باستا بالدجاج ( مكس صوص )

خاسر · 2016-09-24T08:54:46+00:00

السلام عليكم ورحمه الله وبركاته .. كتبت هذا الموضوع كنوع دعم للي للمسافرين الي يحب يغامر بالطبخ فالمسافر احيانا وده يدخل فالمطبخ ويفلم بااخوياه ههههههههههههههههه كما انه احيانا الواحد يرغب بتجربه شي جديد ويحاول يعتمد على نفسه طبعا في مطعم يصلحها ولا راح اذكر اسمه مو نذاله لكن غالي ولا ابي اسوي له دعايه اجل طبق الشخص يبيعه لك حول ٦٠ ريال سلامات طبعا المقدار على حسب الاشخاص والرغبه في شخص يحب يكثر قطع الدجاج مع الباستا وفي شخص لا يحبها متوسط *من ثلاث الى اربع قطع صدور دجاج تقطع على قدر انمله قطع صغيره * زيت زيتون للتشويح " حمس" او " تقليب ". الكميه حسب الاحتياج من نصف بياله الى بياله تقريبا * فطر طازج من حبتين الى ثلاث حبات حسب الرغبه في ناس ماتحبه بزياده وفي ناس تحبه قليل فالطبخه *بصلة واحده حجم متوسط وفص ثوم وقطعه صغيره زنجبيل. * كريمه جاهزه " الحرص بان تكون خاليه من الزيوت المهدرجه. * مكرونه ويفضل المتقوقعه او الحلزوني . * جبن ميرميزان "التاكد من خلوه من الزيوت المهدرجه. * معجون طماطم الحرص ان يكون خالي من الاضافات هذا الصنفين الاخيره تحصلونهم فقسم البهارات * ورق زعتر اوريغانو * ورق الريحان * قليل من الكركم. *الملح انصح باستخدام ملح القصب ملح طبيعي حق البحر يجي بكياس الكيس من ريال الى ريالان وفي المطحنه حقت الفلفل الاسود الي تطحن عن طريق الفر تصلح تحط فيها الملح تفر يطلع لك ناعم ولا انصح باستخدام الملح الصناعي الناعم اطلاقا بل هذا سم قاتل كميه الملح عند التذوق تبين من ملعقه كبيره الى ملعقه وسط تقريبا نبدا بسم اولاً : حط القدر فيه مويه وشوي زيت ملعقه وحط المكرونه وخلها تغلي.من ١٠ الى ١٥ دقيقه وصف المكرونه من المويه. ثانياً : ١- ولع وشعلل الموقد وهات القدر ونطل البصل والثوم وقطعه الزنجبيل وحط نصف البياله الزيت الزيتون وحرك وقلب البصل الى ان يبدا يشقر اطرافه ٢- انطل قطع الدجاج وقلب وحرك الى ان يخرج الدجاج الماء منه وينضج ولا شفت الزيت قليل في القدر حط عليه شوي من باقي البياله وقلب. وذر فوقه الكركم ملعقه وسط تكفى ان شاء الله. الي يحبها سبايسي يحط الفلفل الان طبعا يفضل الفلفل الاحمر الصغير الي يشبه حبات الكرز عني احط قطعه صغيرة للتطعيم. ٣- انطل الفطر وكمل تقليب الى ان ينضج ٤- فك الصلصه وحط من ملعقه الى ملعقتين معجون طماط وحرك. ٥- ابشر قليل من جبن الميرميزان من ملعقتين الى ثلاث ٦-ذر فوقه ورق الزعتر وورق الريحان ملعقه وسط لكل منهم تكفى ان شاء الله ٧- حط الكريمه من كاس الى كأس ونصف حسب الرغبه الي يحبها ناشفه لا يكثر. ٨- حط الملح وقلبها وتذوق اذا ناقص حط " المفترض يكون قرصه ملح فيها لان لما تضع المكرونه يضيع ٩- حط المكرونه معهم وقلب قلب وخلها تقريبا من ثلاث دقايق الى اربع مغطي القدر على نار هاديه وبالعافيه عليكم .. اتمنى يفيدكم ونرد قليل من جمائل المزاعيط والمنتدى علينا واي استفسار حاظر بالي اعرفه طبعا بعضهم يحط معها زيتون اسود وبعضهم يحط بدل قطع الدجاج نقانق كلها تجي جرب غامر انت مسافر وسع صدرك ان اصبنا من الله وان اخطانا فنحن بشر

صقر الجنوب

مزعوط خبير

المشاركات: 4,443

تاريخ التسجيل: Sep 2016

2016-09-24, 09:08 PM

المشاركه #1

شهيتنا الله يسعدك وانا واحد من هالنوعيه اللي ذكرتهم يفلمون بخوياهم بالطبخ..تحياتي ياذوق

خاسر

مزعوط مميز

المشاركات: 470

تاريخ التسجيل: Sep 2015

2016-09-24, 11:28 PM

المشاركه #2

اقتباس:

المشاركة الأصلية كتبت بواسطة صقر الجنوب

شهيتنا الله يسعدك وانا واحد من هالنوعيه اللي ذكرتهم يفلمون بخوياهم بالطبخ..تحياتي ياذوق

الله يسعد الجميع ان شاء الله
اي لابد بالافلام هي متعت السفر

تسلم والله انتم الذوق

شاكر لكم مروركم

« الموضوع السابق | الموضوع التالي »

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

الانتقال السريع

المواضيع المتشابهه للموضوع: باستا بالدجاج ( مكس صوص )
الموضوع	آخر مشاركة
صينية الخضار بالدجاج المفروم مع صوص القشطة والجبن	2012-10-16 03:15 AM
البريوات بالدجاج	2012-03-10 06:09 PM
بسطيلة مغربية بالدجاج واللوز	2011-07-25 04:12 AM

الساعة الآن 03:23 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

باستا بالدجاج ( مكس صوص )

روابط سريعه