مراكش اليوم 2016/10/17

مستغرب من اللي ينتقد جو خاسر
يعني لازم يصير اربع عشرين ساعة سهر مثلكم وعصير وطيور ومهايط على المغربيات وعلى خوياه ولا مايصير طلع للمغرب!!!!!!!!!

افهموا كل واحد له جوه والاسلوب اللي يتفق مع مزاجه وطبيعته، وهو حر بتصرفه، يمكنه يرى قمة متعته ووناسته في هالاسلوب اللي يتبعه

عجباً لبعض الناس إلا ويحشر خشمه بما لايخصه

اخوي رابح قرأت تقريرك 22 صفحة ماوجدت فيه الا حديث عن صاحب التاكسي والسكن والمرجان وكارفور
واستغربت حقيقة ان يفتقد تقريرك لبرنامج زيارات وتمشيات في مراكش من مقاهي ومطاعم وتسوق وزيارات للمناطق الريفية بمراكش كما ان هناك مطاعم راقية تقدم برامج متنوعه للسهر الغير تقليدي
كبرنامج للفن المغربي والرقص الشرقي وعروض فلكلورية صينية .

__________________

اطق لك التحية اخوي رايق

اختصرت انت الكلام الي ودي اقوله ..

تسلم حبيبي والله ..

انا هدفي تقرير يساعدالناس للسفر للمغرب بالنسبة المزاعيط الجدد وهو اذا يبغى يروح مقهى او مرقص بامكانه يروح يعني اذا انا ماذكرتها مومعناتها ماهي موجودة بالمغرب
انا هدفي الناس الجديدة فقط خاصه وانا مريت بهذا الصعوبات واعرف وش ودهم يعرفون بعضهم وده بس يوصل للمغرب وصدقني لما يوصل الباقي جداً سهلاً
حبيت اختصر. لهم يعني
كيف الاجراءات والخ اما موضوع السهر اذا بكتب عنه وكل يوم والخ بيطلع موضوع طويل واحداث مالها اول ولا اخر.

بعض الناس يبون علوم الافلام والصيد وووووووو
ما يفهمون انه فيه شي اسمه الستر والخصوصيات .

__________________
سأظل أتنفس الأمل والتفاؤل وأضيء الكون بابتسامتي رغم كل شيء

صح كلامك ..
وكلآ يغني على ليلاه

انت الصح والله

__________________
سأظل أتنفس الأمل والتفاؤل وأضيء الكون بابتسامتي رغم كل شيء

فعلا البعض يفكر انه المغرب بس سهر وصيد ما يدرون انه بلد عريق بجميع النواحي .. اغلب سفراتي للمغرب تكون بالاشهر .. من غير طير ومن غير سهر .. مقهى ممكن .. وتكون رحلة سياحيه مع اصدقاء مغاربة ..

خلهم يعبرون ويعلقون الاختلاف بالرآي لا يفسد للود قضية .. كلن براحته
والله يوفق الجميع

ياشباب حركة التنويع حلوة ماهو لازم كل يوم سهر وهانق اوفر وكان الدنيا تطاردك مطارد

البريكات في ايام السفر حلوة يعني بين كل يوم ويوم يكون النوم بدري وصحيه الصباح وفطور برى

وبرمه بالمدينة الصبح وان طلعت بعد للارياف راح تستمتع أكثر ! أربط حزامك وخذلك جولة استكشف المدينة


كثير من المزاعيط القدامى ومن كبار السن هذا جوهم يصحى الصباح ويطلع يسوي رياضة يرجع شور

ثم يفطر ويظبط له قهوة ثم اذا هو يطبخ او يطلب من الطباخه تطبخ له مايشتهي

ثم لاجا المساء من العصر وورى طلق رجليه وتفرج واستمتع اما بمحيط كازا ولا محيط المارينا باغادير

ولا تمشيات الرباط ولا طنجة ساحل طنجة العتيق خذى له فنجال قهوة على 9 المساء بالكثير

تلقاه بشقته زين عشاه وان سهر مرة طول 12 الى هو راقد وتلقاه مبسوط بسفرته ومستمتع

كثير منهم مايسهر برى ولا يعرف اماكن السهر ولا له حتى فيه !

بالنسبة لك اخوي خاسر ولو اني ماشوفك خاسر للحين ماشاء الله شرايك نحولها ع جاسر

جوك وضحته من بداية التقرير وبالعكس عجبني جوك اذا فيه مثل ماذكرت طبخ ونفخ مافيه احلى منها

وخاصة اذا السكن بمنتجع ماينقصك شي للخروج للسهر برى وأظن حتى السهر جايبينه عندك الروز في الخيمة

يعني مااستغربت لما قلت لي مااطلع بالعكس وش أبي غير هالنخيل ومساحات خضراء وصوت العصافير الصباح

اما بالاوقات العادية اذا تبقى لك وقت في السفرة خل السواق ينزلك في شارع محمد السادس

تتمشى وفيه جلسات بالوسط رايقة تقدر تجلس تستمتع بمنظر جبال الاطلس امامك

وان اشتهيت قهوة يمينك ويسارك كافيهات رايقة تقدر تغير جو فيها وبأسعار معقولة

ولاتنسى أوريكا لو تروح لها مع السائق طريقها الريفي راح يعطيك بهجة وتغير جو

ايضاً الصويرة 3 ساعات من مراكش بحرية وتقدر تاكل فيها سميكات طازجة وترجع قبل المغرب

وكيفهات ع البحر رايقة جداً

يبيلك تطلع لها 9 الصباح تقريبا عشان تروح وترجع بدري وطريقها سيار ومريح


موفق خير ورحلة موفقة

__________________
ياغاديين بالطوموبيل ,, عيطوا لينا بالبورطبل

الله على أيام مراكش كان أقوم من النوم الساعة ٨ الصبح وفطور وانطلق في أنحاء مراكش وما جوارها لا جاء الليل أدور الفراش ولاني راعي سهر ولا شئ ومبسوط ورايق وأردد لمحمد عبده

ودع اليأس وسافر واغربِ ..
واجتلى الحسن بأرض المغربِ
واغتنمها فرصة يا صاحبي ..
وأمتع القلب بنيل المطلبِ
جمعت في غيدها كل المنى ..
فتنة الغرب ونطق العربِ