اهداء الى مزاعيط المغرب وبالاخص deqa

حان السّفر والإجازه شبْه محسومه
للدّيره اللي تحدّد حسب رغباتك

وتفارق القيظ يا ذيبان وسمومه
وتنسى المشاغل وتنسى كل ضيقاتك

ودامك نويت السّفر بعطيك معلومه
تنفعك طول العمر في كل سفراتك

خوّة خويّ ٍ تسر و تعجبْ علومه
ينصحك لأخطيت و يرفى كل خملاتك

لا قلت رجال .. رجل و مالي هدومه
على النقا خوّته يصدق بهقواتك

كريم سبلى ونار الطيب مضرومه
وان شرت يمشي حسب شورك ومشهاتك

وان بان وقت الشدايد بانت رسومه
يضيق من ضيقك و يفرح بفرحاتك

نفسه عن المكر والسيّات محشومه
ويبعد عن اللي يعلك لأجل راحاتك

حافظ صلاته وحافظ حجه وصومه
هذا الذي تذخره في كل حزاتك

وابعد عن اللي بوصفه كنه البومه
اللي تباشر ليا من شاف زلاتك

وأدْناة زله يعدّك اكبر خصومه
ولا اخطيت يجحد معاريفك ووقفاتك

ولأجل المصالح يبدّل طيّب سلومه
ويفرح بحزنك ويحزن في مسرّاتك

نفسه ردّيه من الايمان محرومه
ولا يعينك على وِرْدِكْ وطاعاتك

واليا زهمته ابد ما تشيله عزومه
ويسمْ قلبك بروحاتك وجيّاتك

مسكين ما ينقل همومك ولا همومه
اشلون ترضى بمثله عند رحلاتك

والمدح ما كلّ رجل ٍ يقدر يرومه
يا كود رجل ٍ يعجْبك ْعند ضيقاتك

حان السّفر والإجازه شبْه محسومه
للدّيره اللي تحدّد حسب رغباتك

وتفارق القيظ يا ذيبان وسمومه
وتنسى المشاغل وتنسى كل ضيقاتك

ودامك نويت السّفر بعطيك معلومه
تنفعك طول العمر في كل سفراتك

خوّة خويّ ٍ تسر و تعجبْ علومه
ينصحك لأخطيت و يرفى كل خملاتك

لا قلت رجال .. رجل و مالي هدومه
على النقا خوّته يصدق بهقواتك

كريم سبلى ونار الطيب مضرومه
وان شرت يمشي حسب شورك ومشهاتك

وان بان وقت الشدايد بانت رسومه
يضيق من ضيقك و يفرح بفرحاتك

نفسه عن المكر والسيّات محشومه
ويبعد عن اللي يعلك لأجل راحاتك

حافظ صلاته وحافظ حجه وصومه
هذا الذي تذخره في كل حزاتك

وابعد عن اللي بوصفه كنه البومه
اللي تباشر ليا من شاف زلاتك

وأدْناة زله يعدّك اكبر خصومه
ولا اخطيت يجحد معاريفك ووقفاتك

ولأجل المصالح يبدّل طيّب سلومه
ويفرح بحزنك ويحزن في مسرّاتك

نفسه ردّيه من الايمان محرومه
ولا يعينك على وِرْدِكْ وطاعاتك

واليا زهمته ابد ما تشيله عزومه
ويسمْ قلبك بروحاتك وجيّاتك

مسكين ما ينقل همومك ولا همومه
اشلون ترضى بمثله عند رحلاتك

والمدح ما كلّ رجل ٍ يقدر يرومه
يا كود رجل ٍ يعجْبك ْعند ضيقاتك