناحية الصرف أعجبك ما يروح الدرهم إلا في وضعه الطبيعي والأستغلال ما أحبه
لكن هذا المكان يستاهل تسوي فيه حمام مغربي وأنا أغريتهم على شأن يدخلونا لكن للأمانه رفضوا

__________________


ضع الماوس على التوقيع

رائع مستمتعين بتقريرك

اجازة سعيدة وممتعة ان شاء الله

اعجبني بساطة تقريرك وسرد يومياتك

بالتوفيق وللامام يا ريس

نهاية التقرير ويومياتي لرحلتي
وسوف أختصر البقية
مع سرد بعض الملاحظات العامه للمسافر للمغرب
تابع :

رجعنا إلى الشقة وتعشينا وأتفقنا على السهره في النرجس جات الساعة 12 ليلاً وأتجهنا إلى النرجس وحجزت طاولة ب 1600 درهم مع مشروبات مع أني ما أشرب ولله الحمد . جوي أوكي بدون المشروبات الروحيه .
النرجس بأختصار ..
معاملة طيبة خالية من الأستفزاز لكن ما يخلا مكان النظرات المباشرين يبي أي أكراميه لكن خلك بحالك وأذن من طين وأذن من عجين أستمتع بالجو العام ولا تلفتفت لأحد ، مكان الشطح تقول شارع التخصصي في الرياض وممنوع التجاوز من اليمين ههههه من جد ضيق ، أستمتعنا كلنا والملاحظ أن الطيور أكثر الحضور .
الساعة تقريباً 4.00 يقفل
خلصنا سهرتنا ورجعنا الشقة دخلنا كلنا للمطبخ والربع كلهم يبون كبسه سعودية وأشمر عن ساعدي بمساعدة الربعات في تقطيع البصل والطماط وساعة إلا ربع والكبسه جاهزة ضربنا فيها وبعدها نوم .
اليوم الي بعده : كان الهدف أوريكا
صحيت وصحيت الجميع على الساعة 1 الظهر أفطرنا سولفنا ضحكنا على مواقف النرجس وبعدها كلمت السواق وجانا وركبنا معه والجماعة في سيارة ثانية وعلى أوريكا ..
أوريكا .. بأختصار شلالات على جبال الأطلس تبعد عن مراكش تقريباً 60كم منطقة ريفية أغلب الأماكن والمطاعم الشعبية لم يصل إليها الكهرباء يعني بالليل ظلام ، تنزل بمنطقة السيتي فاطمة أخر أوريكا وتنزل للمحلات الشعبة وبأمكانك تطلع الجبل وتشوف الشلالات وتشرب الأتاي في أمكان حلوه بالجبل المكان حلو لكن يفتقر لتنظيم الساحي .
رجعنا لشقة قبل المغرب وقضينا اليوم والليل كله بالشفة ما طلعنا أبد .
اليوم الي بعده ما بوه جديد نفس الروتين مع بعض التسوق ... الخ
إلى جاء يوم السفر
كانت رحلتنا الساعة 9 صباحاً قمنا الفجر ووضبنا شناطنا وعبدالرزاق تحت ينتظر وسبق كلمت محمد وبلغته أن مفتاح الشقة مع السواق ، لأنه كان مسافر كاز .
وصلنا المطار والنفس مقتنعة أن القادم بأذن الله أجمل ..
ركبنا الطائرة وعلى أبوظبي ، وصلنا أبو ظبي وكان لازم ننتظر ساعتين بعدين نتجه إلى مطار الدوحة وأثناء وجودي بالسوق الحرة بمطار ابو ظبي قابلت شخص قادم أيضاً من المغرب وكانت مفاجئة للأمانة وعطاني علومه يقول له أكثر من شهر في المغرب مراكش .. والطامة يقول شريت شقة في مراكش فل أمها الرجال قلت وصلت فيك ألمور لهالدرجة قال أسكن فيها شهر وأجرها 11 شهر ..
بيني وبينكم جازت لي الفكرة .. وهذا ما أفكر فيه حالياً ودعت صاحبي لأن رحلته على الدمام وأنا لدوحة
وصلنا الدوحة وعلى أرض الوطن الحبيب السعودية
فوق هام السحب يا أغلى بلد

....

ملاحظاتي المتواضعة وأتمنى أن يستفيد منها الجميع

1- المغرب بلد جميل بجمال أهله ولن تعرفه جيداً حتى تغير المجتمع الي أنت رايح له ، أوضح أكثر إذا هدفك ليل وبنات الليل فلن تجد إلا الطبقة الرديئة في هذا البلد ، فلا تحكم على المغرب بسبب هذه الطبقة .
2-لا تذهب للمغرب لتسهر الليل وتنام النهار فتفتقد جمال وسحر المغرب .
3-المغاربه لديهم عزة نفس عجيبه فلا تتعامل معهم بالفوقية .
4-الأحترام واجب وقبل أحترام الأخرين أحترم نفسك وتعامل مع الطفل والكبير بحسن الخلق .
5-أنت تعتبر سائح ونظرة البلد الذي أنت قادم إليه أنك تبي تصرف المال خصوصاً أن وجدوا فيك ملامح المواطن الخليجي فيكثر عليك من هم في عوز فلا تبخل لو صرفت ربع ما تصرف في رحلتك عل الله أن يفتح عليك بهذا العمل ، ولا تنظر لمن هم على هذا الحال أنهم أستغلاليين فوالله أنهم في عوز .
من المواقف التي أحزنتني إلى حد الثمالة ( كنت في مقهى ف قليز ودخلت علينا سيدة طاعنه في السن تشحذ وقربت مني وشميت ريحة الخمرة فيها // فتطفلت وسئلتها ليش تشربين الخمر .. فنزلت دمعتها وقالت لا أستطيع أن أمد يدي حتى أسكر لأني لا أستطيع أميد يدي وأنا في وعيي ) يالله كم آلمتني
6- لا تجرح أحد وأجعل أبتسامتك بوابة عبور لقلوب البشر ، فتقبل وتنحب .


في الختام ..

أمل أني وصلت بكم إلى فؤاد طيبة وما غير ذلك فأستغفر الله وأتوب إليه سامحوني

طبتم

__________________


ضع الماوس على التوقيع

سرد ممتاز ورائع انت نموذج للمسافر الرايق وفقك الله

عجبني كل ما قلته وختمت فيه سرد رحلتك وعجبني أكثر انسانيتك وعمق تحليلك....دمت بود