مع احترامي لك اللي حاط ميزانية 20 ألف دولار اي مايعادل 75000 ألف ريال بيفكر بالرسوم اللي بياخذها البنك؟!!

ونفس الشخص اللي حاط مثل هذي الميزانية على 20 يوم هل ظنك بيسأل كم الصرف اليومي؟!!!


هي وحده من ثنتين يا انك تسمع بالدولار او انك أول مره تسافر .. منطقياً ردودك تناقض طلبك

خلي فلوسك بالريال لأن الريال مرغوب مطلوب
المبلغ كبير جدا وربما يسبب لك مشاكل وتفتح العين عليك
وزع مبلغك على كردت كارد وبطاقات صراف
اصرف الريال من مطار كازا من بعد الجمرك تجد بنوك كثيرة واسعارها واضحة ولا ما نع انك تودع جزء من المبلغ بحساب فلوسي
سجل مبلغك خاصة اذا كان كبير واحتفظ بالايصال كي تتمكن من الخروج بالباقي
استاجر سيارة معقولة لأن كل مستوى له ضريبة من الدرك

ماتبي لك خوي يونسك ويعلمك في السوالف الزين
٢٠الف دورلا تطمعه انتبه بس لاحد يغتالك خذ لك بالكثير ١٠الف دورلا وكثيره بعد واول ماتدخل المطار افتح حساب في بنك وفاء كاش وحول العمله وحطها بحسابك البنك ٢٤ساعه فاتح وخل معاك تقريبا ١٠درهم مغربي يكفي واذا احتجت عندك الصرافه

عفوا ١٠الف درهم خل معاك

اخوي عبودي والله اعتقد موضوعي واضح للي يفهم ،،
وعلى فكره مافي موضوعي استشاره من حضرتك اخذ كم من المبلغ معي ،
ومحد طلب منك شخصياً انقاد او تأييد ، فلو اكتفيت بالنظر يمكن يكون اصرف لك ولي ،
وكل انسان يناظر بالناس بعين طبعه
وللمعلوميه اي واحد بيطلع بمبلغ معين سواء كثير او قليل يحاول قدر المستطاع انه ينبسط من غير ما يكثر الصرفيه لايستفيد منها في اشياء اخرى

وفي الاخر شكراً لك

اخوي الساطع والبرنس لكم من جزيل الشكر والعرفان على المعلومات الي قدمتوها لي
وبيض الله وجيهكم

المبلغ ممتاز والديره غاليه انا جلست 22 يوم وصرفت 15 الف ريال ويادوب كفت

انا طبعا اسهر مرتين يعني افتح طاولتين كل ليله مصاريف يوميه من اكل وتمشيه ومقاهي ب 1500 درهم تقريبا بدون اجار سياره ونادرا ماصيد بتقولي كيف صرفتها الله اعلم عقلي معاي لكن فلوسهم والله ماتجلس طبعا من غير حساب السكن

اذا انت 20 الف دولار مع حساب السكن يادوب تكفيك الا اذا اذا ماكنت راعي سهر وفله هنا يختلف

اوك حبيبنا الكاش .. بأرد عليك بنفس أسلوبك [emoji122]

تحتاج أولاً للتعبير بشكل جيد عشان نفهمك .. اشرح لي ( وعلى فكره مافي موضوعي استشاره .... الخ )

لأن موضوعك واضح للي يفهم !!!

بالنسبة لإنتقادي ورأيي من ابسط حقوقي اني أشارك بأي موضوع لأن المنتدى هذا نظامه المواضيع للجميع ..

بالنسبة لرأيي انا كتبته فيما يخص المبلغ اللي جالس تهايط فيه والطلبات اللي انت كاتبها .. واعيد اكتبها اللي معه 75000 ريال مهوب اكبر همّه 20 مدري 30 ريال يخصمها البنك!!! واللي معه نفس المبلغ هذا مايقول احسبوا لي يوميتي!!!


وبالله كيف اناظرك بعين طبعي؟!! كل اللي بالمنتدى يعرفون ان خلال السنة هذي بس رحت للمغرب 5 مرات ولاجيت اهايط عليهم ان معي 20 ألف دولار !!!

واتمنى انك تقرأ آخر جزئية بالرد اللي انت كاتبه تراه مناقض تماماً لموضوعك اللي انت كاتب .. لازلت تتخبط ولا تدري وش تكتب اوزن امورك ورد بدون ماتناقض عمرك [emoji16]


تحياتي واشواقي [emoji111]️

لااااااااااا وووووووووووويييييييين اما المغرب 20 يوم بعشرين الف دولار يعني دبي ارخص منها؟؟؟؟؟؟

يعني معدل اليوم 3750 ريال

الف دولار يوم كنت مبتعث كانت تمشيني ١٢ يوم هذا وانا بامريكا يعني معقوله المغرب اغلى

مافهمت لو سمحتو احد يشرح

ولاتزعل مني ياصاحب الموضوع الرجال أغلب كلامه فيه نوع من الصحه

لاكن ما اتفق معك عبودي بمصطلح هياط الرجال زايده فلوسه ومايدري وين يصرفها خله بكيفه على ماقالو ارزاق ناس على ظهور ناس