اتمنى المساعده

السلام عليكم
انا طفشت بالعربي ياربع اتمنى نصائحكم وتجربتكم للي جرب ينقلها لنا
هنا
انا من يوم ما عرفة نفسي وانا اسكن في الروز قاردن ماعمري فكرت اغيره
لكن اخر مره في شهر 7 في العيد جلست 10 ايام كان الكهرب يطفى
وكانت المكيفات جداً متعبه
فا رايح ف العيد ومحتار ابي سكن زين
وانا دايم اسافر لحالي
فكرت في سكرة بيتش بس ماينصحوني فيه
ابي اعرف هل برستيجا مناسب
او جولف بلازا مع العالم اني تعبت وانا ادور عليهم
واتواصل معهم عن طريق الجوال ياليت الي
عنده موقعهم حتى لو على البوكنق
بس يسدح لي الرابط لاني طفشت من نصب الروز قاردن
اخر مره دفعوني فيمة حرق ف الكنب ماينشاف الا بالمجهر نقطه دفعون 1000 درهم
وفوق هذا السياره قالو فيه دقه وادفع ياذيب
وخدمتهم جدا غير مرضيه وكل الطاقم من ابو ادم ومصطفى وعبدالحميد جداً استغلالين
ولا يهمهم الا يجيبهم
اتمنى احد الاعضاء الي عنده خبره في السكن
وتجربته كانت ممتازه فيه ينوهنا ونكون له من الشاكرين

اهلين فيك ..

وعليكم السلام

https://www.mza3et.com/showthread.php?t=29973

خذ رقم المعلن هذا و كلمه و استفسر منه و قول له من طرف اشرف

اشرف اتمنى تتواصل معي في الخاص ضروري

لحالك وتسكن الروز ؟؟
خذ لك شقه باقليز ولا تزعج احد محد يمك
وكل شي جنبك

الروز ونظام الجمارك وقت الخروج ، لازم يدفعك بمليون طريقه ،وابو ادم كالعاده مايرد .

عموماً ياصاحبي ، يمدحون منوار النخيل .
بخصوص سكره بيتش سيء وموقعه بعيد .
برستيجيا لم اجربه.

بخصوص القولف برسلك رقمهم ع لخاص تواصل معهم.

تحياتي لك

طيب لو اصريت وما دفعت ايش حيكون الرد من طرفهم ؟

يعني بما انك استلمت وسلّمت السكن بدول اي تكسير او تخريب

ممكن توضح لنا عشان استفيد والمزاعيط يستفيدون

شكرآ لك..

المشكله يالغالي هو بنظره انه فيه تخريب يجيب لك شي بالكنب او بالمفرش قد تكون قديمه .
صعب اوصف لك ولكن تاكد من لايوجد عنده اداره فندقيه ولايوجد ذمه سهل جدا يخدعك بكل مكان .
خصوصاً لما يكون باقي على رحلتك ساعات انت بين امرين اما ان تدفع حتى ولو خطا او ان تخسر رحلتك.
وهذا اللذي يريدونه يتعاملون ببرود .


ولكن من وجهه نظري من كان مٌصر ان يسكن يصور الفيلا قبل ان يسكن ويأكد على الرسبيشن وتكتب ادق الاشياء حتى تريح راسك .

تحياتي لك

يعطيك العافية اخوي

الله يعافيك ياصاحبي ❤

اشكرك من اعماق قلبي بيض الله وجهك ❤️