لي تعليق اعتقد حذف كالعاده
كان نصيحه لعضو
كنت اقول فيه:
الانسان مع كثرة التردد للمغرب يفقد الشغف ولذة السفر .
لاجديد يراه ، كل شيء جربه ،وشاهده مره ومرتين وعشر مرات.
لذالك اذا كنت من عشاق المغرب احرص تزور بلد جديد كل سنة او على الأقل يكون سفرك لبلدين في نفس السفره مثلا اطلع برشلونه ثم طنجه ثم الرياض .
وتكون قعدتك في برشلونه ٣ او ٤ ايام وبقيه السفره كملها بالمغرب .
سوي هالحركه كل سنه مره او مرتين وكل مره زر بلد جديد .
نعم يكون السفر متعب شوي لكن يكون ميزته تزور كل سنه بلد او اثنين جديده عليك بدل ماتكون اسير المغرب.
سالفة ازور المغرب ٣ او ٤ مرات بالسنه بدون تغيير راح تطفش من المغرب بعد كم سنة وحتى فرحه السفر للمغرب بتختفي كنك طالع من الرياض لجده .
وصلت مرحله قطعت فيها المغرب سنتين لاني طفشت منها .
رجعت لها بعدما حسيت اني فعلا اشتقت لها.
وانا ولله الحمد ازور المغرب للترفيه وماعمري ربطت نفسي بأحد فيها لان فيه ناس تزور المغرب عشان شخص يوده هذا والله مسكين مضيع ماله وحياته على الفاضي الا اذا كان متزوج .
طبعا هذي تجربتي ولكل شخص قناعاته .
فيه ناس ماتمل وماعندها اي مشكله يكرر الزياره لبلد يحبه مية مره اذا كنت من هالنوع واصل ياوحش لكن تذكر ان العالم كبير وجميل وكل شيء فيه مثل المغرب واحسن بعد .