تقرير شامل لرحلتي لأغادير ومراكش 7 - 29 ابريل 2016

عبودي $ · 2016-04-30T23:42:52+00:00

السلام عليكم .. مساء الخير موعد الرحلة 7 أبريل 2016 .. العودة 22 أبريل 2016 الخطوط/ طيران الإتحاد سعر التذكرة (2900) ريال خط سير الإجازة ( أغادير 5 أيام - مراكش الباقي ) الإقلاع الخميس 7 ابريل .. الوصول لأغادير الجمعة 8 ابريل الساعة 8 صباحاً .. ------------------------- وصلنا مطار كازا يوم الجمعة الساعة 6 الصباح وكنّا نايمين من أول ما اقلعنا من أبوظبي صحينا يوم وصلنا كازا رحنا للرحلات الداخلية واقلعنا من كازا لأغادير وبرضو أخذنا قيلولة ساعة وربع تقريباً .. وصلنا لأغادير الساعة 8 الصباح واتجهنا على السكن دايركت وصلنا للمارينا الساعة 9 تقريباً والحجز كان مُسبق عن طريق مكتب المؤيد بـ2200 درهم الليلة وبيني وبينكم ندمت اني حجزت عن طريقه ليتني حاجز هناك لأن السعر من الرسبشن أرخص بـ1657 درهم الليلة .. الزبدة دخلنا الشقة غرفتين وصالة وكانت نظيفة ومرتبه ومطلة على البحر وسكاي بيني وبينه 10 خطوات شيء نظييييييف .. طلعنا لزهرة لبنان أكلما ورجعنا نريّح لين العصر .. ومن بعد العشاء بدأ الذئاب بالبحث عن الفريسة .. طلعنا الخيمة جلسنا لين 1 صيدوا العيال طبعاً انا لا (لسبب ما ابي اقوله) رحنا سكاي طقطقنا فيه لين الساعة 3 رجعنا للشقة ورتبوا العيال وضعهم وطلعنا على اتلانتك ( أزبل ديسكو دخلته بأغادير ) قريقوس مافيه الشيشة من القهر يخليك تشوف الجمر كيف يصير رماااااد وتتمنى انه يمر من عندك .. والأدهى والأمرّ (3) مضاربات على البيست خلال ساعة بالضبط وربي ساعة بس .. اول مضاربة كويتي ومغربي البيست كان فاضي وكلنا نشوف والأغنية كانت اوف ياحظنك حبيبي هههههههههههه واللي فكهم الناس والا البوديقارديه ابو كلب .. ثاني مضاربة نفس المغربي الأول ومغاربة [emoji23][emoji23] وبرضو الناس اللي فكوهم هههههههههه انا جالس اطقطق واتفرج وآكل مكسرات [emoji23] .. ثالث مضاربة كويتيين ومغاربه وهاتك ياتكسير وقطعوا الديجيه ومافيه الا قوة قصف عشوائي للبطول ههههههههههههههه وازبن ماتزبن ههههههههههه الله يلعنهم أركض وبطني يخضخض من المكسرات [emoji23][emoji23][emoji23][emoji23] المهم طلعنا وهي الطلعه الأبديه .. رحنا للشقة وكملنا .. أماكن الأكل/ ( باستا - قلعة المؤيد - مقلوبة اسماعيل - زهرة لبنان ) أماكن السهر/ ( الخيمة - سكاي - شهرزاد - الكازار - العنبرية مرة وحدة ) آخر يوم طلعنا مراكش الساعة 4 العصر بالسيارة إستأجرنا رنج لمدة 4 ساعات بـ1600 درهم والتسليم بمراكش .. طلعنا عددنا اربعة وماخذينها تمشيه ونطقطق بالسيارة وصلنا مراكش الساعة 6:15 سلمنا السيارة على اساس نرتاح منها وركبنا تاكسي وهنا المصيبة هههههههههه رحنا الدرقاوي قال مافيه حجز فل .. رحنا كل مكان وربي بدون مبالغة مافيه شيء [emoji22][emoji22][emoji22] التاكسي قفلت معه قال انا ابي اروح لعيالي [emoji23][emoji23][emoji23] كلمت واحد سمسار مالقيت سكن ابداً المهم جاني وطلعنا معه لقينا شقة وحدة بس غرفتين وصالة بالنخيل ثلاثة هههههههههههه أخذناها الساعة 11 بالليل ونمنا من التعب ... يووووم صحينا الظهر بدينا نفكر وش الحل المهم جلسنا على هذا الحال 3 ايام كل يوم اروح للدرقاوي مافيه سكن قالوا العيال ضروووووري نرجع اغادير لأن مراكش كانت ملياااااااانه ويوم سألنا وش السبب طلعوا العالم حاجزين بشهر ابريل لأن الخطوط مسويه عرض رخيصصص وكل شيء غاااااالي لدرجة وصل سعر الطاولة المخيسه بكاش ودبليو 5000 درهم عرفنا ان الهجره لأغادير فعلاً لابد منها ونفس الحركة اخذنا الرنج ورجعنا .. اول ماوصلنا للمارينا وهي مليانه لقينا 4 شقق كل واحد لحاله لكن شقتي كانت الأكبر لأنها جايه زاوية مدري كيف المهم السهر صار عندي [emoji48] وكانت احلى بكثيررر من غرفتين وصالة كنّا ماخذين راحتنا على الآخر ونتقابل بالبلكونه هههههههههههه عشان ما اعيد كان نفس الروتين لكن نزلنا للبحر وجت سكي مع الطيور فعلاً كنّا ماخذين راحتنا بدون مشاكل الى آخر يوم طلعنا من اغادير لكازا ومن كازا لأبوظبي وفاتتنا رحلة ابوظبي الرياض [emoji24][emoji23][emoji23] هنا الفلم [emoji23][emoji23][emoji23] طلعنا من ابوظبي قلنا نريح بدبي يومين .. يوم وصلنا دبي سكنّا بفندق هيلتون بالجي بي آر .. كنا مرهقين بشكل فظيعععععع نمت ساعتين بالضبط وصحيت نشيط وابي اطلع والعيال نايمين طلعت لحالي وألقى مغربية كانت معنا بالطيارة وحنا راجعين وما أخفيكم كانت بالمقعد اللي جنبي وكنا نتحاور ونتناقش بأوضاع الأمة العربية [emoji12] يوم شفتها قلت الله جابك قالت وش فيك قلت لها مصحصح والعيال نايمين وطلعت انا وياها نتغدى بعدها رحت احلق وبودي كير ودلع وهي معي مجرجرها مسكينه من شارع لشارع [emoji23][emoji23] وصلت الفندق العيال صاحين قالوا بنطلع نتمشى ونسهر ونحجز عودة لبكرة وفعلاً حجزنا لكن هم للرياض وأنا لكازا مره ثانية هههههههههههههههه جاني شعور ان ناقصني بس 5 ايام .. اقلعت من دبي الأحد الساعة 7 ص وصلت اغادير 4 العصر وعلى طول على سكاي منقطع قلبي ابي اشوف مباراة الهلال وليتني ماشفتها سكاي خربانه شاشتهم مدري ايش والهلال انهزم [emoji24][emoji24] طبعاً ماحجزت ولاشيء وجالس افكر وين اسكن قررت اجرب صحارى ورحت لهم وأخذت غرفة مطله على المسبح والخيمة [emoji48] سعر الليلة (1400) درهم .. بس كانت اغادير مررررره زحمة وخليجيين كثير وماكذب اللي قال لحالك لاتروح الا لأغادير مع اني ما احب ادخل مع احد نهائياً الا اني حسيت كأني مع العيال .. ورجعت للرياض يوم الجمعة 29 ابريل صارت احداث بمراكش كثيرررر لكن انا من النوع اللي يمل من الكتابة وأي استفسار تحت امركم

باشتان

مزعوط برونزي

المشاركات: 532

تاريخ التسجيل: Jan 2013

2016-05-01, 10:19 AM

المشاركه #8

هلا عبودي والحمد لله على السلامه

ومشكور على التقرير ، وتفاجات من سعر المارينا انه ارخص من المؤيد
لان ادارة المارينا ما لهم خاتمه في الاسعار
وبالنسبة لمراكش غريبه فعلا انها فل من ناحية السكن
وافضل شي رجعتكم لاكادير وفعلاً المكان اللي ترتاح فيه افضل من غيره
لكن قصة رجعتك حكايه ههههههههههههههه حسيت ان باقي رصيد
في اجازتك ،، ولجل عين تكر مدينه

__________________
أسافر عنه من ديره لديره
عساي اسلاه لكن ما حصلي

أهوجس فيه وأنسى إني نسيته
وأفكر في ليالي(ن) قد مضن لي

المواضيع المتشابهه للموضوع: تقرير شامل لرحلتي لأغادير ومراكش 7 - 29 ابريل 2016
الموضوع	آخر مشاركة
بث حي ومباشر لرحلتي لأغادير .. وكأنك معي في الرحله :)	2016-10-15 11:24 PM
المختصر المفيد لرحلتي في كازا ومراكش (اسعار واماكن )	2016-10-10 12:03 AM
مسافر الجمعة 15 ابريل 2016	2016-04-30 10:31 PM
مسافر لأغادير ومراكش .. لمدة 10 ايام ابي فزعة اهل الخبره	2015-02-23 04:34 PM
تقرير مبسط لرحلتي ما بين مراكش واقادير.	2012-06-11 01:45 AM