ترانزيت الى اغادير

المشاركة الأصلية كتبت بواسطة mobarak111

انا صارت معي بس لازم تاخذ البوردنق حق اكادير من الرياض وتشحن العفش من الرياض على اكادير اول ماتنزل من الطيارة لاتدخل الصالات اللي على اليمين حقت التختيم فيه مسار اسمه مواصلة الرحلات يوديك للصالات الداخليه وتطلع لكادير ومن هناك تختم دخول ولو فيه وقت عندك عادي لو ختمت من كازا بس وقتك ضيق مره ورحلة سعيده وموفقه

المشاركة الأصلية كتبت بواسطة مزعوط 2019

المسار مال الرحلات الدخليه لونه اصفر مكتوب كل شي

المشاركة الأصلية كتبت بواسطة BooM

السلام عليكم ورحمة الله وبركاته

مساء الخير جميعا ويارب دايم تكونوا بخير
عندي استفسار بسيط ياليت اللي عنده خبره او تجربة سابقة بالموضوع يفيدني.

مثل مايعرف اغلبكم انه تمت اتفاقيات بين الخطوط السعودية والمغربية للتعاون لتشغيل بعض الرحلات من والى المغرب ومن حسن حظنا ان تكون اغادير احدى الوجهات.

طبعا مو دايركت لاتفرحون كثير.

المهم ماطول عليكم

رحلتي راح تكون الرياض كازا بعدين انتظار 50 دقيقة بعدها كازا اغادير

الجميل في الموضوع كما تم توضيحه من قبل موظف الخطوط السعودية ان الامتعة راح يتم شحنها مباشرة الى اغادير يعني مافي حاجة للتأخير في المطار وانتظار الامتعة.

السؤال هنا:
هل اختم الجواز في كازا بعدها اطلع على اغادير (وهنا راح تكون مشكلة لان ماعندي الا 50 دقيقة) او اركب في الطيارة مباشرة واختم في اغادير.


ياليت اللي عنده خبره في الموضوع يفيدني.

تكفون مابي اي واحد يعطني استنتاجات بدون تجربة تفاديا للتوهيقة ههههههه


دمتم كما تحبون وافضل

بوووم

المشاركة الأصلية كتبت بواسطة khaled2015

حبيبي اذا وصلت لاتروح للوصول شف الخط الاصفر ودز معه للداخلي واسحب بوردنج الداخلي وللطياره وتختم باغادير بس خل معاك بوردنج الرياض وترا احتمال عفشك يجي بالرحله اللي بعدها عادي

المشاركة الأصلية كتبت بواسطة مسطي منذ مبطي

الخلاصة يا بووم سواء فيه تختيم أو مافيه .. خلك عالخط الأصفر وشوف وين يوديك والله يستر لا يوديك موريتانيا ..هههههههه

بالتوفيق ورجاء علمنا بعدين وش صار عليك للفائده

المشاركة الأصلية كتبت بواسطة Wael JED

اذا اعطوك بوردنق اغادير بالرياض تختم باغادير اذا ماعطوك بوردنق اغادير تختم بكازا وحتى عفشك تلقاه بكازا. كل شي يعتمد علي بوردنق اغادير يسلموك اياه بالرياض او لا


رحلتك الرياض كازا السعوديه
وكازا اغادير علي المغربيه

حاليا نظام السعوديه الي يحجز لمراكش واغادير بنفس حجز جده كازا او الرياض كازا
عفشه يستلمه بمحطه الوصول النهائيه ويسلمو بوردنق الرحلتين

لكن مرات بحاله تاخير الرحلات او كانو متوقعين مشاكل او تاخير برحله المغربيه الداخليه يعطوك بوردنق واحد ويقولو لك عفشك تستلمه بكازا وتراجع مكتب المغربيه تسوي تشيك ان هناك لرحلتك الثانيه وتشحن عفشك من المطار


هذا اخر تعميم صدر لرحلات الكود شير بين السعوديه والمغربيه

مايبين وضعك الا يوم السفر عند كاونتر البوردنق والشحن فقط حسب حاله الرحله بس