الإكرامية / البقشيش / الهدية

البقشيش غير الزامي في اي دوله بالعالم ما عدا امريكا
في امريكا اجباري تدقع بقشيش للتاكسي وعند دفع فاتوره طعامك،،،، الخ

اما بخصوص الاكراميه،
من وجهه نظري انك تقدمها بطيب خاطر عندما تقدم لك خدمه مميزه من العامل

ومافيها شي لو حطيت اكراميه ٥ او ١٠ يورو للعامل والعامله اللي ينظفون غرفتك،
ممكن تخليها في مكان واضح مع رساله شكر وبجذي ما بتحرج الشخص اللي نظف غرفتك ولا بتحرج عمرك بالمبلغ اللي حطيته مهما كان زهيد

ومافيها شي تكرم السواق اللي معاك طول الرحله ويلبي طلباتك وبدون ما يطلب منك فلس حمر زياده على اجرته

ومافيها شي تكرم موظف المطعم اللي يخدمك بروح طيبه ويخلي غداك او عشاك مع الشخص اللي انته معاه ما ينسى ويكون فيه الكثير من الذكريات

والقائمه تطول للاشخاص اللي ممكن تكرمهم

والاكراميه لا تمس كرامتك او كرامتهم ولا تمس جيبك لانك دافعها بطيب خاطر

واخر شي مافيها شي تدفع اكراميه ١٠٠ او ٢٠٠ درهم مغربي لان هالمبلغ تصرف اضعافه على عشا واحد

واذا مالك خاطر تحط بقشيش او اكراميه لا تحط بس لا تذل العامل على ١٠٠ اللي بتعطيها اياه

وجهه نظر

__________________