انا : اهلين مروى .. ايش تشربي
مروى : عصير افوكا

طلبنا من النادل احضار افوكا و ماء و كولا

انا : ليه فكرتك عن الخليجيين كذا
مروى : من اللي نسمعه و نشوفه
انا : مو كل ما يقال صحيح و كمان اللي نشوفه جزء من الحقيقه
مروى : ممكن .. تفضل قول اللي عندك
انا : باختصار .. الواحد بس يشوف وحده بنص جمالك ممكن يحارب الدنيا كلها .. فكيف بجمالك

مروى حاولت ان تتكلم ففهمت ماذا كان سيكون تعليقها فطلبت منها ان اكمل فـ قبلت

انا : و بعد الجمال يبدء يفكر في فكرها و اسلوبها و تعاملها و هذه الخطوه اللي بسببها طلبت منك نتقابل
مروى : كويس كلامك للان .. لكن تاكد اني مو من البنات اياهم
انا : قصدك بنات الليل
مروى : اه
انا : شوفي مروى ما راح اكلمك عن نفسي ابد مع الوقت بتعرفي
مروى : تلمح نكرر خروجنا
انا : اي و بالشروط اللي تحبيها
مروى : بقول لك شي واحد بس
انا : تفضلي
مروى : لو حسيت انك بتلعب معايا ما جيت من البدايه
انا مبتسم : اجمل عباره تقوليها تشرح صدري للان
مروى : تكلمت مع صديقتي عنك اللي بالمرجان و قالت واضح انه معجب فيك و لو ما حسيت مثلها انك صادق ما قابلتك
انا مبتسم : ثاني عباره منك تسعدني
مروى : انا كنت مخطوبه لمغربي و جرحني جرح كبير
انا : كلنا انجرحنا و المفروض الجرح يكون نقطة تحول في حياتنا
مروى : ممكن تشرح
انا : اي موقف سيء في حياتنا لازم نستفيد منه لجل لا نكرره
مروى : يعني افهم ممكن انك تكون اسوء من خطيبي السابق
انا : اقصد انك تتلافي الاخطاء اللي معاه لجل تبدئي صح
مروى : افهم من انك انجرحت مثلي
انا : اكيد
مروى : اقدر اعرف
انا : ما ابي اعكر مزاجك .. و اللي يهم نفهم بعض اكثر
مروى : اقدر اسالك اساله بـ شكل عام
انا : تفضلي
مروى : ايش نظرتك لي بعد ما قابلتك
انا : الصداقـه موجوده و اعترف فيها و مستحيل تبدء صداقـه بدون بدايه لتعارف و هذا اللي سويتيه انتي
مروى : افهم منك انو ما تعتبرني سيئـه
انا : ابــداً
مروى : نظرتك لـ البنت المغربيه
انا : رقـه ـ مشاعر ـ حنان ـ احترام ـ عطف ـ وفاء ـ صدق ـ ثقافـه
مروى : ما تعتبرها جسد
انا : ممكن اكون قليل ادب معاك شوي
مروى : طبعاً لا
انا : لجل اوصل لك فكره
مروى : تفضل لكن احشم
انا : الرجل خلال يومه مع زوجته نفرض كيف يقضيه
مروى : قول انت
انا : اليوم 24 ساعه ممكن الرجل ما يستغل زوجته جسدياً الا ساعه وحده باليوم و ممكن يمر اكثر من يوم بدون ذالك .. صح ؟
مروى : اه .. كمل
انا : لكن بيقضي 7 ساعات غالباً معاها يحاورها ــ يناقشها ــ يشكي همه ــ يحتاج تحتويه و يحتويها ــ و هذا كله اهم من الساعه و اكثر من الوقت اللي يقضيه بغرفة النوم
مروى : قصدك ان يهمك عقلها و ثقافتها بدون جمالها وجسدها
انا : عرفتي نصف كلامي
مروى : و ايش النصف الباقي اللي ما فهمته
انا : اكذب عليك لو قلت ان الجمال و الجسد ما يهم لكن فيه امور تبقى و الجمال و الرغبه تخف مع الزمن .. لكن الحاجه لـ شخص يفهمني لا يمكن تنتهي
مروى : اقول لك شي و ما تفهمني غلط
انا : تفضلي
مروى : متاكد انك سعودي
انا : تاكدي ان كثير سعوديين افضل مني و انا اقلهم
مروى : اتمنى ما يكون مجرد كلام
انا : قلت لك الوقت كفيل تعرفيني من خلاله و التزييف بينكشف مع الوقت
مروى : عندك الحق
انا : جميله و فكرك واعي و هذا اللي احتاجه
مروى : و انا انصدمت بـ شخصيتك
انا : اتمنى صدمه ايجابيه
مروى : تاكد انك غيرت جزء من نظرتي لسعوديين
انا : بالسرعه ذي
مروى : البدايـه تبشر بخير .. و قلت لك صديقتي طمنتني انك كويس
انا : ذكريني اجيب لها هديه
مروى مبتسمه : لها هي ؟
انا : اي لانها اقنعتك تقابليني
مروى : و انا حسيتك ثقه
انا : اجل هديه كمان لك .. هي ورده بيضاء و انتي صفراء
مروى : تعرف معاني الورود و الوانها
انا : اكيد و لجل كذا اعطيتها بيضاء
مروى : افهم انك تغار عليا
انا : طبعنا كـ رجال عرب الغيره موجوده
مروى : اول مره اعرف ان الرجال يفرقو بين الورود
انا : عشقي الروز .. و التوليب
مروى : انا احب الروز

اتصال من ياسمين اجبت عليه مباشره

انا : اهلا اهلا
ياسمين : وينك صحيت و لقيت الورقـه
انا : خرجت اغير جو برجع لك
ياسمين : لا انا خارجه اذا بتجي كلمني احجز لك طاوله
انا : ما اعرف اشوف البقيه
ياسمين : اوك .. انا بكلمك ع 9
انا : اوك

انهيت المكالمه و عدت لـ مروى ..

انا : اعتذر اني رديت ع الجوال
مروى : لا عادي
انا : تعرفي اني ثلاث مرات اجي لجل اشوفك
مروى : اللي اعرفها مره وحده
انا : لانك مو حاسه بـ اللي حاس فيه
مروى : ممكن مع الوقت .. لوحدك انت او معاك احد
انا : لوحدي و تعرفت ع شابين
مروى : مزيان

ليتصل خالـد ...

انا : هلا خالد
خالد : هلا فيك .. كيفك
انا : اختصر دب
خالد : وين نتقابل
انا : رتب انت و نايف و اجتمعو و كلموني
خالد : اوك جهز نفسك
انا : اوك

عدت لاكمال الحديث مع مروى ..

مروى : بتروح تسهرو
انا : متعبين الشباب ما راح يخلصو قبل ساعه بالقليل
مروى مبتسمه : بيروحو كوافير
انا : ليت كوافير كان اهون
مروى : حددتو مكان
انا : لا
مروى : تروحو تسهرو
انا : ع حسب
مروى مبتسمه : دابا تاكدت انك سعودي
انا : ليه المغاربه ما يسهرو
مروى : عندك الحق
انا : و انتي كيف جدولك
مروى : لازم ارجع البيت مرت معاك ثلاث ساعات ما حسيت فيها
انا : اعتبر هذا غزل
مروى ضاحـه : لا .. هي فرصه لجل تروح مع اصحابك
انا : وعذر لجل تخليني و انا مشتاق لك
مروى : تبي الصراحــه
انا : اكيد
مروى : سبب من الاسباب ان اجعلك تشتاق لي
انا : مشتاق لك و انتي معايا
مروى : مو انت قلت لي عدلي من الاخطاء مع خطيبك
انا : و ايش وجه الشبه
مروى : كنت ما اتركه ليل نهار و يمكن لجل كذا هرب
انا : لان ما عنده ذوق .. و طبقي فيا نصيحتي لو اعرف ما قلت لك
مروى تضحك : انت لان ما فيه غيرك
انا : طيب يا ستي
مروى : اشوفك ع خير
انا : انتظرك بكرا
مروى : اوك

غادرت مروى .. لتبقى مشكلتي مع ليلى و ياسمين و لن يحلها الا معرفتي عن جدول ليلى .. فقمت بـ الاتصال عليها

انا : كيفك
ليلى : مزيان
انا : لو ما اتصلت ما كنتي اتصلتي


لي عـــوده ...

سرد قصصي رائع
كلهم بكوم ومروى بكوم
وكأنها الجوهرة الأثمن بين بقية مجوهراتك

أعتقد مروى راح يصير معاها شي حقيقي مو لعب

مجرّد إحساس

لا تحرق علينا القصة

مستمتعيين

مجرد إحساس وربي زيي زيّكم ما أعرف شي

كل يوم حكاية .. علقتنا في موضوعك .. واصل نثر ابداعك كلنا شوق إلى مغامراتك المجنونة

نفس احساسك .. مروى غير

وشكل القلب تعلق تعليقه بن امها

الله يعينك على تذكر كل لحظة وكل كلمة وكل همسه وكل نظرة

وكل موقف مر عليك ( بدون اهات وزفرات )

واصل يا برنس

:morocco_5 (108):

عزيزي اشرف
انا وصديقي ابوثامر من الامارات
دائماً ما نكون متابعين لك بكل شوق لكتاباتك الجميله

انت يجب ان نطلق عليك لقب قناص الخليج
الكل وقع في شباكك

وصفك خلاني ابتسم
لانـه بـ الفعل كانو جواهر
لا عدمت طلتك








راح اخليك تفكر لين يوصل الجزء و تقرر بعدها


اي يخمن ع كيفه ما عليك منه جداوي هههههه

خمن و شتت الناس
تراني ابيهم يقلبو عليك هههههه








هلا بك و سررت بـ متابعـة نجم اخر لي
و اتمنى الجاي افضل و امتع



فيه لحظات لا تنسى و حتى في ادق تفاصيلها
و هذا ما جعل السفره الاولى للمغرب هي الاميز

انرت و اسعدني ان تكون من بين كوكبـة المتابعين