اللقاءات الغرامية بين المغاربة || للضضضضضحححك فقط
للضحك فقط ههههههه :D:D:D:D:D:p:p:p
((( الرباطي )))
قبل مايمشي يتلاقى بالبنت كيوجد الكوستيم ديالو غالبا طالبو من عند صاحبو سيمانة و هو كيطلب فيه. كيراجع قواعد ديال الكونجيكيزو و الكرامير باش لا زربات عليه الساطة بشي مصطلح يعرف يتصرف..كيمشي يتلاقى بيها الطريق كاملة و هو كيطلب ياربي ما دومنديش شي حاجة فايتة ربعمية يا ربي...ساعة كتكمطو مسكين مع ذلك ..
((( الكازاوي )))
باش جاي باش داير كيضرب اير ماكس و دجين و غادي بيها حدا مسجد الحسن الثاني و كيبقى على البنت و حق ربي تا راني ناوي المعقول و حق هاد الجامع تا ناوي معاك الحلال يا ربي طيرني لا كنت باغي نغدرك.. الموهيم كيدوز اللقاء غير دعاوي على راسو و ف الليل كيدوزو عند صحاب الحال..و كيدخل كيكتب ف الحيط ديال الكوميسارية لي بايت فيها "من أجلك يا نوال السجن للرجال"..
((( لمراكشي )))
ما على بالوش لي كيلقاها ف دارهم كيلبسها ما عندوش المشكل و لكن را ما كيتقاداوش من الهضرة ممكن يبقى يدوي من هنا ل شهر تسعود الجاي..شتي را لي بيتي بيتو لي ما بيتي ما بيتو .. كتقول ليه الساطة يالاه نجلسو فشي قهوة كيقول ليها لا أجي غير نتمشاو را المشي مفيد للصحة و الجو شاعري هنا.. و هو را غير جيبو كيسوط فيه الريح..
((( الشمالي )))
كيعيط ليها ف التيليفون كيقول ليها شوفي نتينا را أبعة خاصنا نتلاقاو لا تعطلتي و ما جيتيشي نقدر ماتسناكشي تال أبعة و نووص.. الخمسة خاصني نشبر الطرومبية حيث ياما كتسناني..و دائما كيضربو جبانية ديال البيصار ف كل لقاء و موعد و أحيانا أتاي بالنوعناااع..
((( الفاسي )))
ناري ملي كيتلقى مع الفاسية تاريخ المغرب القديم و المعاصر كيحضر كتحس براسك كتفرج ف برنامج أمودو..كيبقى عليها شتي أنا الأصول ديالي را من الموريسكيين هي كتقول ليها شتي أنا را من سلالة الأدارسة و السطاج لخر كيقول ليها شتي المولى إدريس الأول را مدفون ف دارنا..
((( الجديدة و آسفي و النواحي )))
غير كيريحو ف القهوة ديما كيطلبو أتاي أتاي أتاي وخا يطلقاو ف الصباح.. لعشيا.. الليل.. أتاي هو أتاي أما الحديث ديالهم فغالبا ما يتمحور حول الأمطار و الفلاحة و البهيمات و عدك ورقاااو.. كيقول ليها و تي شتي أنا و الله تا راني كنبغيك كثر من بقرتنا زعما را قمة الغرام و التعبير عن الحب فضلها على بقرتهم و هي كتحشم و كترد عليه شتي أنا و الله تا كنموت عليك كثر من حمار و كرويلة بويا...
((( الصحراوي )))
كيلبس الدراعية و كيقول ليها يا وني بيك يا عمري راني هربت من المخيمات على قبلك يا الطفلة و راني مع الحكم الذاتي على قبلك و راني انفصالي على قبلك.. شوية كيطلق عليها قصيدة شعرية حسانية بالرب لا فهمتيها لا ما كنتيش كتفهم الموريتانية.
و ((( الشلحي )))
كايلبس الجلابة والبلغة وكايتخبى مورا النخلة حتى دوز فاضمة وكايتبعها حتى كاتجري عليه بالحجر ...
* وزايد أوا أمحماد لاحك إتورينك أداغد أور يافي بابا..
( روح يا محماد لايرجع بابا ويشوفك)
- فييي غير أدسوغ أفاضمة
(اعطيني بس اشرب يا فاظمه) هههههه
طلع الشلح هو الرومانسي فيهم هههههههههههه
منقوووووول
وأكررها »» للضحك فقط