ميزانيه للمغرب ؟

خويك الجديد
دام راعي اندونسيا راح تفلها بالمغرب
بالنسبه للمقارنه بدبي وصرفها بصراحه في دبي تصرف 3 الاف كل شخص
بدون فايده صحيح دبي مجمع اعمال تجاريه وموفره اجواء لرواد الاعمال
لكن مدينه غاليه جدا واجواء صيفيه ورطوبه لكن كل مكان فيها عليه ضريبه عاليه وليست للاستجمام
اما المغرب بلد من ارخص البلدان ويتميز بطبيعه واجواء حلوه سواء كنت في مدينه
او على الساحل او قريه كل مكان له طبيعته فيها تطور ورقي وطبيعه ساحره وكل شي طازج
والاهم ان اللغه وحده وطرق التفاهم بسيطه نرجع للمهم
بالنسبه لما اراه من تجارب لي سابقه راح اطرح عليك طريقة معينه في الحسبه
وللمعلوميه الاغلب الهدف من السفر الانبساط وعدم احرام النفس من شي
وعدم اضاعة وقتك
وبالنسبه لخويك الجديد انا اقول لكم رحله فل كامل شامله راح يكون بمبلغ
6000 ريال سعودي لليوم سواء كنتم اثنين او ثلاثه او اربعه فهي شامله
فهي تكفي اثنين وتتحمل اربعه فحاول تكونون اربعه اشخاص افضل لكم
لا احد يقول اخصم حق اثنين لا هي مدفوعه فتتحمل 4
واذا حاب زيادة معلومات وحسبه لك اتفضل راسلني وراح اعطيك التفاصيل

بالنسبه للي يقول يتعرضونك الدرك عمري ما وقفني دركي او طلب مني شي
امشي في المغرب محد يمي ولا احد يستنكر وجودك مثل بعض الدول مثل مصر
ديره تدور فيها سعت الخاطر تلقاها تدور مشاكل تلقاها
اهم شي ركز على خوياك يكونون رجال بالسفر لانه بصدق يبين الصديق بالسفر
واللي تشوف يزعجك حاول تصرفه لانه بيكون عاله عليك
وانصح السفر درجه اولى
تمنياتي لكم بسفره سعيده

عبودي انا على نظامك القديم هههههه
علمنا الخلطه الجديده علما اني اروح لمرجانا وكفالي وكاش والطقه ذي

اي وفد اللي بيروح طنجة في العيد..
فيه قمة ولا ايش ؟

ابوفهد الله يحفظه بيروح لطنجه ثاني العيد
يعني لا احد يفكر يروح لطنجه خذوها من قاصرها

انا من واقع تجربه اشوف طنجه ارخص بكثير من مراكش واغادير من كل النواحي بالنسبه للسكن والسهر وخلافه مع انه خيارات السهر حاليا في طنجه محدوده جدا مو مثل قبل فتره بعد ما شالوا كل السهرات اللي علي البحر اما باقي الامور رخيصه

انا كنت العام الماضي بطنجه وقت كان ابو فهد فيها والوفد معه
الوفد تقريبا ٢٠٠ شخص ولكن ماشفنا لهم اثر وماسببوا اي زحمه
وبالنسبه لطنجه اشوفها ارخص من مراكش من ناحية السهر والسكن والمعيشه ولكن الاماكن السياحيه داخل المدينه محدوده وراح تحس ان الروتين متكرر لدرجة اني مترتها تمتير ب ٣ ايام عموما اشوف ان اسبوعين بطنجه واجد واجد كرر خمس مرات واجد هههه
بالنسبه للميزانيه عادة تكون معي والشباب متوكلين على الله ثم على حسبتي للسكن والمواصلات والمعيشه والسهر
اشوف ان ١٠ الاف للشخص كافيه في حال تم التصرف بشكل صحيح لاني مثل وضعك لدرجة ان مره سافرنا ٦ اشخاص وكانت الميزانيه ٦٠ الف ريال وكفتنا
متى ماقللت من السهر خارج السكن فأنت وفرت ٢٠٠٠ او ٣٠٠٠ درهم تضاف لميزانية اليوم الثاني وعلى هالحال
واي استفسار حاظرين طال عمرك

ابو فهد الله يحفظه ويطول بعمره متى بيغادر طنجة ؟؟

متى ماخلصت دراهم القطة

السلام عليكم مساء الخير يا شباب ابغئ منكم خدمه تكفون ابغئ مكتب الخطوط المغربيه في الرياض عند خويي تذكره مجانيه وبيتقبلها لي وقالوا المكتب مقفل اللي في الرياض نريد وضع التذكره باسمي وين اروح مكتب المغربية في مطار الرياض او نراجع مكتب الخطوط المغربيه في جده افيدونا والسفر قريب

ارسلته لك بالموضوع الثاني عجزت وانا اطاردك بالمواضيع

__________________

الحياة ليست عدو لنا بل صديق مشاكس