️ قصتي الأولى مع المغرب (( وحيداً))

م شاء الله عليه تقرير حلو حسّيت من تقريره عن الغزال يبطي قيس وليلى يوصلونه هذا الي يقولون عنه لغه العيون والحب مايلام الثلاثيني انه كيبلك المفروض انتحر يوم شافك معاها بس مو كل الثلاثينين نفسه وانا اخوك بس تكفى تذكر المواقف الحلوه ورجع اسردها لنا بس لا تقول بنهايه قصتك الغرامية انه حلم ترا بطلع مِن المنتدى

ماشاء الله عليك احس ان تقريرك فيه روح وحياة وكأننا معك في الرحلة ... وهذا التميز الحقيقي .. مستمتعين واصل تميزك وابداعك

__________________
قلت اسقني من ذبل مرهفاتي عسى طيور القلب تركد عن الحوم

نطالب الاداره الرجال اللي ما يخلص تقريره خلال ثلاث ايام يقفل الموضوع تعبنا من الانتظار والتعلق لعب فينا اشرف فوق الشهر وجا ابو الهواشم كمل التعليقه هههههههه

انا لو كتبت تقرير بحطه مره وحده بالتفصيل الممل

المطار :

ف المطار كانت الأمور سلسه نوعاً ما ، بعد تعبئة كرت الدخول سألني الموظف كم سؤال ولا فهمت الا سؤال أول زياره لك للمغرب جاوبته نعم أول زياره ،

حسيته طفش من فهاوتي المتعمده ، تعمدت إني ما أطالع فيه كثير ، ختم جوازي ، الموظف الثاني تأكد من الختم و رجع لي الجواز ، و قال سير ، انتظرت الشنطه الكبيره ما طولت .

أخذتها طلب مني موظف نقل الأمتعه إنه يحمل الشنطتين رفضت بابتسامه ، وصلت عند موظف الجمارك وقفني فتش الشنطتين ع السريع وكان يكلم شخص ثاني ، ما انتبه لكرزات الدخان ، طبعاً هرمون الادرينالين يرتفع تدريجياً بمجرد انتهاء اجراءات المطار ، ودخولك الصاله الثانيه ، يشدك عناق الأصحاب ،و إلتقاء الأحباب ، طبعاً لا أخفيكم أنا تمنيت إني جدار وقتها .

مريت من جنب محلات الصرافه طبعاً كان معي المبلغ اللي صرفته من جدة 12450 درهم ولا احتجت أصرف .

و بوجهي على مكتب بيع شرايح الاتصالات ، أخذت شريحه من اتصالات المغرب كان عندهم عرض اتصال و نت أظن سعرها ١٠٠ درهم .

كانت الساعه 6:30 ، طلعت شريحتي السعوديه ، و سريع سريع اركب الشريحه المغربيه و اتصل على رقم الأخت اللي بتستقبلني ف المطار لا أخفيكم السيقاره كان لها شوق كبير لكن صبرت ٧ ساعات ما باقي الا القليل، فكيت الشنطه أخذت عطري المفضل "ايفوريا" و اتش تش منه بانتظار الآنسه ، صوت ناعم ينادي بإسمي .

كانت أجمل بكثير على الطبيعه إلتفت وعلى لساني "هلا والله" مدت يدها صافحتها ومن اللخمه الزايده واسحبها و "خد بخد " المهم وجهها تغير لونه أحمر من الحياء ، و أنا ساعتها فكيت ضحك على نفسي ، بس للامانه كانت لحظه عفويه ️ .

تحمدت لي ع السلامه ، و أنا ما زلت أضحك
قالت لي بالحرف الواحد ، لا تنطق ولا بكلمه إلى أن نوصل السياره ، طبعاً أنا قلت اوك ، تبعتها إلى مواقف السيارات بالخارج .

مريت بـ أصحاب التكاسي ولا أعطيتهم نص نظره لا أخفيكم أكلوني ب الكلام كان الحقد واضح من عيونهم رغم إني ما كنت فاهم اش يقولون، بالنسبه لي كانت ردة الفعل تجاههم معدومه نهائياً .


ركبت معها السياره قلت عادي اتكلم هنا ، قالت أكيد ، عرفتني باسمها وكان اسمها سميره .

قلت هلا بك سميره وصافحتها مره ثانيه مازحتها قالت المره ذي من بعيد لبعيد يعني ، قلت اكيد بس انتي الخسرانه ، قالت وحق الله العظيم إنك مسطي ️ ولا كنت أعرف معناها.

سألتها اش التخطيط ، قالت نتجه لكازا أخبرتني إن السكن محجوز ومدفوع راح يكون في شقه لمدة يوم في كازا ومن بكره اتجه إلى مراكش .

ما أخفيكم سميره كانت نموذج للجمال والأناقه المغربيه ، لكنها كانت تغلب عليها الرسميه أحياناً
رغم إني كنت أشطح عليها أحياناً و أطلعها من جوها الرسمي .

ربطت الحزام ، أستأذنتها أشعل أول سيجاره لي ف المغرب و انطلقنا الجو كان حكايه ثانيه رغم برودته ، طلبت مني سميره جواز سفري عند نقطة التفتيش (الدرك) ، نزلت سميره من السياره قالت خليك عادي واذا جاء يكلمك لا تاخذ و تعطي معاه كثير .

أعطته ورقه انها مرشده سياحيه المهم كثر الكلام بينهم وانا مدري ، جاء جهتي أشر لي أنزل القزاز
المهم سألني عن سبب تواجدي فـ المغرب قلت له جاي أغير جو ، يا ليت تخلصنا ، المهم كان واضح انه يلمح لإكراميه شاف مافي فايده قام يتشكى و إنه زوجته على وشك ولاده طلعت مبلغ 50 درهم وأعطيته ، تركنا نمشي .

انطلقنا مباشرةً إلى الشقه كانت الساعه ٧ مساءً
وصلنا للشقه كانت بحي برقون، انا كنت في قمة التعب و الجوع ، أخذت شنطتي سلمتني المفتاح
قالت اطلع انا جايه وراك .

الشقه غرفتين وصاله كبيره و مطبخ ، كانت شبه جديده من ناحية الأثاث ، و النظافه ، كأني اول شخص يسكنها ، أخذت دش ع السريع لأني شفت سفره حواليها شموع وجوها رومانسي وريحة طاجن الحوت والروبيان شي فوق الوصف ، دغدغت عصافير بطني .

المهم خلصت من الدش سريعاً ، و جلست على طاولة الأكل دعيتها تاكل معي ، بعد إصراري عليها وافقت ، شفتها تاكل ب استحياء ، أما أخوكم
فوالله الذي لا إلا هو اشتغل تحفير في جميع الاتجاهات ومرات اوقف مرات أجلس ، المهم أنهيت ألذ وجبه أكلتها في المغرب .

تشكرتها على الأكل وعلى تعبها معي ، طبعاً رفضت تاخذ مني أي مبلغ ، قالت أنت ضيف أبو مراد ، قلت طيب هذا حق الشقه قالت الشقه ملك لصديقه السعودي وإنه ما يأجرها عادةً لكنها حرة التصرف بتأجيرها وهي مسؤوله عنها .

استأذنتها أصلي اللي فاتني ، و هي قامت جهزت لنا أجمل أتاي من يدها وتقديمه بالطريقه المغربيه الأصيله ، أخذت تسألني عن انطباعي الأولي عن المغرب ، قلت اتحفظ على الإجابه أما بخصوصك انتي فـ من بداية لقاءنا و القبله اللاإراديه لك حبيت المغرب ، أهلها لكن الباقي نأجله إلى الغد لأني ما شفت شي الى هذه اللحظه، كانت تضحك أشرت لي بيدها إني لو عدت سالفة المطار راح تضربني .

جاملتها قليلاً بالكلام لأني كنت أشوفها شخصين أمامي من النعاس ، دخلت اغراضي للغرفه ، استأذنتني إنها راح تنام ف الغرفه الثانيه رحبت بذلك .

و انفردت ( وحيداً) بـ السرير ..


أعتذر لكم عن سردي لكثير من التفاصيل

فاصل و لي عوده ..

بالفعل سحرهم غير شكل ..

ههههههههههههه

على عيني و راسي كل الثلاثينيين المحترمين

انشغلت والله ب الويكند

ههههههههههههه على هونك يبو فالح ، الرحله كانت طويله ما تخلص بثلاث أيام ، لا تنكبنا