تجارب الاعضاء في المغرب اكتب تجربتك سواء سكن من فنادق , منتجعات , شقق ..ومواصلات كشركات تاجير سيارات..خطوط طيران

رجعت من المغرب وهذه تجربتي بالروز قـــاردن

ارسنال · 2016-04-17T17:42:35+00:00

سلام عليكم ورحمة الله إخواني المزاعيط اسعد الله اوقاتكم بكل خير موضوعي هذا بيكون عن تجربتي في السكــن بالــروز قاردن بمراكش طبعا انا قبل ماروح هناك قرأت الكثير والكثير عن الروز ناس تمدح وناس تذم ناس تقول لا تروح له واسحب وناس تقول روح ناس تقول انتبه وناس تقول لا كويس وناس تقول انه من أفشل المنتجعات الي ممكن انه اي شخص يسكن فيه وناس تقول لا وقرات هنا الكثير لدرجة اني كتبت موضوع في هالقسم اشتكي فيه من الحيره واني عربنت وصرت محتار ومحبط من كثر ماقرات وخاصة بعد ماقرات التجارب السيئه للأخواه المزاعيط هنا طبعا أنا كتبت تقرير كامل عن رحلتي للمغرب في قسم التقارير وتطرقت فيه لموضوع السكن ولكن حبيت اني اكتب هنا ايضا عن الروز بصفه خاصه بداية اختيار السكن في مراكش قرات الكثير صراحة سالت ناس تقول روح الروز وناس تقول روح الدرقاوي وناس تقول روح برستيجا والي يقول روح المنوار ووووووووووووووووو .... إلخ وبعد مشاوره وتفكير ومقارنه اسعار ومقارنة بين السهوله والمرونه في التعامل و اشياء كثيره وقع الإختيار على الروز قاردن طبعا راسلتهم عن طريق الواتس اب وعطوني عروضوهم وطلبت فيلا شخصين قالو لي 2800 بالشغاله بعد اخذ وعطاء 2500 درهم لليوم مع الشغاله عطاني حسابهم في الراجحي وحولت لهم عربون يومين وارسلو لي صورة الفوتشر وتاكــيد الحجز .. بعد تاكيد الحجز جاني خبر عن تعقيدات صارت هناك وتعامل سيء وتدفيع مبالغ في التشك اوت فظيعه وواحد سعودي توفى هناك الله يرحمه ومشاكل مع الموظفين هناك وصاحبي كل شوي يتصل موسوس وقروشني صراحة بدات اتلخبط ولكن في النهايه قررت اجرب اليومين الي دفعتها عجبني الوضع كان بها وكملت ماعجبني باخذ شنطتي واتوكل اشوف لي مكان ثاني وهذا الي صار وصلت عندهم عطيتهم الفوتشر قالو مرحبا بيك وحده اسمها سكينه والله صراحة موظفه ممتازه وتعاملها ممتاز وتساعدك بالي تقدر عليه سلمى ممتازه كذلك ودوني فيلا ناسي كم رقمها ماعجبتني قالو هاذي الشاغره ووحده ثانيه قلت مابيها وديني ع الثانيه رحت الثانيه طلعت من الفلل الجديده رقمها 381 ممتازه جدا قلت هاذي اوكيه عجبتني صراحة قالت هاذي بـ 2800 قلت انا متفق ع 2500 قالت لا ع الاوله وبعد شد وجذب اخذتها بـ 2500 شيكت ع الاثاث وشيكت ع المطبخ وعلى كل شيء شيكت ع الغرف ممتازه بس طلبت تغيير الشراشف والبطانيات وفعلا غيروها لي وجابو لي شيء جديد قلت لها يومين لانه عندي شغل ويمكن امدد ويمكن لا قالت او كيه سكنت اليوم الاول الوضع ممتاز كنت ابي اشوف واجس النبض سكنت اليوم الثاني الوضع والله ممتاز وكل شيء تمام التمام وعال العال رحت عندها قلت لها تمديد قالت فيلتك مححجوزه من شخص اماراتي قلت والله ماطلع ياعيوني وفعلا شفت حجز الاماراتي بالسيستم كان ع نفس الفيلا بعد يوم قلت ماعلي انا علمتك انه يمكن امدد وانتي عطيتيني الاوكيه وبعد قروشه مددت ع نفس الفيلا بقية الايام كانت من أجمل الأيام صراحة في مراكـــــش .. بالنسبه للسماعات : عندهم سماعات في اليوم بـ 100 درهم وفيه بـ 200 درهم وفيه بـ 300 درهم ع حسب الحجم والصوت طبعا اخذت لي 2 قويه وكبيره قيمتها بـ 300 اخذتها بــ100 من عند ثقيل الدم الشايب الي ماسك الدي جي كيشت حق الايام كلها وافتكيت منه لانه غثيث صراحة بالنسبه للموظفين .. صراحة سكينه وسلمى تعاملهم جدا ممتاز وخاصة سكينه تساعدك بالي تقدر عليه عبد الرحيم ماتعاملت معه بس في التشيك اوات كان تعامله جيد معي للأمانه مع انه هالشخص الجميع يكرهه البار والمطعم ماتعاملت معهم ولا طلبت منهم الغسيل والشغاله يعني كويسين بس يتاخرون شوي وتقيمي للموظفين الي تعاملت معهم 8 من 10 المطربين والدي جي الي عند المسبح .. سميتهم المرتزقه قمه في الانحطاط والشحاذه ومن اسوء الاشخاص صراحة اعطيهم زيرو من 10 السيكوريتي .. للأمانه الي تعاملت معهم ممتازين جدا ولا يطلبون ابدا شيء تعاملهم معي كان كويس وخاصة واحد اسمه مهدي من كازا جدا ممتاز واي شيء ابيه كان مايقصر معي ايضا واحد اسمه عصام جيد سهوله بالدخول والخروج ولا احد يفتح فمه البقيه لك عليهم أعطيهم 9 من 10 صراحة المنتجع بصفه عامه من ناحية الحريه أعطيه .. 100 من 10 بعد مو 10 من 10 حريه فظيعه جدا تاخذ راحتك ع الأخر ولا احد يقولك شيء السماعات ع اخر صوت ماحد يقولك شيء تروح تجي تتمشى تلف يمين يسار حريه فظيعه واشياء صارت قدامي ماكنت اتوقع بتصير ومع ذلك الوضع جدا عادي وممتاز للآخر من ناحية النظافه والاثاث والحدائق والمسبح والمرافق : للأمانه النظافه مش ولا بد يعني سيئه والمنتجع اصلا قديم والاثاث قديم ومافيه اهتمام بالتشجير يحتاج للإهتمام بالنظافه أكثر وتجديد المنتجع ومرافقه بصفه عامه اعطيه 5من 10 طبعا ماحصلي مشاكل في المنتجع ولله الحمد المشكله الوحيده الي صارت علي يوم الخروج انفجرت الحنفيه الي بالمطبخ وغرقت الشقه علينا كلمنا الرسيبشن وارسلو لنا الصيانه وارسلو لنا وحده عجوز تبع التشيك اوت هي باين عليها ثقيلة دم فهمناهم انه مالنا علاقه بالموووضع وانفجرت وحنا نائمين تفهمو الوضع ومشت الامور ولا دفعت درهم واحد طبعا الواحد نصيحه لا يحجز عن طريق سمسار كويتين قابلتهم مره وانا داخل مسوين قلق حجزو عن طريق سمسار ونصب عليهم واخذ العربون وسحب عليهم وخذ لك صياح وقلق ايضا نصيحه لا احد يسهر بالديسكو الفاشل الي عندهم اذا ناوي تسهر روح اسهر لك في ديسكو وياكثر ديسكوات مراكش او اسهر بفيلتك لانه باختصار مصخره وفاشل والله وبتضيع يوم على الفاضي طبعا انا يوميا لازم اسهر بديسكو من 12 الى 5 الفجر لاني بطــفش بالفيلا واذا رجعت كملت بالفيلا ايضا لا ينصح بالسباحه في المسبح لانه مش نظيف انا نزلت سبحت فيه وندممت جتني حساسيه واذا ناوي تنزل تسبح البس نظاره عيونك بتروح فيها المطعم والبار ترى الاسعار دبل عاد انت ومزاجك تبي تطلب بالعافيه ع قلبك ماتبي ايضا بالعافيه ياعيوني .. ختاما اي سؤال انا حاضر وخدام المزاعيط انا .......... سلام

الحب الخالد

مزعوط نشيط

المشاركات: 53

تاريخ التسجيل: Mar 2012

2016-04-17, 09:27 PM

المشاركه #1

يعطيك العافيه .. تقريرك جداً وافي

رجعت من المغرب وهذه تجربتي بالروز قـــاردن

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الانتقال السريع

المواضيع المتشابهه للموضوع: رجعت من المغرب وهذه تجربتي بالروز قـــاردن
الموضوع	آخر مشاركة
رجعت من المغرب وشكرخاص	2021-02-01 02:32 PM
تجربتي بالسكن بالروز قاردن لا اكتوبر ٢٠١٦	2016-11-22 11:18 AM
تاريخ 12/1 رجعت من المغرب	2016-01-25 03:42 PM
رجعت من المغرب وشكرخاص لااهنجارخليجي	2012-07-15 02:22 AM
بي ن ليلة وضحاها....رجعت من المغرب	2011-06-05 06:55 AM

الساعة الآن 06:06 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

رجعت من المغرب وهذه تجربتي بالروز قـــاردن

روابط سريعه