سفرتي تكنسلت

المشاركة الأصلية كتبت بواسطة منصور الشريف

طبعا كانت رحلتي اليوم الساعة ٣ العصر من السعودية. الرياض. كازا طبعا معنا واحد. من جدة وصاحبي من الرياض

للأسف أنا اول مره اروح للمغرب. رغم أني اسافر أوروبا كثير. ولي خبرتي في السفر بس صاحبنا من حدة داعي مغرب. وقال ازهلوها. طبعا هو صديق صديقي هههههههه. فهمتوها. المهم أنا من اول مو عاجبني الترتيب وكل ماقتل هاه ياشباب قالوا ماعليك. طبعا أنا متعود سفراتي. مااطلع من الرياض الا كل أموري جاهزه وعارف وين اروح وين أجي. على الأقل فيه خطه شغل. انزل واقعد فرفر في الشوارع وتلقى وماتلقى. الزبدة كان الترتيب سئ بس قلت خلني اشوف آخرتها. صحيت الصبح الا صاحبنا بجدة مرسل رسالة ان شرط المطار وقفوني يقولون راجع المحكمة

ولا اقدر اسافر وجولاته تقفلت قلت لصاحبي بالرياض. وش علم صاحبك. راعي المغرب بتسفرنا مع مطلوبين هذي بدايتها ههههههه. طبعا ضايقني كثير الموضوع قلت لصاحبي نروح أنا وياك. خلاص. وش نسوي قالي اشلون اروح وخووي مادري. وش صار عليه قلت امش أنا اضبطك. راح استخدم قدراتي لكن للأسف الرجال طلع ماش



طبعا أنا عصبت وقلت أصلا يفوتكم حوسه من اول يوم وهذي خيرة. مااسافر معاكم. طبعا كنسلت حجري قبل شوي





وقاعد ابحث عن حجز بعد ١٠ ايام. بروح لوحدي الي له خاطر يخاويني حياه الله أنا من الرياض وإذا ودة مقابلة شخصيه قبل السفره أنا حاضر الزبدة. انقهرت من الشباب وانحرجت مع مديري في العمل وسببوا لي احراج من كل النواحي زين مديري تفهم الموضوع وقال تعال داوم واطلع اجازة. ثانية وسلامتكم.

المشاركة الأصلية كتبت بواسطة RED

ولا يهمك يمكن الموضوع خيره لك .. والله رادك عن شي يضرك



بخصوص انك تدور خوي سفر .. نصيحه للمره المليون ومن سنوات نكتبها بالنت ( لا تسافر مع احد ماتعرفه)



وكل واحد عقله براسه يعرف خلاصه



خويك وهو خويك اذا سافر معك احيانا تلقاه شخص ثاني بالسفر .. فما بالك بشخص غريب



انت رايح تنبسط ومالك فالصداع والمفاجآت ( اسمع نصيحتي روح بروحك اسبوع لاغادير وكاااافيه )



وبتنبسط ع الاخر حتى لو كان ما معك احد لانه كل شي جنبك وما فيه تعقيدات ..



وتروح وترجع بالسلامه

المشاركة الأصلية كتبت بواسطة SAMI theBEAST

السلام عليكم
عسى في الأمر خير
بصراحة جربت السفر إلى المغرب الحبيب لوحدي وجربته مع صاحبي وبكل امانة يوم سافرت لوحدي فليتها أكثر

المشاركة الأصلية كتبت بواسطة SAMI theBEAST

اتمنى لك وصديقك رحله سعيده وتروحين وترجعون بالسلامة