السيارات الفخمه والاقتصاديه

العامل اللي يحدد وش تستأجر هو مستواك المادي.
اذا انت رجل مليونير عليك بالمرسيدس والبورش والرنج
مستواك متوسط الشروكي والطوارق جيدة.

اذا انت من النوع اللي يرقب الراتب نهاية كل شهر فالسيارات الاقتصادية خيارك الأفضل .

اسمحلي اقولك ان هذا المنطق مافيه اي شي من الصحه

انا سياراتي في ديرتي ولله الحمد من الفئه الاولى
من غير ذكر اسماء عشان مانقول مهايط

ولكن في مراكش استاجرت الرنج مرتين وباقي السفرات استاجرت jeep

والعامل الاساسي هو المضايقات اللي تحصل
ماله اي دخل وضعك المادي في ايجار السياره بالسفر
واذا بنتكلم من المنطق المليونير مثل ماتقول
لا اجل خلك مليونير وهات سياراتك معك من ديرتك
وادفع عليهم ذاك المبلغ الزين للشحن هنا بتقول مليونير

يا اخي الكريم المليونير يعرف كيف يصرف الدرهم بذكاء ودهاء
والمليونير مستحيل يكون اضحوكه وسهل الاستغلال
والا ماكان وصل للمليونيريه اذا كان غبي ويصرف بدون حساب !

عزيزي المضايقات مالها اي دخل في تحديد نوع سيارتك!!
اذا امورك تمام ومو مخالف مافيه احد يقدر يوقفك ولو وقفك الدرك بيعطلك شوي ويمشيك.
اما لو كنت مخالف مثلا كانت سرعتك عالية
والله ان يوقفونك مهما كانت نوع سيارتك فالدركي هناك من مصادر الدخل عنده التدويره اللي تجيه من المخالفات فانت بالنسبة له في هالوضعيه صيدة .
اما مقصدي من الوضع المادي للشخص يعني واحد جاي للمغرب بميزانية محدودة فافضل شي له هو النقل العام في المغرب وهو متوفر ورخيص. او سياره اقتصادية تفي بالغرض مثل سيارات فيات او رونو او داسيا الصغيرة المنتشرة هناك.
اما اذا كان وضعك المادي جيد او ممتاز فالخيارات مفتوحة امامك واعتقد ان اي واحد من هالفئة ماراح يقصر على نفسه عشان احتمال يوقفونه الدرك مرة او مرتين .

وصباحك ورد