اقتباس:
المشاركة الأصلية كتبت بواسطة العلوي
السلام عليكم ورحمة الله وبركاته اسعد الله أوقاتكم بكل خير
ورمضان كريم وكل عام وانتم بخير
انا باذن الله طائر للمغرب ثالث العيد وبنحجز اليوم ان شاء الله
اول سوال يالمزاعيط بروح على القطريه بحكم انها القصيم قطر انتظار ثلاث ساعات
وايش رأيكم فيها وثاني شي انتم خوفوتنا بالسكن وش تشيرون علينا بسكن لعدد 2 وتكون ممتازه
وأفضل صراف للعلم رحلتي لمراكش 9 ايام والميزانيه مفتوحه والنهايه ..
تقبلو تحياتي ومشكورين على جهودكم لا عدمناكم ..
وعليكم السلام
حقيقة انا من الناس اللي اكرة كثرة المشاوير الجوية هههههه
احجز على جدة ثم كازا وش لك بالمشاوير اللي تاخذ وقتك تروح قطر ثم ترجع غرب الكرة الارضية احسة مشوار هههههه
الا اذا عرض مغري ممكن مجرد رأي ياصاحبي
بالنسبة للسكن انا شخصيا لو طالع 3 العيد اخذ النخيل الدرقاوي لاسباب كثيرة تعجبني منها الامان والخدمات واخذ راحتي
وبالنسبة للصرف من نفس صراف الدرقاوي عندة محلين صرافة داخل المجمع واحيان اصرف من ساحة الفناء اذا طلعت اتمشى
ورحلة موفقة