المعلقه الثانيه في عشق المغرب على لحن الهجيني{حمام يالي تجر الاه}
السلام عليكم ورحمه الله وبركاته
المعلقه الثانيه والحصريه للمزاعيط
اضعها بين ايديكم لعلها تنال لو
جزء بسيط من استحسانكم
يقول
قالو تحبه وقلت اهواه
واهوى اراضيه وجباله
واحب حتى الذي يبغاه
على صدى صوت مواله
حنا جمعنا الهوى والاه
ولو طول البعد نعناله
ياماشربنا شهد من ماه
وياما ارتوينا من ازلاله
النفس ترتاح لاجيناه
والقلب تتغير احواله
والجسم يرجع على مجراه
كنه طبيعي على حاله
سبحان رب لنا سواه
بالحسن نادر عن امثاله
فيه الظبي منزله وحماه
والطير في غصن مياله
والروض تستر من رؤياه
متنوع الورد واشكاله
والغيم ينثر عذي من ماه
على ربى روض خماله
عالم من الحسن ماتلقاه
لوتدرج الغرب وشماله
عاده لراعي الهوى ينصاه
لاحطه الهم واشتاله
يلقى طبيبه ومايبغاه
وينفظ عن القلب احماله
في خايع للظباء ترفاه
وترتاح في مده ظلاله
يفز قلبي على طرياه
في ثومه القلب زلزاله
عودت عينى على رؤياه
واشجيت روحي بمواله
والعين تبكي على فرقاه
فالبعد قلبي تعناله
حمام يالي تجره الاه
جر اللحن عند زوماله
خليت طرفي يحدر ماه
ويطرى على القلب ماجاله
هذا الذي ماقدرت انساه
ولاقدرنا على وصاله
ياما سهرنا نجر الاه
وياما وقفنا على اطلاله
وياما شربنا عذي شفاه
ساعه نثر ليل شلاله
وتهنا مابين الهوى والاه
نقطف من الورد مياله
نلعب وكفي على يمناه
وشلال شعره على حاله
قبلت عنقه وفوق شفاه
ساع غشاني بشلاله
وتهنا وكل الذي قلناه
عفاك لاتقطع وصاله
ذكرى وعاد الهوى طرياه
عليه تضرب لها امثاله
تاثق فصدقه وفي مبداه
ولاتاثق ان جيت فرجاله
منطوقها من عسل مجناه
ون جيت للخيل خياله
ربي كساه الحسن واعطاه
حتى الحلاحيل تعناله
ومن بعد خط القلم وخطاه
وعبر لكم شي من حاله
ورغم الذي فالورق قلناه
فاعماقنا ماوصلنا له
__________________
يلومني فيك يالمغرب
من لاعذرنا ولا شافك
جاهل ومسكين مستغرب
محروم من روعه اطيافك