تقريري المتواضع لسفرة المغرب الاخيرة

الجزء الخامس (مراكش)

وصلت بالسلامه الامارات

ما شاء الله عليكم خبراء مراكش و نكمل ...

و ليتني ما تعشيت بجيليز جلست بمطعم عادي بره وانا أكل و عيني علي الاكل حسيت حد واقف قدامي ويقول لي (انت بالمغرب) رفعت راسي و الا طيري الطنجاوي الي مواعده اني اجي علشانه بس بعد ٤ ايام. صار وجهي يبدل ألوان مثل كرة الليتات الملونه مال الديسكوات و غصيت بالاكل الي اصلاً ما كان حلو وانربط اللسان و العقل عجز يفكر بكذبة قلت لها تعالي بخبرج شو القصة مشينا مطعم tratoria عشا راقي جميل جدا رومانسي تحت اضواء الشموع و علي البيسين مع انه صاحبتها معاها بس مش مشكلة المهم احاول ارقع طبعاً الترقيع كله مب راكب كان علي بعض و ما صدقتني وانتهينا و السهره بكاش مرة ثانية و اليوم الثاني قمت من النوم حسيت اني مخنوق من مراكش بسبب المدواخ و الكبسه و طلعت من الفندق و رحت ساحة الفنا شفت اثنين من المساكين صغار بالعمر اخ و اخته و قلت لهم تعالوا تعرفون وين الاقي مثل هذا و وريتهم صورة المدواخ و خذوني و مشيت الي ما وصلت الاسواق الشعبية و دخلوني من سكة لين سكه كرهت حالي مع الحر و المشي المهم حصلت الي قالوا لي عنه (البيبه) مشت الحال بصراحه بعد التضبيط ورجعنا السيارة بعد ما اخذنا عصاير باردة من اكشاك العصير و ودعتهم. و رحت علي المنار مول فيني الجوع كليت من مطعم الي عنده جلسات خارجية (برجر مراكشي) لذيذ جداً و بعد الغدا خذيت لفة علي المول من داخل اريد اخذ لي كم تيشيرت لكن ما لقيت الي يناسبني واسعارهم جداً مبالغ فيها و مريت علي المحلات الي عندها منتجات زيت ارجان اشتريت بعض المنتجات من natus انصح فيه عندهم منتجات جميلة جداً و اسعارهم معقولة و مريت علي عبدالصمدالقرشي و بعدها تحركت علي أغادير

و للحديث بقية ....