تجربتي بالسكن في كازا

السلام عليكم ورحمة الله وبركاته
في هذا الموضوع بحكي عن تجربتي بالسكن في كازا حيث أن رحلتي مقسمه بين مراكش وكازا ، مراكش تكلمت عنها في يومياتي بالموضوع الاول .

بالنسبه لكازا :
صراحه ماتوقعت اني ارجع لكازا بعد مادخلت مراكش ودايم مراكش اخطط اني اجلس فيها مده واروح اغادير لكن ماقدرت والسبب معروف للمزاعيط ، مراكش سهر في سهر والوقت ضيق جدا ماتحس فيه وتسرقك الايام ، لكن هالمره قررت اكسر القاعده وفعلا بعد 7 ايام سهر يومياً وصرف كبير يكفيني شهر في مدينه ثانيه قررت اروح لكازا .
صحيت من النوم الساعه 1 وكلمت كمال الي اعلانه موجود بالمنتدى وقلت له الله يعافيك انا من منتدى المزاعيط والاستاذ عمر الفاسي موصي عليكم عندكم سكن امشي من مراكش والا ابلط فيها ، قال تعال سيدي تعال وعمر الفاسي استاذنا ، قلت مافيه كلام ثاني عندكم سكن جاهز اشيل عفشي وامشي والا ماعندكم ؟؟
قال كاين ياصاحبي كاين ، قلت اجل انتظرني من ساعتين ونصف الى ثلاث وخلال ربع ساعه الله يعافيك ارسل لي اللوكيشن ديال الشقة عشان امشي عليه قال واخا ، شحال التمن قال غرفتين ١٢٠٠ قلت انا بوحدي باخذها ب 800 قال عشان عمر الفاسي خذها ب 1000 قلت بشرط النظرة الشرعيه ومع الشغالة قال اوك.
كان السايق ذاك اليوم نايم عندي بالشقة صحيته وكلمت يوسف وانا في بابليون وقلت تشك اوت حبيبي قال باقي لك اربع ايام تضحك علينا انت ؟؟!!
قلت جهز الجواز وشف كم باقي لكم فلوس وانا جايك ، رحت له وكان زعلان قلت ياحبيبي تراني دافع لك اكثر من 17000 درهم ومليت خلاص هو موب زواج نصراني ، عطني جوازي خل امشي لكازا ، قال باقي 2300 حقة صاحبك قلت خذ الفيزا واسحب حقك ، طلع الرجال من حالة الزعل وقال تراك قايل بتجلس عشر ايام عشان كذا عطيناك شقة زوينه قلت مافي مشكل تراجعت عن كلامي وحقكم عندكم وحقي عندي ، ودعتهم واخذنا قهوه كحله من المحطه ومسكنا طريق كازا على الساعه 2 الظهر تقريبا وانتظرت يرسل علي كمال اللوكيشن ماارسل ، كلمته وقال فيه وحده مرسلها تروح للشقه وتبعث لك الموقع من هناك انتظرها قلت واخا .
دخلنا كازا ومشينا مع الموقع الا وصلنا عند برج كنزي ؟؟ كلمتها طلعت وحده اسمها صوفيا عن طريق كمال قالت خليك عند البرج وانا جايتك ، فعلا جاتني ومشينا للشقة كانت بالزرقطوني بشارع سقراط ، وكانت حلوه ونظيفة وهادية والسكان على كلامها مغاربه ، كانت غرفتين وصاله ومطبخ ودورتين مياه اعزكم الله وتوها مشطبة حتى الغرفة الثانيه مااكتمل تأثيثها ولا كنت بحاجتها اصلا لكن غرفة النوم دققت فيها مريحه ولاتطل على شارع عمومي مزعج وهذا الي يهمني .
قلت لصوفيا وين الشغالة قالت اذا قررت تأجر اروح اجيبها دابا وفعلا سكنت وراحت جابت الشغالة وكانت صوفيا خدومه و بقمة الاحترام والذوق ونزلت اغراضي واخذت شاور وبدلت ملابسي وخرجت لعين دياب .
الاكيد بعد يومين كلمتني وقالت تراك مادفعت الاجار هههههههههه
الصراحه كنت ناسي وقلت لها تراني متفاهم مع كمال ادفعها بالفيزا قالت مافي مشكله رجعت وكلمتني مره ثانيه وقالت ببحث عن حد يسحب الاجار بالفيزا المسكينه ماحصلت ، رجعت وكلمتها قبل آخر يوم لأني عرفت انها ماقدرت وقلت فيه واحد صاحبي شغال بفندق بكلمه يسحبها وبياخذ عموله 400 درهم على حسابكم ههههههه تفاجأت لكن الصراحه بسبب تعاملهم الراقي كنت امزح معاها ولانويت اخذ منها شي .
المهم انا كنت اغلب وقتي برا الشقه اصحى من النوم الظهر واطلع للتمشيه والهجوله مابين عين دياب ومروكو مول وطماريس والمحمديه وارجع المغرب اخذ قيلوله لمدة ساعه الى ساعتين :) وابدأ بفترة السهر :)

الملاحظات :
لاتنخدعون بشي اسمه امان ، كل شقة بالمغرب تعتبر امان بشرط عدم ازعاج الجيران ، محد راح يدق عليكم الباب انت وطيرك بدون سبب ، لان الحياه مشتركه رجل وامرأه ومحد راح يدقق من الي معاك بالطلعه والدخله لكن مع الازعاج تبدأ العيون والتساؤلات تتجه لكم .
اذا انت راعي سهر وفله بالشقه فهي ماتصلح لك نهائياً لان جنبك جيران وعوائل وراهم دوامات ومدارس وشغل ، واذا انت راعي سهرات برا وترجع تسمع موسيقى على قدك وتنام فهي رااااايقه ونظيفة ، وتصلح للواحد اكثر من الاثنين .

تحياتي للجميع .

__________________

الحياة ليست عدو لنا بل صديق مشاكس

يعطيك العافية حبيبي المشكلة كازا ياخي زحمتها مدري اشلون تحس انك في الرياض ولا في الدمام و غير كذا مثل ما قلت مرراكش ياخي ما تخليك تطلع منها انا نفسي اروح طنجة اغير و كل سفره اقول السفره اللي بعدها لكن بعد هالسفره ان شالله لازم من التغير طنجة و كم يوم كازا و مراكش اذا رحتها ما خرجت منها..

كازا تفريبا ما اطول فيها بالكثير يوم..

بس كيف وضع كازا بما انك تعمقت فيها الصرف فيها اقل من مراكش ولا نفس الشيء و السهرات كيف الوضع فيها

ويعطيك العافية مره ثانيه على التقرير

الله يعافيك حبيبنا :
بالنسبه للصرف اقل من مراكش بنسبه قليله، مراكش مدينة سياحية وكل شي فيها غالي ، لكن ميزة كازا هو البحر وانا من الناس الي مااستغني عن البحر اذا سافرت ادور اي مدينة ساحليه.
بالنسبه للسهرات موب مثل صخب مراكش واغادير رغم اني ماسهرت بالكباريهات الا ليله وحده لكن كنت اجيها واعرف ناس يسهروا فيها باقي الوقت بالليل مطاعم وكافيهات وشيشه لحد الساعه 1 الى 2 وارجع للدار .
فيه كذا مطعم لبناني وشيشه بعين دياب كل ليله اجيهم مقابله لفندق فال دنفا بعين دياب.

__________________

الحياة ليست عدو لنا بل صديق مشاكس

تقرير رائع كازا يبي لها زيارة.. والسفر لحالك احيانا له طعم اخر

جربت لحالي ومع شباب ، ماانبسطت كثر ماانبسط وانا لحالي وبالمغرب بالذات ، لكن غير المغرب مستحيل اروح لحالي .

__________________

الحياة ليست عدو لنا بل صديق مشاكس

شرح مفصل وجميل

مامريت الـ VIP ؟


يازينه ويازين ايامه وسهراته وطيوره

فهد الروقي حمسنا زيادة

الله يسهلها وقريباً نكون هناك
ان شاء الله

يارجال
المنتدى يخلي الواحد وده يسحب على الدوام ويمشي ثاني يوم
التقارير تعيشك الجو وتجدد جروحك
اسماء الشوارع والاماكن
والمطاعم والكافيهات
كلها ذكريات
مدري كيف صبرت عنها ٣ سنوات
ولو ماطحت في المنتدى كان اقدر اصبر باقي العمر وناسيها

لكن الله يسهل الاجازه والميزانيه

تقرير جميل
وكازا حلوه لمن يعرفها
بالنسبه لي لي اكثر من 3 سنوات
مارحت مراكش كلها بكازا

__________________
رحم الله ابي 0000واسكنه الفردوس الاعلى