مسافرين للمغرب ان شالله وابي استفسر عن امور تجهلني

المبلغ ٢٥ الف بدون طيور
شامل (سكن خارج مجمعات ومواصلات من المطار الى مراكش ومن مراكش للمطار وعصير واكل طبعا اكل في السكن وليس المطاعم مانحبها طبعامراقص ووطقتها مالنا فيها

اسف علط عندي في المبلغ

المبلغ هو ٢٥ الف

__________________

حاولت اجيبها لك يمين يسار مو جايه معي الحسبه ..
حتى لو سكنت بالدرقاوي بعد حسبتها لك ماهي زابطه

انت علشان تريح راسك خل تكون حسبتك فيها زود ولا نقص
واقرب حسبه لي لك هي ان يومك ١٥٠٠ ريال * سبعه ايام= ٣١٥٠٠ ريال ان شاء الله ذا المبلغ يكفيكم وزياده ولاتنسى انتم اول مره تسافرون للمغرب فصدقني الي اول مره لازم تفوت عليك حاجات انت ماتدري عنها
بخصوص البخشيش انتبه تخلي الوضع سمردحة
البخشيش عند الضرورة واذا شفت شخص خدمك ويستحق لاتبخل عليه

وسفره موفقه اخوي المزعوط

أعجبني ردك ,,, وودي أحآرشك شوي ,, عشآن نسفيد من خبرتك ^_^

طيب بمآ أنه شخص وأحد كم يكون صرفه باليوم ؟؟
مع كل أبو شي ,,,

وهل يفضل الفندق أم الشقق ؟؟
والديره الي أتكلم عنهآ مرآكش ,,,

نبي بالتفصيل يآخآسر ^_^
عطنآ مآفي جعبتك

حياك حبيبي

هو ماقال انه لحاله قال احنى ثلاثه

والله شوف اخوي على حسب جو الواحد =^>

وش هو جوك والخ بالنسبه للسكن يختلف من شخص لـ شخص بالنسبة للمتمرس ووضعه جاهز ياخذ شقة افضل الا اذا كان يحب الصوووت العالي
لكن بالنسبة لي افضل المنتجعات حالياً
لو كنت وحيد
المنتجعات من بـ 1000 درهم الى 1800 درهم
اخرمنتجع سكنته
1600 درهم مع مطبخ 600 ريال تقريبا
لاتنسى الضرائب

فيما يخص الامور الثانية
مثل سيارة على حسب
تبي تشتري راحة بالك تاخذ سيارة مع سواق تقريبا بـ550 درهم باليوم
وفي بدون سواق يبدا سعر تقريبا من 250 درهم
طبعا كلها البترول عليــك
خلنا نفترض مع سواق بـ 550 درهم
تقريبا 205 ريال

بخشيش وبترول يومي 200 درهم
تقريبا 74 ريال طبعا مومعناته كل يوم راح تدفع بخشيش او بترول هذا تقريبا المتوسط

الاكل والشرب والخ مااقدر احددلان تختلف من شخص لااخر




اذا كنت من رواد الديسكوات والنوادي اليلية طبعاً بدون رش اعمل حسابك 560 ريال
يمكن تزيد يمكن تنقص "أي تقريباً 1500 درهم " على حسب

لكن مصروف الشخص الواحد اعلى والسبب عندك الاكل والتنقلات والبترول والبخشيش وكل شي عليه حتى سكن شخصين اقل من شخص تبي تفرق القيمه معك
لاان كلهاتكون على شخص واحد ومافي شخص اخر يتقاسمها معه لذلك انا لما سافرت ركزت على كم حاجة ماهي ضروريه مثل سيارة وخليتها على حسب الحاجة

واذا تبي تفاصيل اكثر وادق ادخل التقرير الي صلحته عن سفرتي لـ مراكش 17/10/2016
راح تحصل الي تبغاه وبالتفاصيل

مع خالص تحياتي لك

أدري أنهم ثلآث أشخآص ,,,

لكن أنآ حبيت أستفسر منك عن شخص وآحد ^_^

أشكرك ع سعة صدرك ,,, ولنآ عوده لتقريرك ,,, لك ودي

وعليكم السلام ورحمة الله
اتوقع المبلغ يكفيكم لو سكنتوا بالنخيل الدرقاوي وضعة امان وتاخذ راحتك والخدمات كلها عندك شقة 3 غرف تقريبا 2500 درهم من غير الضرائب لثلاثة اشخاص الضريبة 12 درهم للشخص واحسبها
الشغالة عندك 24 ساعة اجرتها 150 درهم باليوم
وقت سفركم بررررد خذوا احتياطكم
التكسي من المطار لمراكش من 1000 درهم الى 1200 درهم
بالنسبة لمقاضيكم تقدر تنزل البلد وتتقضى من المرجان او كارفور اسعارة مناسبة فية سوبر ماركت بالنخيل الدرقاوي بس اشوفة غالي لكن فية كل شي حتى عصيركم
بالنسبة للصرف انصحك تصرف في المطار حق الطريق والتكسي فقط والباقي اصرفة من داخل الدرقاوي فية صرافين وعندك فندق علي في ساحة جامع الفنا صرفة حلوو .
وزع الدخان على شناطكم وفي العزبة مع الرز الامور سهالات لو تعقدت ادهنهم بالقليل
انصحك باستأجار سيارتكم من المطار اوفر لكم بكثير من التكاسي خذ معاك قارمن من هنا والله ترتاح من دوشة السواقين .
بالنسبة للسفتي بوكس موجود بالشقة
اتمنى لكم رحلة موفقة واي استفسار حاضرين

شهر ابريل حار بالنهار الطقس 38 وبالليل معتدل 20
مثل ما قالو الاخوان اسكن الدرقاوي ثلاث غرف تستأجر سياره أفضل لك وارخص والتسوق من سوبرماركه مرجان والأفضل تفتح حساب في بنك وفاء كاش بقيمه 99 درهم من المطار وتصرف فلوسك وتحطها بالحساب

بخصوص البخشيش انتبه تخلي الوضع سمردحة
البخشيش عند الضرورة واذا شفت شخص خدمك ويستحق لاتبخل عليه

وسفره موفقه اخوي المزعوط