ثقافة السفر

صح ... رفيق السفر اله دور رئييييييسي فانجاح السفره او احباطها .... الواحد يا يختار بعنايه اللي يروح معه ويكون يعرفه زييييييين ... يا يخليها للصدفه ...

اهنيك وائل .... النوم يطير فالسفر من الحماس .. والحماس يولد النشاط وبالنشاط يتحقق الاستمتاع

__________________
كلآم الناس بالنسبة لي ،، مكآلمة لم يتم الرد عليهآ ..!!!

السفر مهما كان يحتاج تخطيط والاهم بالسكن والتنقلات سواء سياره او سواق..
هالحاجتين لازم تكون منتهي منها وضامنها ١٠٠٪‏ قبل تطلع الطياره

اما العشوائيه هاذي تكون فبرنامجك اليومي انت حر باللي تسوي
سواء تمشي على نظام وخطط معينه او تخلي يومك يجي حسب مودك

اما يجيني واحد مطفي النور للمطار ماحجز لاسكن ولاسياره ولا اي شي
ويسمي هاذي متعه؟؟!! ههههههه

لا ياعزيزي هالشي بيخلي سفرتك كل يوم طالع من شقه ورايح لشقه
هاذي شقه عساسها قلق
وهاذي شقه مو نظيفه
وهاذي شقه فيها عائلات احتمال بعضهم يتضايق من وجودك
وووووو

وراحت سفرتك شل الشنطه نزل الشنطه

ونفس الكلام ينطبق على السياره خصوصا اللي يتعاملون مع سواقين
هذا نفسيه وهذا يتاخر والسواق الثاني شفار وووووو

الخلاصه اذا تبي تروح وترجع وانت مبسوط؟
السكن والسياره لا تطلع من ديرتك الا مأمنها من ناس ثقه ١٠٠٠٠٠٪‏ والباقي لو تبي خله عشوائي عادي