سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )

كرشاف · 2016-11-20T16:06:19+00:00

بسم الله الرحمن الرحيم [FONT="Trebuchet MS"][SIZE="4"]وش جاك مني ياهوى البال وش جاك وشفيك تقسى ياعشيري عليه مساكم الله بالخير محدثكم من مطار محمد الخامس راجع للديار العز ،سفره كل اكشن وتجارب ونكبات لاكن برغم ذلك انبسطت لاني تعلمت المهم انتظروني بتغاصيل الممله ابي كل مزعوط يكون فاهم وعارف اكتب من الجوال لاتنقيح للنص ولاغيره انتظررررررروني حيره وهاجوس ولوعات وهموم تناولت عقلي وروحي وبالي من عقب صبري اتضح سر مكتوم باح العزى من عقب شي(ن) جرالي[/SIZE][/FONT]

gaabaal

مزعوط قدير

المشاركات: 248

تاريخ التسجيل: Oct 2011

الدولة: الرياض

2016-11-30, 01:00 PM

المشاركه #1

لاتتاخر علينا

*قيصراوي*

مزعوط قدير

المشاركات: 213

تاريخ التسجيل: Mar 2013

2016-12-01, 12:36 AM

المشاركه #2

كرشاف : تصدق وانا أقرأ تقريرك تمنيت انك وقتها كان رقمي مخزن بجوالك ودقيت علي بالغلط وتقولي على سفرتك للمغرب كان قلت لك قدام ههههههه
مستمتعين بتقريرك وبداية مشوقه كثير
يسعدني اكون من ضمن متابعينك في هذا الاكشن . تحياتي

كرشاف

مزعوط قدير

المشاركات: 212

تاريخ التسجيل: Sep 2016

الدولة: هناك

2016-12-01, 10:00 AM

المشاركه #3

ياهلا قيصراوي ارحب ..لليتني اعرف رقمك ياخوي شكلك مثلي اذا مسكت براسك خلاص ’’
الله يسعد ايامك ومتابعتك شرف طال عمرك,لاتبعد,,

كرشاف

مزعوط قدير

المشاركات: 212

تاريخ التسجيل: Sep 2016

الدولة: هناك

2016-12-01, 10:40 AM

المشاركه #4

صبحهم بالخير ,
اسف على التاخير الغير مقصود ,
نرجع للتقرير:

بعد مارتبنا الحجوزات وحجزت الاورنس الشمال معي وضبط الوضع ,

بعدها بعشرين يوم وانا جالس بدوام جوالي يدق اناظر الشاشه اورنس الشمال يتصل بك
وانا افز والقط الجوال وارد عليه:

أنا : هلا يامرحبا الله حيوه
اورنس:هلابك بالخير شلونك
انا : بالخير ياهلا بخير ابشرك ياجدي .شلونك انت
اورنس :دووم ياخالي الله يسعدك ابد بخير من الله, اقولك ياعزوتي
انا:سم طال عمرك
اورنس :حنا موضوعنا ع خبرنا ان شاءالله’هو وش باقي ع الموعد
انا:اي ان شاءالله النيه بعد 10 ايام تقريبا اسبوعين’

اورنس:اهاا ع خير ان شاءالله لاكن بسالك كيف المصاريف كم يبغالي
انا:والله يااورنس مانبي نهايط بالحيل نبيها سفره معقوله ولانبي نعزر بانفسنا يعني حطلك في مخباك 12 او 13 الف مصاريفك كلها,

اورنس:اها زين ,والله انا عندي شوية ظروف والامور متعكره معي لاكن ان شاءالله تزين من هنا الى وقتها ,
انا:الله كريم يااورنس المهم شف وضعك وعطني خبر من بدري يا ئيه او لا,
اورنس اوك وانت طيب سلام,
انا:هلابك سلام.

انتهى الاتصال ,
جلست اقلبها بيني وبين نفسي واحاتسي روحي لاحول اورنس شكله بيهون ولاهو برايح ,
المهم في هلحظه تقل جاتني ضيقه وتحطمت وشلون ياولد يعني بروح وحداني طيب ليه ماشوف احد

من الزقرت لالا فكني منهم اعرف جوهم ماش المهم رايح رايح الله لايعوق بشر لو وحداني ,
المهم في هلحظه جاتني لخبطه وتغيرت الافكار وزهقت حتى من الدوام طلعت من الدوام.

قلت بروح المول بشتري كم غرض ناقصه للسفره بغير جو عن طاري الموضوع لان سالفة خوة اورنس معي معطيتني حماااس غير طبيعي اعرف انها بتكون سفره افلام معه او وناسه ولا جاء في بالي انه راح يهون لاني اعرفه دااايم كل شي قدااام,
,
المهم بعد كم يوم الصباح الساعه 7 ونص تقريبا وبطريق للدوام فتحت الجوال واحصل رساله واتس من اورنس ,

(صباح الخير ياغالي انا اعتذر منك ياتاج راسي ولا ابي اعلقك معي ويعلم الله انت تدري وش كثر معزتك عندي لاكن يعلم الله اني الماديات معي زفت تكرم ولاهيب راضيه تعتدل ولااقدر اسافر معك والعوض بالجايات ياتاج راسي وعزوتي)

اوطلع توقعي في محله وقفل جوي وتعكر مزاااجي ,
المهم قلت خير ان شاءالله سحبت ع الدوام او وجهت للمقهى وانا مشغل بطريق اغنية الضويحي:
العيد باكر قلت أنا العيد مابيه
العيد مو للي مفارق زمانه
تكفون حالي لا تقولون وشفيه
حالي عليل و سبته من زمانه.

وصلت المقهى والخاطر ماش واطلب معسل تفاحتين وكوب شاهي احمر ساده واجلس ع قولتهم ارتب اوراقي واحاتسي روحي انا اكنسل الرحله وش يوديني للحالي انا وش اسوي هلحيين المهم اخر ماقررت قلت بروح والي فيها فيها اول شي اسويه هلحين اكنسل تذكرة اورنس ,
المهم رحت المكتب كنسلت تذكرة اورنس اخصمو 400 ريال ,

المهم عدة الايام وباقي ع السفره يومين ومحسوبكم مجهز الشنطه من بدري حتى السماعات حاطهن اول شي ,وماخذ احتياطي بلبس للبرد المهم مضبط اموري ماخذ احتياطي بمور واجد عاد لااحد يدقق,

جلست بيني وبين نفسي قلت هسفره لازم تكون اقتصاديه يااورنس مامعك غير 9 الاف وجالس تقريبا 8 ايام ,يعني لازم تحسبها صح,
المهم :
سحبت 9 الاف وحولتها من محل صرافه وكان سعر الصرف الف ريال اب 2560 درهم تقريبا المهم طلعت بحدود 22600 درهم تقريبا,,

المهم جااات لليلة السفر

bbalotaibi

مزعوط جديد

المشاركات: 14

تاريخ التسجيل: Nov 2015

2016-12-01, 08:53 AM

المشاركه #5

كرشاف

مزعوط قدير

المشاركات: 212

تاريخ التسجيل: Sep 2016

الدولة: هناك

2016-12-01, 11:29 AM

المشاركه #6

ال

مهم جات لليلة السفره طبعا قبلها بيومين مافيه نوم من الربشه واقف بصاله ونوب ارجع اتاكد من العفش ,
المهم مدري وش جاء في بالي صورة سنابه وحطيت علم المغرب عاد طبعا رسائل السرابيت بالخاص عاد عد واغلط هههه,

المهم للي صديق صدوق جميل الاعذاب قسم صديق موصديقه اوك اي هين في مراكش وعندي ع السناب شوي حصلت رساله منها ياصاايع امانه جاي متى رحلتك

فتحت الرساله حطيت فيس مبسوط وطبعا قلب,قلت بكره الظهر ان شاءالله ,

قالت: قسم تجي مراكش ,
قلت ابد الله لايقوله مابيها اصلن هي سفره خنفشاريه كلها كم يوم وبقضيها بااقادير ,
قالت طلبتك تكفى تجي ,
في هلحظه مدري وش جاني تقل خقيت وجوي غدى خاثر مدري وش خلاني ارد قلت :يابنت الحلال ماعرف شي في مراكش ولاهي جوي ولاادل بها
قالت:انسى كل شي, انا معك تكفى تجي انا بعتزل اعتزال للسهر وابيه اعتزال ملكي معك وازهل كل شي شقتي تحت امرك تعال بس ,ولاتاخذ موتر موتري تحت رجلك,
((عاد هي مسويه فلم انها بتزوج بعد شهرين وبتروق وانا مصدق السالفه ومسوي غبي))
قلت خير ان شاءالله بيننا تواصل ,
انتهى الكلام بيني وبينها,.
المهم جلست اقلبها براسي ياولد امرها مراكش وجرب كم يوم عجبني المود كملت ماعجبني سحبت وطلعت اقادير منها شخص اعرف جوه وموده ,بس الموتر لازم اخذ موتر مابي ارتبط باحد ابي ع جوي ,

المهم مالكم بطويله الساعه 9وانا في مطار جده مسنتر للهم ومحضر طبعا بعد كم محش من حقين الخطوط ع كازا هاه شكلك جوك عالي ياهنيالك ياعمي ,عاد شكلهم من جده عطيتهم ابتسامه غبيه وخذيت البوردنق وجوازي ودخلت الصاله انا وشوقي والهيام ,

وطبعا لازم اجي قبل الرحله دايم بكم ساعه ماهو حرص بس شسمه في اشياء حلوه تحمسك للجلوس بصالة المطار خصوصن مطار جده ورحلة للكازا,,ااوووه ,عمار ياجده ,

المهم في الساعه 12 الظهر تقريبا فتحت البوابه للصعود للطائره في هلحظه قلت :
ياهم ياغم ياوجع قلب واوهام , نعنبوكن خلكن فوق الكراسي لاتجن,
وطلعت الطياره وكلي شوق اوزع ابتسامات حتى ع التماسيح ياخي احساس مدري وشهو ااااخ بس,,
المهم:
اقلعت الطياره اعتقد الساعه 12ونص ,
جلست في مقعدي واخذت وضعية الاسترخاء بعد تصوير كم سنابه مستفزه للبعض الاشخاص المداومين هههه,
المهم حاولت انام مافيه نوم والله لو تلحس السماء من قريب ,حطيت السماعات وشغلت اغنية محمد عبده مع اني مانيب من عشاقه بس الاغنيه هذي دماار:
ودع اليأس و سافر و اغربِ
و اجتلى الحسن بأرض المغربِ
و اغتنمها فرصةً يا صاحبي
و امتع القلب بنيل المطلبِ,
.وشغل بعدها اغنية مازال مازال تغنيها مريم تركي:
سألولي عَلِيّها و جيبولي أَخْبارها
إِلّا راهي مَغْبُونَة و لا مِهْنِيَّة
ومازال مازال عشقك في البال
ننساك محال يلي نسيتينا
و إذا طوالت الأعمار و حكمة الأقدار
بالاك كانش نهار تجي تسقسي عليا
,,,,,,,,,,,,,,,,,,,,,,,,,
وتمسك حزن شوي,

واشطح بعدها ع مودي الشاطح وشغل عبدالرحمن الحسن حب ئيه ,
وقتها مسكة الزقاره برااسي واقوم اتحلطم وشوي واقبسها وانا جالس في المقعد وتعوذ من ابليس واطلب عصير تفاح وروق شوي,

المهم بدات ملامح العز والفرح والسعاده وقرب الهبوط وماهي الاللحظات وهبطت الطياره وانا اشوي ونط من الشباك مع اني اكره الناس الي توقف من اول ماتهبط الطياره ع وش مستعجل بس عاد المغرب غير عاااذرهم ,

المهم اول ماطلعت من باب الطياره وهب ع جاشي براد المغربي ياااااه ياوقتها اخذت نفس عميييق مع جرة ااه بالجوف مع ونه مع شهقه مدري مدرري ووش .
دخلت الصاله وكالعاده شوية زحمه وصلت الكاونتر كعادتي اوراقي جاهزه وكامله ولااناظر فيه سؤال ورد جواب تلميح ماتلميح ماعطيه وجه ,
وخلصت ورحت للعفش وخذيت عفشي
,,,,

ملااااااااااحظه

الجزء الجاي لازم يركزون فيه المزاعيط الجدد لاني راح احط فيه اسعار وكل شي وااااضح ركزو تكفوووووون:

التعديل الأخير تم بواسطة كرشاف ; 2016-12-01 الساعة 11:32 AM

ولد الهواشم

سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )

المشاركات: 774

تاريخ التسجيل: Aug 2016

2016-12-01, 12:09 PM

المشاركه #7

اررررحب ارررحب يا كرشاف ، يا ويح قلبي على قول الزير سالم ، والله إني تهيضت و أنا ماسك خط من جدة إلى ينبع ، كنت بنزل على الخط و انسدح من الغبنه ههههههههههه يا لبيه يا كازا و هواها .

كرشاف

مزعوط قدير

المشاركات: 212

تاريخ التسجيل: Sep 2016

الدولة: هناك

2016-12-01, 12:16 PM

المشاركه #8

اقتباس:

المشاركة الأصلية كتبت بواسطة ولد الهواشم

ااارحب مليووووون,,
تكفى طاالبك ان كانك جاااي ينبع مرني تقهوى عندي طااالبك ياااخوك انا في ينبع ,اقل شي نشوفك يااخوووك,,
المهم نشوفك لو تبيها نشيش سوى طاالبك بس

ولد الهواشم

سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )

المشاركات: 774

تاريخ التسجيل: Aug 2016

2016-12-01, 12:58 PM

المشاركه #9

اقتباس:

المشاركة الأصلية كتبت بواسطة كرشاف

ااارحب مليووووون,,

تكفى طاالبك ان كانك جاااي ينبع مرني تقهوى عندي طااالبك ياااخوك انا في ينبع ,اقل شي نشوفك يااخوووك,,

المهم نشوفك لو تبيها نشيش سوى طاالبك بس

الله يبقيك و يرفع مقدارك و بيض الله وجهك اتشرف والله لو بـ كاسة ماء عندك طال عمرك ، ولا تقول لي تكفى دخيلك، والله يا طويل العمر إن جيتي عجله و عندي مقابله شخصية الله يعطيني خيرها في احد الشركات ، على الساعه 2 و تراها صد رد و بإذن المولى إن الجايات أكثر و ابشر الوعد قريب في ينبع ولا في جدة ومعرفة شرواك غناه يا بعدي .

كرشاف

مزعوط قدير

المشاركات: 212

تاريخ التسجيل: Sep 2016

الدولة: هناك

2016-12-01, 01:11 PM

المشاركه #10

اقتباس:

المشاركة الأصلية كتبت بواسطة ولد الهواشم

الله لايهينك والله المقصد نبي نكسب شوفتك وتشرفنا او وجهك ابيض طال عمرك,
الله يحييك واعز من يجينا والله,,
والله يوفقك ويكتبلك الي فيه خير بالدنيا والاخره ياخوك,,وان نقص عليك شي ولااحتجت شي لايردك شي لك اخو في هديره وفي كل محل تامر بس,,
ولابد نتقابل ان شاءالله ع خير

المواضيع المتشابهه للموضوع: سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )
الموضوع	آخر مشاركة
بخصوص رحلتي من الرياض الى كازا بتفاصيل	2021-06-03 06:36 PM
تمت العوده من مراكش واقادير اي سوال في الخدمه	2014-04-30 10:04 AM
تقرير مبسط لرحلتي ما بين مراكش واقادير.	2012-06-11 01:45 AM
همومي علي ملتمه	2011-07-23 11:14 PM
كنحمق عليه ... كنزعل عليه ... اهداااء ليه	2011-07-02 01:52 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

سفره تبي مرثيه للديار المغربيه في مراكش واقادير زادت همومي عليه(ابشرو بتفاصيل )

روابط سريعه

الذين يشاهدون محتوى الموضوع الآن : 2 ( الأعضاء 0 والزوار 2)